உள்ளூர் செய்திகள் (District)
சாலை அமைக்கும் பணிகளை நகராட்சி தலைவர் ஆய்வு
புகழூர் நகராட்சி பகுதிகளில் சாலை அமைக்கும் பணிகளை நகராட்சி தலைவர் ஆய்வு
வேலாயுதம்பாளையம்,
கரூர் மாவட்டம் புகழூர் நகராட்சிக்குட்பட்ட பல்வேறு பகுதிகளில் பகுதிகளில் மண் சாலைகளை தார் சாலையாக மாற்றும் பணிகள், பழுதடைந்த காங்கிரீட் சாலைகளை புதுப்பிக்கும் பணிகள், பழுதடைந்த தார் சாலைகளை புதுப்பிக்கும் பணிகள் உள்ளிட்ட பல்வேறு பணிகள் நடைபெற்று வருகிறது.
இப்பணிகளை புகழூர் நகராட்சி தலைவர் சேகர் என்கிற குணசேகரன் நேரில் சென்று ஆய்வு செய்தார். அப்போது தார் சாலையின் தரம் குறித்தும், தார்சாலை அமைப்பதற்கு ஜல்லிகள், தார் கலவைகள் போடப்படும் விதம் குறித்தும் கேட்டறிந்தார். சாலைகள் அமைக்கும் போது தரமற்ற சாலையாக இருக்கக் கூடாது என்றும், தரமான உறுதியான சாலைகளை அமைக்க வேண்டும் என்றும் தெரிவித்தார்.
ஆய்வின் போது நகராட்சி நிர்வாக அதிகாரிகள், வார்டு கவுன்சிலர்கள் உடன் இருந்தனர்.