டி20-யில் அதிகமுறை ஆட்ட நாயகன் விருது: ஜிம்பாப்வே வீரர் சிகந்தர் ராசா சாதனை
- அதிவேக சதம் பட்டியலில் இரண்டாவது இடம்.
- 17 ஆட்டநாயகன் விருது வென்று சாதனை.
ஜிம்பாப்வே- காம்பியா அணிகளுக்கு இடையிலான டி20 கிரிக்கெட் போட்டி நேற்று நடைபெற்றது. இதில் ஜிம்பாப்வே அணி முதலில் பேட்டிங் செய்தது 344 ரன்கள் குவித்தது. பின்னர் காம்பியா 54 ரன்னில் சுரண்டு 290 ரன்கள் வித்தியாசத்தில் படுதோல்வியடைந்தது.
இந்த போட்டியில் ஜிம்பாப்வே பல சாதனைகள் படைத்தது. டி20 வரலாற்றில் அதிக ரன்கள் அடித்த அணி என்ற பெருமையை பெற்றது. அந்த அணியின் கேப்டனாக சிகந்தர் ராசாவில் பல சாதனைகள் படைத்தார்.
33 பந்துகளில் சதம் விளாசிய அவர், டி20-யில் அதிவேகமாக சதம் விளாசியவர்கள் பட்டியலில் 2-வது இடத்தை பிடித்தார்.
அத்துடன் இந்த போட்டியில் ஆட்ட நாயகன் வீருது வென்றார். இது அவருக்கு 17-வது ஆட்ட நாயகன் விருதாகும். இதன்மூலம் டி20 கிரிக்கெட் வரலாற்றில் அதிக முறை ஆட்டநாயகன் விருது வென்ற வீரர் என்ற பெருமையை பெற்றுள்ளார். விராட் கோலி, வீரன்தீப் சிங், சூர்யகுமார் யாதவ் சாதனையை முறியடித்துள்ளார்.