புதுச்சேரி
புதுச்சேரியில் முதல்-அமைச்சர் ரங்கசாமி படத்துடன் விஜய் கட்சி மாநாட்டு பேனர்
- தளபதி விஜய் அழைக்கிறார் என்ற வாசகம் இடம் பெற்றுள்ளது.
- விளம்பர பேனர் அனைவரது கவனத்தையும் ஈர்த்துள்ளது.
புதுச்சேரி:
தமிழக வெற்றிக்கழகத்தின் மாநாடு வரும் 27-ந்தேதி விக்கிரவாண்டில் நடைபெறுகிறது.
இதனையொட்டி புதுச்சேரியில் விளம்பர பேனர்கள் மற்றும் சுவர் விளம்பரங்கள் எழுதப்பட்டுள்ளன. இதில் கிழக்கு கடற்கரை சாலை சிவாஜி சிலை அருகே வைக்கப்பட்டுள்ள பேனரில் முதல்-அமைச்சர் ரங்கசாமியின் படம் இடம் பெற்றுள்ளது.
2026-ல் ஆளப்போறான் தமிழன் என்ற வாசகத்துடன் தமிழக வெற்றி கழக முதல் மாநில மாநாடு... தளபதி விஜய் அழைக்கிறார் என்ற வாசகம் இடம் பெற்றுள்ளது.
வேட்டி சட்டையில் விஜய் நடந்து வருவது போன்றும் மறுபுறம் முதல்-அமைச்சர் என்ற பெயர் பலகையின் கீழ் விஜய் பேசுவது போல படம் இடம் பெற்றுள்ளது. இந்த விளம்பர பேனர் அனைவரது கவனத்தையும் ஈர்த்துள்ளது.
என்.ஆர். காங்கிரஸ் மற்றும் கூட்டணி கட்சியான பாரதிய ஜனதா நிர்வாகிகள் மத்தியில் இந்த பேனர் பரபரப்பை ஏற்படுத்தியுள்ளது.