பாராளுமன்றத் தேர்தலில் மாயாவதி போட்டி இல்லை

லக்னோ:

உத்தரபிரதேசத்தில் சமாஜ்வாடி, பகுஜன் சமாஜ், ராஷ்டிரிய லோக் தளம் ஆகியவை கூட்டணி வைத்து பாராளுமன்றத் தேர்தலை சந்திக்கின்றன. மொத்தமுள்ள 80 தொகுதிகளில் காங்கிரஸ் தலைவர் சோனியா காந்தியின் ரேபரேலி, ராகுலின் அமேதி தொகுதிகளில் மட்டும் கூட்டணி சார்பில் போட்டியிடவில்லை. 

இந்நிலையில், பகுஜன் சமாஜ் கட்சி தலைவர் மாயாவதி, எந்த தொகுதியிலும் போட்டியிட மாட்டேன் என அறிவித்துள்ளார். தற்போதைய சூழ்நிலை, நாட்டின் தேவை மற்றும் கட்சி, இயக்கம் மற்றும் பொதுமக்கள் நலன்களை கருத்தில் கொண்டு தேர்தலில் போட்டியிடவில்லை என்று கூறியிருக்கிறார். 

கூட்டணியில் எந்த குழப்பத்தையும் ஏற்படுத்த விரும்பவில்லை என்றும், தனது தனிப்பட்ட வெற்றியை விட ஒவ்வொரு தொகுதியிலும் வெற்றி பெறுவதுதான் முக்கியம் என்றும் மாயாவதி குறிப்பிட்டுள்ளார். #Mayawati #LSPolls