இந்தியா
25 மணிநேர கவுண்ட் டவுன் தொடக்கம்... இஸ்ரோ குழுவினர் திருப்பதியில் வழிபாடு
- ஆந்திர மாநிலம் ஸ்ரீ ஹரிகோட்டாவில் இருந்து நாளை காலை 9.10 மணிக்கு பி.எஸ்.எல்.வி.சி-58 ராக்கெட் விண்ணில் ஏவப்படுகிறது.
- பி.எஸ்.எல்.வி.சி-58 ராக்கெட் விண்ணில் ஏவுவதற்கான 25 மணிநேர கவுண்ட் டவுன் இன்று காலை 8.10 மணிக்கு தொடங்கியது.
திருப்பதி:
எக்ஸ்போ சாட் உள்பட 10 செயற்கைக்கோள் பொருத்தப்பட்டு ஆந்திர மாநிலம் ஸ்ரீ ஹரிகோட்டாவில் இருந்து நாளை காலை 9.10 மணிக்கு பி.எஸ்.எல்.வி.சி-58 ராக்கெட் விண்ணில் ஏவப்படுகிறது.
விண்வெளியில் உள்ள தூசு, நிறமாலை, கருந்துளை வாயுக்களின் மேகக்கூட்டமான நெபுலாவை எக்ஸ்போசாட் செயற்கைக்கோள் ஆய்வு செய்ய உள்ளது. பி.எஸ்.எல்.வி.சி-58 ராக்கெட் விண்ணில் ஏவுவதற்கான 25 மணிநேர கவுண்ட் டவுன் இன்று காலை 8.10 மணிக்கு தொடங்கியது.
இதையடுத்து, பி.எஸ்.எல்.வி. சி-58 விண்கலத்தின் மாதிரியுடன் திருப்பதி கோவிலில் இஸ்ரோ குழுவினர் வழிபாடு செய்தனர்.