காத்தாயி அம்மன் கோவில் கும்பாபிஷேகம்

நாகப்பட்டினம்:

நாகப்பட்டினம் மாவட்டம் திருப்பூண்டி அருகே கீழையூர் கிராமத்தில் 400 ஆண்டு பழமை வாய்ந்த அருள்மிகு காத்தாயி அம்மன் கோவில் அமைந்துள்ளது.

சுமார் 2 கோடி ரூபாய் மதிப்பீட்டில் புனரமை க்கப்பட்ட இந்த கோவிலில் கும்பாபிஷேகவிழா பந்தகால்முகூர்த்தம் பூஜையுடன் தொடங்கியது.

தொடர்ந்து விக்னேஷ்வர பூஜை கணபதி ஹோமம், கோ பூஜையுன் பூர்ணாஹூதி தீபாராதனைகளுடன் ஆறு கால யாகசாலை பூஜைகள் நடைப்பெற்றது.

6-வது கால யாக பூஜைகள் நிறைவடைந்து மங்கல வாத்தியங்கள் மல்லாரி இசை முழங்க கடம்புறப்பாடு நடைப்பெற்றது.

சிவாச்சாரியர்கள் கடங்களை சுமந்துவந்து வேதமந்திரங்கள் முழங்க மூலஸ்தான கலசங்களுக்கு புனித நீர் ஊற்றப்பட்டு மகா கும்பாபிஷேகம் நடைபெற்றது.

பின்னர் புனித நீர் பக்தர்கள் மீது தெளிக்கப்பட்டது.

அதனைத் தொடர்ந்து காத்தாயி அம்மன் பச்சையம்மன், மாரியம்மன், வீரன் பெரியாச்சி, உள்ளிட்ட பரிவார தெய்வங்குளுக்கு மகா அபிஷேகம் மற்றும் தீபராதனை நடைப்பெற்றது.