தங்கம் விலை சவரனுக்கு ரூ.128 அதிகரிப்பு
- சென்னையில் இன்று ஆபரணத்தங்கத்தின் விலை சவரனுக்கு ரூ.128 உயர்ந்து, ஒரு சவரன் ரூ.37,408-க்கு விற்பனையாகிறது.
- வெள்ளி விலையும் இன்று அதிகரித்து உள்ளது. நேற்று ஒரு கிராம் வெள்ளி ரூ.61.70-க்கு விற்கப்பட்டது. இன்று கிராமுக்கு 60 காசுகள் அதிகரித்து ரூ.62.30-க்கு விற்கப்படுகிறது.
சென்னை:
தங்கம் விலை கடந்த 10 நாட்களாக ஏற்ற-இறக்கமாகவே காணப்படுகிறது.
கடந்த 5-ந்தேதி ஒரு பவுன் தங்கம் ரூ.38,440-க்கு விற்கப்பட்டது. மறுநாள் ரூ.37,920 ஆக குறைந்தது. 7-ந்தேதி அதிரடியாக பவுனுக்கு ரூ.544 குறைந்து ரூ.37,376-க்கு விற்கப்பட்டது.
8-ந்தேதி சற்று உயர்ந்து ரூ.37,408-க்கு விற்கப்பட்டது. 9-ந்தேதி மேலும் உயர்ந்து ரூ.37,512-க்கு விற்றது.
கடந்த 11-ந்தேதி தங்கம் விலை பவுன் ரூ.37,440 ஆக குறைந்தது. நேற்று முன்தினம் மீண்டும் குறைந்து ரூ.37,360-க்கு விற்பனையானது. நேற்று பவுனுக்கு ரூ.80 குறைந்து ரூ.37,280-க்கு விற்கப்பட்டது.
இந்த நிலையில் இன்று தங்கம் விலை பவுனுக்கு ரூ.128 அதிகரித்துள்ளது. இன்று ஒரு பவுன் தங்கம் ரூ.37,408-க்கு விற்கப்படுகிறது. நேற்று ஒரு கிராம் தங்கம் ரூ.4,660-க்கு விற்றது. இன்று கிராமுக்கு ரூ.16 அதிகரித்து ரூ.4,676-க்கு விற்கப்படுகிறது.
இதே போல் வெள்ளி விலையும் இன்று அதிகரித்து உள்ளது. நேற்று ஒரு கிராம் வெள்ளி ரூ.61.70-க்கு விற்கப்பட்டது. இன்று கிராமுக்கு 60 காசுகள் அதிகரித்து ரூ.62.30-க்கு விற்கப்படுகிறது. 1 கிலோ பார் வெள்ளி ரூ.62,300-க்கு விற்கப்படுகிறது.