பாஜக சார்பில் போட்டியிட்ட ராமர் கோவில் கட்டுமான குழு தலைவரின் மகன் தோல்வி: சமாஜ்வாதி வெற்றி

பாராளுமன்ற தேர்தல் முடிவுகள் வெளியாகியுள்ளன.

மொத்தமுள்ள 543 பாராளுமன்ற தொகுதிகளில் 292 தொகுதிகளில் பாஜக கூட்டணியும் 234 தொகுதிகளில் இந்தியா கூட்டணியும் வெற்றி பெற்றுள்ளது.

ஆட்சியமைக்க 273 இடங்கள் தேவைப்படும் நிலையில் பாஜகவுக்கு தனி பெரும்பான்மை கிடைக்காத சூழ்நிலை ஏற்பட்டுள்ளது. அதனால் கூட்டணி ஆட்சி அமையவே வாய்ப்புள்ளதால் யார் ஆட்சி அமைப்பார்கள் என்பதில் இழுபறி ஏற்படும் நிலை ஏற்பட்டுள்ளது.

குறிப்பாக உத்தரபிரதேசத்தில் இந்தியா கூட்டணி அதிக இடங்களில் வெற்றி பெற்றுள்ளது.

உத்தரப்பிரதேசத்தின் ஷ்ரவஸ்தி தொகுதியில் பாஜக வேட்பாளர் சாகேத் மிஸ்ரா தோல்வியை தழுவியுள்ளார். சமாஜ்வாதி வேட்பாளர் ராம் சிரோமணி வர்மாவிடம் 76,673 வாக்குகள் வித்தியாசத்தில் அவர் தோல்வியடைந்துள்ளார்.

பாஜக வேட்பாளர் சாகேத் மிஸ்ரா ராமர் கோவில் கட்டுமானக் குழு தலைவருமான நிருபேந்திர மிஸ்ராவின் மகன் என்பது குறிப்பிடத்தக்கது.

அயோத்தி ராமர் கோயிலை உள்ளடக்கிய ஃபைசாபாத் மக்களவைத் தொகுதியில் பாஜக வேட்பாளர் லல்லு சிங்கை 54,56,7 வாக்குகள் வித்தியாசத்தில் வீழ்த்தி சமாஜ்வாதி கட்சி வேட்பாளர் அவதேஷ் பிரசாத் வெற்றி பெற்றுள்ளார்.

அயோத்தி ராமர் கோவில் கட்டப்பட்டதால் உத்தரபிரதேசத்தில் பாஜகவுக்கு அதிக இடங்கள் கிடைக்கும் என எதிர்பார்க்கப்பட்ட நிலையில், அயோத்தியில் உள்ள பல தொகுதிகளை பாஜக இழந்துள்ளது.