முகத்தில் ஆசிட் வீசிவிடுவதாக மிரட்டினார்: பெண்ணிடம் அத்துமீறிய வாலிபர் போக்சோவில் கைது

தருமபுரி,

தருமபுரி அடுத்த நல்லம்பள்ளி அருகேயுள்ள சிலட்டி பகுதியை சேர்ந்தவர் முனுசாமி. இவரது மகன் சஞ்சய்(23).

இவர் அதே பகுதியை சேர்ந்த ஒரு மாணவியை ஒருதலைப்பட்சமாக காதலித்து வந்துள்ளார்.

கடந்த ஏப்ரல் மாதம் கெங்கலாபுரம் பஸ் நிறுத்தத்தில் நின்று கொண்டிருந்த மாணவியை கையை பிடித்து இழுத்து அத்துமீறலில் ஈடுபட்ட சஞ்சய் அந்த பெண்ணின் முகத்தில் ஆசிட் வீசி விடுவேன் என்றும் மிரட்டியுள்ளார்.

இந்த சம்பவம் குறித்து போலீசில் புகார் தரப்பட்ட நிலையில் சஞ்சய் தலைமறைவாகிவிட்டார். இந்நிலையில் நேற்று சஞ்சய் போலீசில் சிக்கினார்.

அவரை போக்ஸோ சட்டத்தில் வழக்கு பதிவு செய்து சிறையில் அடைத்தனர்.