காந்திநகர் தொகுதியில் அமித் ஷா அபார வெற்றி

பாராளுமன்ற தேர்தல் முன்னிலை நிலவரங்கள் வெளியாகி வருகின்றன.

மொத்தமுள்ள 543 பாராளுமன்ற தொகுதிகளில் 289 தொகுதிகளில் பாஜக கூட்டணி முன்னிலையில் உள்ளது. இந்தியா கூட்டணி 236 இடங்களில் முன்னிலையில் உள்ளது.

ஆட்சியமைக்க 273 இடங்கள் தேவைப்படும் நிலையில் பாஜகவுக்கு தனி பெரும்பான்மை கிடைக்காத சூழ்நிலை ஏற்பட்டுள்ளது. அதனால் கூட்டணி ஆட்சி அமையவே வாய்ப்புள்ளதால் யார் ஆட்சி அமைப்பார்கள் என்பதில் இழுபறி ஏற்படும் நிலை ஏற்பட்டுள்ளது.

இந்நிலையில் குஜராத் மாநிலம் காந்திநகரில் போட்டியிட்ட உள்துறை அமைச்சர் அமித் ஷா 10,10,972 வாக்குகள் பெற்று வெற்றி பெற்றுள்ளார். தன்னை எதிர்த்து போட்டியிட்ட காங்கிரஸ் வேட்பாளரை விட 7,44,716 வாக்குகள் வித்தியாசத்தில் அவர் வெற்றி பெற்றுள்ளார்.