தேசிய கட்சியின் அதிகாரப்பூர்வ இணையதளத்தில் இப்படிப்பட்ட படங்களா? - கட்சியினர் அதிர்ச்சி

திஸ்பூர்:

அசாம் மாநிலத்தில் பாஜகவின் இணையதளத்தை கூகுளில் தேடிய போது, அவர்களுக்கு ஒரு அதிர்ச்சி காத்திருந்தது. அம்மாநில பாஜகவின் பழைய அதிகாரப்பூர்வ இணையதளம் ஒன்று முழுமையாக ஆபாச வீடியோ தளமாக மாறியுள்ளது. 

இதுகுறித்து வெளிவந்த தகவல்களின்படி, அசாம் மாநில பாஜகவின் அதிகாரப்பூர்வ இணையதளம் www.assam.bjp.org. ஆனால், இதற்கு முன்பு ஒரு தனியார் அமெரிக்க நிறுவனம் மூலம் ஒரு அதிகாரப்பூர்வ இணையதள பக்கத்தை நடத்தி வந்தது. அதன் டொமைன் காலம் முடிவடையும் தருவாயில், அந்த பழைய இணையதளத்தின் டொமைனை, வேறொருவர் வாங்கியுள்ளார். இதையடுத்து பாஜகவின் பழைய அதிகார்ப்பூர்வ பக்கத்தை, அந்த ஆபாச வீடியோ வலைதளமாக மாற்றியுள்ளார். 

பின்னர், தகவலறிந்து அதிர்ச்சியடைந்த அசாம் மாநில பாஜகவினர், அந்த தனியார் அமெரிக்க நிறுவனத்துக்கு கடிதம் ஒன்றை எழுதியுள்ளனர். அதில், தங்கள் கட்சியின் நற்பெயருக்கு களங்கம் விளைவிக்கும் வகையில், பழைய இணையதளத்தை ஆபாச இணையதளமாக மாற்றப்பட்டுள்தாகவும், எனவே அதை முடக்குமாறும் வேண்டுகோள் விடுத்துள்ளனர்.

தற்போது அந்த இணையதளம் முடக்கப்பட்டுள்ளது.