சாலை தடுப்பில் கார் மோதியதில் டாக்டர் படுகாயம்

ராணிப்பேட்டை:

ராணிப்பேட்டையில் காந்தி நகர் பைபாஸ் சாலை பகுதியில் வசித்து வருபவர் தாமரைக்கண்ணன், இவர் டாக்டராக பணியாற்றி வருகிறார்.

இந்நிலையில் நேற்று இரவு தாமரைக்கண்ணன் வாலாஜாவிலிருந்து ராணிப்பேட்டை நோக்கி காரில் வந்தார். கார் வி.சி.மோட்டூர் அருகே வந்த போது சாலையில் நடுவே அமைக்கப்பட்டிருந்த தடுப்புச் சுவரில் மோதி விபத்துக்குள்ளானது.

இந்த விபத்தில் காரில் பயணம் செய்த டாக்டர். தாமரைக்கண்ணனனுக்கு தலை மற்றும் நெற்றியில் பலத்த ரத்த காயம் ஏற்பட்டது. இதை தொடர்ந்து அவரை அருகில் இருந்தவர்கள் மீட்டு வாலாஜா அரசு மருத்துவமனையில் சிகிச்சைக்காக அனுமதித்தனர். பின்னர் அவர் மேல் சிகிச்சைக்காக வேலூர் அரசு மருத்துவமனைக்கு கொண்டு செல்லப்பட்டார்.

இச்சம்பவம் குறித்து தகவல் அறிந்து சம்பவ இடத்திற்கு வந்த வாலாஜா போலீசார் விபத்துக்குள்ளான காரை கொட்டும் மழையையும் பொருட்படுத்தாமல் கிரேன் உதவியுடன் சாலையிலிருந்து அப்புறப்படுத்தி, விபத்து காரணம் குறித்து வழக்கு பதிவு செய்து விசாரணை மேற்கொண்டு வருகின்றனர்.