'அமரன்' திரையிடப்பட்டுள்ள தியேட்டரில் பெட்ரோல் குண்டுவீச்சு - விசாரணை

நெல்லை மாவட்டம் மேலப்பாளையத்தில் உள்ள அலங்கார் தியேட்டரில் 'அமரன்' படம் திரையிடப்பட்டுள்ளது.

இந்த தியேட்டரின் முன்பகுதியில் 2 மர்ம நபர்கள் அதிகாலையில் பெட்ரோல் குண்டுகளை வீசி சென்றனர். பயங்கர சத்தத்துடன் வெடித்த பெட்ரோல் குண்டால் அப்பகுதியில் பரபரப்பு ஏற்பட்டது.

தகவல் அறிந்து சம்பவ இடத்திற்கு விரைந்த மேலப்பாளையம் போலீசார் சிசிடிவி பதிவுகளை கைப்பற்றி வழக்குப்பதிவு செய்து விசாரணை நடத்தி வருகின்றனர். பெட்ரோல் குண்டு வீசிய மர்ம நபர்களை தேடி வருகின்றனர்.

முன்னதாக, அமரன் திரைப்படத்தை கண்டித்து அலங்கார் திரையரங்கம் முன்பு எஸ்டிபிஐ கட்சியினர் போராட்டம் நடத்தியது குறிப்பிடத்தக்கது.