ஆட்டோ ஓட்டும் முதியவரின் ஆங்கில புலமை- வீடியோ வைரல்
- ஆட்டோவில் ஏறிய இன்ஸ்டாகிராம் பயனர் ஒருவர் முதியவரின் ஆங்கில புலமையை அறிந்து வியந்து போயிருக்கிறார்.
- வீடியோவை சுமார் 10 லட்சம் பேர் பார்வையிட்டு உள்ளனர். சுமார் 2.5 லட்சம் பேர் விருப்பம் தெரிவித்து பாராட்டி உள்ளனர்.
மகாராஷ்டிரா மாநிலம் அமராவதியில் ஆட்டோ ஓட்டி வருகிறார் அந்த முதியவர். அவரது ஆட்டோவில் ஏறிய இன்ஸ்டாகிராம் பயனர் ஒருவர் அவரின் ஆங்கில புலமையை அறிந்து வியந்து போயிருக்கிறார். உடனே அதை வீடியோவாக பதிவு செய்து இன்ஸ்டாகிராமில் வெளியிட அது வைரலானது.
"இன்று ஆச்சரிய மனிதரான ஆட்டோ டிரைவரை சந்தித்தேன். அவருடன் பேசும்போது நான்கூட தடுமாறி திகைத்துவிட்டேன். அவர் சரளமாக ஆங்கிலம் பேசுவதைக் கண்டு எனக்கு ஆச்சரியம் தாளவில்லை. நாங்கள் வேடிக்கையாக உரையாடினோம்" என்று அவர் பதிவிட்டு உள்ளார்.
இறுதியாக ஆட்டோ டிரைவர் வீடியோவில் பேசும்போது, "நான் சொல்றதை ரொம்ப கவனமா கேளுங்க. உங்களுக்கு ஆங்கிலம் தெரிந்தால், லண்டன், பாரிஸ், அமெரிக்கா என்று போகலாம். ஆங்கிலம் தெரியாமல் அங்கெல்லாம் போக முடியாது" என்று கூறுகிறார். வீடியோவை சுமார் 10 லட்சம் பேர் பார்வையிட்டு உள்ளனர். சுமார் 2.5 லட்சம் பேர் விருப்பம் தெரிவித்து பாராட்டி உள்ளனர்.