பழையக்கோட்டையில் காங்கயம் இன மாடுகள் ரூ.12 லட்சத்திற்கு விற்பனை

காங்கயம்:

திருப்பூர் மாவட்டம் காங்கயம் அருகே நத்தக்காடையூர் - பழைய கோட்டையில் காங்கேயம் இன மாடுகளுக்கான பிரத்யேக சந்தை ஞாயிற்றுக்கிழமை தோறும் நடைபெற்று வருகிறது. 

இந்நிலையில் ஞாயிற்றுக்கிழமை நடைபெற்ற சந்தையில் மாடுகள், காளைகள், இளங்கன்றுகள் என 60 மாடுகள் விற்பனைக்கு கொண்டு வரப்பட்டிருந்தன. இதில் 36 மாடுகள் மொத்தம் ரூ.12 லட்சத்துக்கு விற்பனையாயின. 

இந்த சந்தையில் அதிகபட்சமாக ரூ. 70 ஆயிரத்துக்கு கிடாரிக்கன்றுடன் காங்கேயம் இன மயிலை வகைப்பசு விற்பனையானது. காங்கயம் பகுதியில் பெய்து வரும் மழையின் காரணமாக மாடுகளின் வரத்து குறைவாக இருந்ததாக சந்தை ஏற்பாட்டாளர்கள் தெரிவித்தனர்.