நீங்கள் தேடியது "டாஸ்மாக் ஊழியர்"

நெல்லை:

பாளை அருகே உள்ள மேலப்பாட்டம் கிராமத்தைச் சேர்ந்தவர் ஆறுமுகம் (வயது 57). இவர் நெல்லை அருகே உள்ள முன்னீர்பள்ளத்தில் உள்ள குபேரன்நகர் டாஸ்மாக் கடையில் உதவி விற்பனையாளராக பணிபுரிந்து வருகிறார்.

இவர் நேற்று இரவு 11 மணி அளவில் ‘டாஸ்மாக்’ மதுபானக்கடையில் விற்பனையை முடித்து கடையை பூட்டியுள்ளார். விற்பனையான பணம் ரூ.84 ஆயிரத்து 950 ஐ ஒரு பேக்கில் வைத்து தனது மொபட் பெட்டியில் வைத்து பூட்டினார். பின்னர் அங்கிருந்து வீட்டுக்கு புறப்பட்டார். அவருக்கு பின்னால், அதே டாஸ்மாக் பாரில் ஊழியராக வேலை பார்க்கும் அய்யப்பன் (39) என்பவர் தனியாக மற்றொரு மோட்டார் சைக்கிளில் வந்தார்.

டாஸ்மாக் கடையை விட்டு சிறிது தூரத்தில் ஆறுமுகம் வந்த போது அந்த வழியாக மற்றொரு மோட்டார் சைக்கிள் வேகமாக வந்தது. அதில் 3 பேர் இருந்தனர். திடீரென அந்த மோட்டார்சைக்கிள் ஆறுமுகத்தின் மொபட் மீது, ஓவர்டேக் செய்து மோதியபடி வழி மறித்தது. இதில் ஆறுமுகம் நிலை தடுமாறி கீழே விழுந்தார்.

அப்போது அந்த மோட்டார் சைக்கிளில் வந்த 3 பேரும் அரிவாள் மற்றும் கத்தியுடன் மொபட் பெட்டியை அரிவாளால் வெட்டி திறந்து பணப் ‘பை’ யுடன் ரூ,84 ஆயிரத்து 950 ஐயும் கொள்ளை அடித்துக்கொண்டு தப்பி ஓடினர்.

அப்போது ஆறுமுகத்துக்கு பின்னால் தனியாக மோட்டார் சைக்கிளில் வந்த பார் ஊழியர் அய்யப்பன் சத்தம் போட்டபடி கொள்ளையர்களை மறித்தார். அப்போது ஒரு கொள்ளையர்கள் அரிவாளால் அய்யப்பன் தொடையில் வெட்டி விட்டு மோட்டார்சைக்கிளில் தப்பி ஓடிவிட்டனர்.

மொபட்டில் இருந்து கீழே விழுந்ததில் காயம் அடைந்த ஆறுமுகமும், அரிவாள் வெட்டில் காயம் அடைந்த அய்யப்பனும் சிகிச்சைக்காக நெல்லை அரசு ஆஸ்பத்திரியில் சேர்த்தனர்.

இதுகுறித்து முன்னீர்பள்ளம் போலீஸ் இன்ஸ்பெக்டர் மாரியப்பன் மற்றும் போலீசார் வழக்குப்பதிவு செய்து தப்பி ஓடிய 3 கொள்ளையர்களையும் வலைவீசி தேடி வருகிறார்கள். #tamilnews

தருமபுரி:

தருமபுரி மாவட்டம், அரூர் வட்டம், நரிப்பள்ளி அருகே டாஸ்மாக விற்பனையாளர் மகரஜோதி கடந்த 16-ந் தேதி வேலை முடிந்து வீட்டிற்கு செல்லும்போது அன்றைய விற்பனை தொகை 1 லட்சத்து 50 ஆயிரம் ரூபாயை எடுத்து சென்றபோது மோட்டார் சைக்கிளில் வந்த 2 வாலிபர்கள் இவரை துப்பாக்கியால் சுட்டு பணத்தை கொள்ளையடித்து சென்றனர்.

இந்த சம்பவத்தை தொடர்ந்து தனிப்படை போலீசார் தீவிர சோதனையில் ஈடுபட்டனர். அப்போது தீர்த்தமலை- நரிப்பள்ளி சாலையில், தெத்து முனியப்பன் கோவில் அருகே சந்தேகமான முறையில் வந்த இருவரை போலீசார் பிடித்தனர்.

விசாரணையில், அவர்கள் ஊத்தங்கரையை சேர்ந்த வெங்கடேசன் (வயது 32), பரதன் (24) என்பது தெரியவந்தது. இவர்கள் 2 பேரும் துப்பாக்கியால் சுட்டு டாஸ்மாக் விற்பனையாளரிடம் பணம் பறித்தது உறுதியானது.

போலீசார் கைதான 2 பேரின் வீடுகளிலும் சோதனை நடத்தினர். இதில் வெங்கடேசன் வீட்டில் இருந்து ரப்பர் குண்டை பயன்படுத்தி சுடும் ஏர்கன் துப்பாக்கிகள் சிக்கியது. பரதன் வீட்டில் இருந்து எஸ்.பி.எம்.எல். (சிங்கிள் பேரல் மஸ்லோடு கன்) ரக துப்பாக்கியும், 4 தோட்டாக்களும், வெடி (கரி) மருந்துகளும் சிக்கியது. அவற்றை போலீசார் பறிமுதல் செய்தனர்.

கைதான 2 பேர் கடந்த டிசம்பர் மாதம் 15-ந் தேதி ஊத்தங்கரையை அடுத்த காட்டேரி பகுதியில் டாஸ்மாக் ஊழியர்கள் முருகன், ஆனந்தன் ஆகியோரை துப்பாக்கியால் சுட்டு ரூ.3 லட்சத்து 8 ஆயிரம் கொள்ளையடித்த வழக்கிலும் தொடர்புடையது தெரியவந்தது.

கைதான வெங்கடேஷ் மற்றும் பரதன் ஆகிய 2 பேரை கோர்ட்டில் ஆஜர்படுத்து சேலம் மத்திய சிறையில் அடைத்தனர். #tamilnews

செங்கம்:

திருவண்ணாமலை மாவட்டம் செங்கம் பெருமுட்டத்தில் உள்ள அரசு மதுபானக் கடையில் மேற்பார்வையாளர் சண்முகம் (வயது 40) மற்றும் விற்பனையாளர் லட்சுமணன் (42). இருவரும் வேலை செய்து வருகின்றனர்.

நேற்று இரவு வசூலான 3 லட்சம் ரூபாய் பணத்தை எடுத்து கொண்டு கடையை பூட்டினர். அப்போது பைக்கில் முக மூடி அணிந்தபடி 2 பேர் கடை அருகே வந்தனர். அவர்கள் திடீரென கைதுப்பாக்கியை எடுத்து வானத்தை நோக்கி சுட்டு பணத்தை கேட்டு மிரட்டினர்.

இதனால் அதிர்ச்சியடைந்த சண்முகம் 3 லட்ச ரூபாய் பணத்துடன் தப்பி ஓடினார். அப்போது மர்மநபர் துப்பாக்கியால் சண்முகத்தின் காலில் சுட்டார். இதில் அவருக்கு பலத்த காயம் ஏற்பட்டது. பணத்துடன் அங்கிருந்து உயிர் தப்பினார்.

இதையடுத்து அந்த நபர்கள் விற்பனையாளர் லட்சுமணனை மடக்கி பிடித்து கையில் வைத்திருந்த துப்பாக்கியால் சராமாரியாக தாக்கி மூடிய கடையை திறக்குமாறு மிரட்டினர்.

கடைக்குள் சென்று பார்த்த போது கடையில் பணம் இல்லாததால் ஏமாற்றத்துடன் லட்சுமணனை விட்டுவிட்டு மர்ம நபர்கள் பைக்கில் தப்பி சென்றுவிட்டனர்.

குண்டு காயத்துடன் தப்பிய சண்முகம் செங்கம் போலீசாருக்கு தகவல் தெரிவித்தார். இதையடுத்து சம்பவ இடத்திற்கு சென்ற போலீசார் இருவரையும் மீட்டு செங்கம் அரசு ஆஸ்பத்திரியில் சேர்த்தனர்.

அங்கு அவர்களுக்கு சிகிச்சை அளிக்கப்பட்டது. பின்னர் மேல் சிகிச்சைக்காக திருவண்ணாமலை அரசு ஆஸ்பத்திரியில் அனுமதிக்கப்பட்டனர்.

துப்பாக்கி சூடு நடந்த இடத்தில் போலீஸ் சூப்பிரண்டு சிபி சக்ரவர்த்தி விசாரணை நடத்தினார். பைக்கில் முக மூடி அணிந்து துப்பாக்கியுடன் வந்த மர்ம நபர்கள் வெளிமாநிலத்தை சேர்ந்தவர்களா? என்று விசாரித்தனர். துப்பாக்கியால் சுட்ட இரண்டு தோட்டாக்களை சம்பவ இடத்திலிருந்து கைப்பற்றி தீவிர விசாரனை நடத்தி வருகின்றனர்.

இச்சம்பவத்தால் அப்பகுதியில் பரபரப்பு ஏற்பட்டது. #tamilnews

கயத்தாறு:

தூத்துக்குடி மாவட்டம் கயத்தாறு அருகே அய்யனாரூத்து ஊருக்கு மேற்கு பகுதியில் டாஸ்மாக் கடை உள்ளது. இங்கு மேற்பார்வையாளராக கயத்தாறு அருகே ஆத்திகுளத்தைச் சேர்ந்த இசக்கிமுத்து (வயது 40), விற்பனையாளராக குமாரகிரியைச் சேர்ந்த சுப்புராஜ் (35) ஆகியோர் பணியாற்றி வருகின்றனர்.

இவர்கள் 2 பேரும் நேற்று முன்தினம் இரவில் வேலை முடிந்ததும், வழக்கம்போல் டாஸ்மாக் கடையை பூட்டி விட்டு, தங்களது வீடுகளுக்கு புறப்பட்டனர். அப்போது டாஸ்மாக் கடையில் வசூலான ரூ.98 ஆயிரத்து 470-யை மறுநாள் காலையில் வங்கியில் செலுத்துவதற்காக, இசக்கிமுத்து எடுத்து சென்றார்.

இசக்கிமுத்து மொபட்டிலும், சுப்புராஜ் மோட்டார் சைக்கிளிலும் அடுத்தடுத்து சென்று கொண்டிருந்தனர். அவர்கள் 2 பேரும் அய்யனாரூத்து காற்றாலை பண்ணை அருகில் சென்றபோது, அங்கு காட்டு பகுதியில் மறைத்து இருந்த 3 மர்மநபர்கள் திடீரென்று அரிவாளைக் காண்பித்து 2 பேரையும் வழிமறித்தனர். பின்னர் மர்மநபர்கள் 3 பேரும் அரிவாளை திருப்பி வைத்து இசக்கிமுத்து, சுப்புராஜ் ஆகிய 2 பேரையும் சரமாரியாக தாக்கினர்.

இசக்கிமுத்துவிடம் இருந்த ரூ.98 ஆயிரத்து 470-யை மர்மநபர்கள் கொள்ளை அடித்து விட்டு, மொபட், மோட்டார் சைக்கிள், செல்போன் ஆகியவற்றையும் மர்மநபர்கள் பறித்து கொண்டு தப்பி சென்று விட்டனர்.

இதனால் இசக்கிமுத்து, சுப்புராஜ் ஆகிய 2 பேரும் இரவில் சுமார் 3 கிலோ மீட்டர் தூரம் நடந்து சென்று, கயத்தாறு போலீஸ் நிலையத்தில் புகார் மனு அளித்தனர். இதுகுறித்து போலீஸ் இன்ஸ்பெக்டர் ஆவுடையப்பன் வழக்குப்பதிவு செய்து, மர்மநபர்கள் 3 பேரை வலைவீசி தேடி வருகிறார். காயம் அடைந்த இசக்கிமுத்து, சுப்புராஜ் ஆகிய 2 பேரும் கயத்தாறு அரசு ஆஸ்பத்திரியில் சிகிச்சை பெற்றனர்.

இந்த சம்பவம் அந்த பகுதியில் பரபரப்பை ஏற்படுத்தி உள்ளது. 

கோபி:

கோபி பாரியூர் ரோட்டில் உள்ள அரசு டாஸ்மாக மதுக்கடை உள்ளது. இங்கு சூப்பர் வைசராக பணி புரிபவர் ஜோதிலிங்கம் (வயது 43).

கடையில் விசு, மூர்த்தி, மோகனசந்தரம் ஆகிய 3 பேர் விற்பனையாளர்களாக பணி புரிகிறார்கள்.

தி.மு.க. தலைவர் கருணாநிதி மறைவையொட்டி அன்று மதுக்கடை மூடப்பட்டது. கடையை மூடி கொண்டு உள்ளே சூப்பர்வைசர் உள்பட 4 பேர் இருந்தனர்.

அப்போது மாலை 4 மணிக்கு அதேபகுதியை சேர்ந்த காளிமுத்து, ஏசுதாஸ் ஆகிய 2 பேர் வந்தனர். அவர்கள் மதுக்கடை கதவை தட்டினர்.

உள்ளே இருந்த ஊழியர்கள் வெளியே வந்தனர். அவர்களிடம் வந்த 2 பேர் ‘‘எங்களுக்கு 25 பெட்டி பிராந்தி வேண்டும்’’ என்று கேட்டனர். அதற்கு ஊழியர்கள் ‘‘இன்று மது விற்பனை கிடையாது. தர மாட்டோம்’’ என்று கூறினர்.

இதைத்தொடர்ந்து அவர்களிடையே வாக்குவாதம் ஏற்பட்டது. மேற்பார்வையாளர் ஜோதிலிங்கம் கதவு ‌ஷட்டரை வேகமாக இழுத்து மூடினார். அப்போது கதவு இடுக்கில் அவரது கை மாட்டி காயம் ஏற்பட்டது.

இது குறித்து சூப்பர் வைசர் ஜோதிலிங்கம் கோபி போலீசில் புகார் செய்தார். சப்-இன்ஸ்பெக்டர் நாகலட்சுமி வழக்குப்பதிவு செய்து காளிமுத்து, எசுதாஸ் ஆகிய 2 பேரை கைது செய்து விசாரணை நடத்தி வருகிறார். #tamilnews