ரஞ்சி கோப்பையில் ஸ்ரேயாஸ் அய்யர் இரட்டை சதம்: மும்பை அணி 602 ரன்கள் குவித்தது

மும்பை:

ரஞ்சி கோப்பை கிரிக்கெட் போட்டி நாட்டின் பல்வேறு நகரங்களில் நடந்து வருகிறது. இதில் எலைட் பிரிவில் இடம் பெற்றுள்ள 32 அணிகள் 4 பிரிவாக பிரிக்கப்பட்டு லீக்கில் மோதுகின்றன.

இதில் நடப்பு சாம்பியன் மும்பை- ஒடிசா (ஏ பிரிவு) இடையிலான ஆட்டம் மும்பையில் நடந்து வருகிறது. டாஸ் வென்ற ஒடிசா பவுலிங் தேர்வு செய்தது.

அதன்படி, முதலில் பேட் செய்த மும்பை அணி முதல் இன்னிங்சில் 123.5 ஓவரில் 4 விக்கெட்டுக்கு 602 ரன்கள் குவித்து டிக்ளேர் செய்தது. அதிரடியாக ஆடிய ஸ்ரேயாஸ் அய்யர் 233 ரன்களும், சித்தேஷ் லாத் 169 ரன்களும் குவித்தனர். ரகுவன்ஷி 92 ரன்னும், சூர்யன்ஷ் ஷெட்கே 79 ரன்னும் எடுத்துள்ளனர்.

அடுத்து முதல் இன்னிங்சை தொடங்கிய ஒடிசா அணி 2-வது நாள் ஆட்ட நேர முடிவில் 49 ஓவரில் 5 விக்கெட்டுக்கு 146 ரன்கள் எடுத்துள்ளது. சந்தீப் பட்நாயக் 73 ரன்னும், தேபரதா பிரதான் 7 ரன்னும் எடுத்து களத்தில் உள்ளனர்.