கார் மோதி மூதாட்டி பலி

ஆரணி:

திருவண்ணாமலை மாவட்டம் ஆரணி அருகே புதுப்பட்டு ஊராட்சிக்கு உட்பட்ட எம்.ஜி.ஆர் நகரை சேர்ந்தவர் முனியம்மாள் (75).

இன்று காலையில் ஆரணி விழுப்புரம் நெடுஞ்சாலையில் நடந்து சென்ற போது வேலூரில் இருந்து விழுப்புரம் நோக்கி சென்ற கார் முனியம்மாள் மீது மோதியது.

இதில் படுகாயம் அடைந்த அவரை மீட்டு 108 ஆம்புலன்ஸ் மூலம் சிகிச்சைக்காக ஆரணி அரசு மருத்துவமனையில் சேர்த்தனர்.

மூதாட்டியை பரிசோதனை செய்த மருத்துவர்கள் அவர் ஏற்கனவே இறந்து விட்டதாக தெரிவித்தனர்.

இது குறித்து ஆரணி தாலுகா போலீசார் வழக்கு பதிவு செய்து காரை காரை ஓட்டி வந்த வேலூரை சேர்ந்த பாலகிருஷ்ணன் என்பரை விசாரணை செய்து வருகின்றனர்.