நீங்கள் தேடியது "பாஜனதா"

சிக்மகளூரு:

கர்நாடக மாநிலம் சிக்மகளூரு மாவட்டம் கடூர் தாலுகா எகட்டி கிராமத்தில் முன்னாள் எம்.எல்.ஏ.வும், ஜனதா தளம்(எஸ்) கட்சி மூத்த தலைவருமான ஒய்.எஸ்.வி.தத்தாவின் மனைவியின் நினைவு நாளில் கலந்துகொள்வதற்காக ஜனதா தளம்(எஸ்) கட்சி தேசிய தலைவர் தேவேகவுடா எகட்டி கிராமத்துக்கு நேற்றுவந்தார்.


உள்ளாட்சி தேர்தலில் ஜனதா தளம்(எஸ்) கட்சிக்கு வாக்களித்த மக்களுக்கு என்னுடைய நன்றியை தெரிவித்து கொள்கிறேன். மாநிலத்தில் உள்ளாட்சி தேர்தல் சில மாவட்டங்களில் மட்டும் தான் நடந்துள்ளது. இதில் பெரும்பாலான பகுதிகளில் எந்த கட்சிக்கும் தனி மெஜாரிட்டி கிடைக்கவில்லை. மெஜாரிட்டி கிடைக்காத பகுதிகளில் காங்கிரஸ்-ஜனதா தளம்(எஸ்) கட்சிகள் கூட்டணி அமைக்கும். பா.ஜனதாவுடன் கூட்டணி என்ற பேச்சுக்கே இடமில்லை. நாங்கள், பா.ஜனதா தவிர வேறு எந்த கட்சியுடன் வேண்டுமானாலும் கூட்டணி வைத்து கொள்வோம்.

கர்நாடகத்தில் தற்போது நடந்த நகர உள்ளாட்சி தேர்தல் முடிவுகள், அடுத்த ஆண்டு (2019) நடக்கும் பாராளுமன்ற தேர்தலுக்கு முன்னோட்டமாக அமையும் என்று சிலர் கூறுகிறார்கள். இந்த தேர்தல் முடிவுகளை பாராளுமன்ற தேர்தலுக்கு முன்னோட்டமாக எடுத்துக் கொள்ள முடியாது.

இவ்வாறு அவர் கூறினார்.  #DeveGowda

சென்னை:

அடுத்த ஆண்டு நடைபெற உள்ள பாராளுமன்ற தேர்தலுக்கு இன்னும் சில மாதங்களே உள்ளன.

மத்தியில் உள்ள பா.ஜனதா அரசு, பணமதிப்பு நீக்க நடவடிக்கைக்கு பின்னர் செயல் இழந்து விட்டதாக எதிர்க்கட்சிகள் தொடர்ந்து குற்றம் சாட்டி வருகின்றன. கடந்த பாராளுமன்ற தேர்தலில் நாடு முழுவதும் வீசிய மோடி அலையே பா.ஜனதா கட்சிக்கு வெற்றியை தேடித்தந்தது. தற்போது அதுபோன்ற சூழல் எதுவும் இல்லை.

இதனை சாதகமாக பயன்படுத்தி மோடி அரசை வீழ்த்துவதற்கு காங்கிரஸ் காய் நகர்த்தி வருகிறது. அக்கட்சியின் தலைவர் ராகுல்காந்தி அதற்கான முயற்சிகளை முன்னெடுத்து வருகிறார். அகில இந்திய அளவில் காங்கிரஸ் தலைமையில் மாநில கட்சிகள் ஒருங்கிணைந்து மிகப்பெரிய கூட்டணி உருவாகும் சூழல் ஏற்பட்டுள்ளது.

தமிழகத்திலும் பா.ஜனதாவுக்கு எதிராக அரசியல் கட்சிகள் களம் இறங்கி உள்ளன. ஜெயலலிதா மறைவுக்கு பிறகு உருவான எடப்பாடி பழனிசாமி தலைமையிலான அரசையும் எதிர்க்கட்சிகள் பலமாக விமர்சித்து வருகின்றன.

தி.மு.க. தலைவராக பொறுப்பேற்றதும் மு.க.ஸ்டாலின் பொதுக்குழு கூட்டத்திலேயே பா.ஜனதா கட்சிக்கு எதிராக கடுமையாக முழங்கினார். நாடு முழுவதும் காவி வண்ணத்தை அடிக்க நினைக்கும் மோடி அரசை வீட்டுக்கு அனுப்புவோம் என்று ஆவேசமாக குரல் எழும்பினார்.


இதனை கருத்தில் கொண்டு, பா.ஜனதா, அ.தி.மு.க. ஆகிய 2 கட்சிகளுக்கும் எதிராக வலுவான மெகா கூட்டணியை ஏற்படுத்த மு.க.ஸ்டாலின் முடிவு செய்துள்ளார். தி.மு.க. தலைமையிலான இந்த கூட்டணியில் காங்கிரஸ், ம.தி.மு.க. விடுதலை சிறுத்தைகள், இந்திய கம்யூனிஸ்டு, மார்சிஸ்டு கம்யூனிஸ்டு, இந்திய யூனியன் முஸ்லிம் லீக், மனிதநேய மக்கள் கட்சி உள்ளிட்ட கட்சிகள் இடம் பெற உள்ளன. இது தவிர மேலும் சில கட்சிகளையும் ஒருங்கிணைத்து கூட்டணியை பலமாக்க தி.மு.க. திட்டமிட்டுள்ளது.

பாராளுமன்ற தேர்தலில் அமைக்கும் இந்த கூட்டணியை அப்படியே கொண்டு சென்று சட்டமன்ற தேர்தலிலும் வெற்றி பெற்று விடலாம் என்றே தி.மு.க. கணக்கு போட்டுள்ளது.

கருணாநிதியின் மறைவுக்கு பிறகு தலைவராகி உள்ள மு.க.ஸ்டாலினுக்கு கூட்டணி கட்சிகளை ஒருங்கிணைத்து கொண்டு செல்ல வேண்டிய கட்டாயம் ஏற்பட்டுள்ளது.

தேர்தல் நேரத்தில் தொகுதி எண்ணிக்கையால் ஏற்படும் முறிவே பல நேரங்களில் கூட்டணிகளை சுக்கு நூறாக்கி உள்ளது. சவாலான அந்த பணியை மு.க.ஸ்டாலின் எப்படி மேற்கொள்ளப் போகிறார்? என்ற மிகப்பெரிய எதிர்பார்ப்பை ஏற்படுத்தி உள்ளது.

புதிய தலைவரான மு.க.ஸ்டாலினுக்கு ஆதரவாக இருப்போம் என்று காங்கிரஸ் கட்சி தெரிவித்துள்ளது.

மற்ற கட்சிகளும் அவருக்கு தங்களது ஆதரவை தெரிவிக்க வேண்டும் என்று காங்கிரஸ் கட்சியின் மூத்த தலைவரான குலாம் நபி ஆசாத் அழைப்பு விடுத்துள்ளார். இது அமைய உள்ள தி.மு.க.-காங்கிரஸ் கூட்டணியில் மற்ற கட்சிகளை சேர்வதற்கு விடுத்த அழைப்பாகவே கருதப்படுகிறது.

பீகார் முதல்-மந்திரி நிதிஷ்குமார் பேசும் போது, தலைவராக பொறுப்பேற்றுள்ள மு.க.ஸ்டாலினுக்கு பல பொறுப்புகள் உள்ளன. கருணாநிதியின் எண்ணங்களை, லட்சிய கனவுகளை அவர் நிறைவேற்றுவார் என்று கூறினார்.

தேசியவாத காங்கிரஸ் கட்சியின் பொதுச் செயலாளரான பிரபுல் பட்டேல் கூறும்போது, மு.க.ஸ்டாலின் கருணாநிதி காட்டிய சாதனை பாதையையும், மக்கள் நல பணியையும் தொடர வேண்டும் என்று கேட்டுக் கொண்டார்.

திரிணாமூல் காங்கிரஸ் எம்.பி. டெரிக் ஓ.பிரைன் பேசும்போது, பா.ஜனதா ஆட்சிக்கு முடிவு கட்டி டெல்லி பாராளுமன்றத்தையும் நாம் கைப்பற்ற வேண்டும். இதற்காக தி.மு.க. தலைமையிலான கூட்டணி தமிழகத்தில் 40 தொகுதிகளில் வென்று சாதிக்க வேண்டும்.

மேடையில் இருக்கும் அனைவரும் பா.ஜனதாவுக்கு எதிராக கூட்டணியை அமைக்க வேண்டும் என்றும் வலியுறுத்தினார்.

கூட்டத்தில் பேசிய தேசிய தலைவர்கள் பலரும், பா.ஜனதாவுக்கு எதிராக அணி திரள வேண்டும் என்பதை மையமாக வைத்தே பேசினர். இதன் மூலம் தமிழகத்தில் மட்டுமின்றி தேசிய அளவிலும் பா.ஜனதாவுக்கு எதிராக வலுவான கூட்டணி அமைவது 100 சதவீதம் உறுதியாகியுள்ளது.

இது பாராளுன்ற தேர்தலில் பா.ஜனதாவுக்கு நிச்சயம் சவாலாகவே இருக்கும். அதனை அந்த கட்சி எப்படி எதிர்கொள்ளப்போகிறது என்பது மிகப்பெரிய கேள்வியாக உருவெடுத்துள்ளது. #DMK #MKStalin

தஞ்சாவூர்:

தஞ்சையில் மத்திய மந்திரி பொன்.ராதாகிருஷ்ணன் நிருபர்களுக்கு பேட்டி அளித்தார். அப்போது அவர் கூறியதாவது:-


பா.ஜனதா கட்சி என்றைக்கும் நடிகர்கள் பின்னால் சென்றதில்லை. காவிரி மேலாண்மை வாரியத்தின் பணி என்ன என்றால் கர்நாடகத்திடம் இருந்து முறைப்படி தமிழகத்துக்கு உரிய தண்ணீரை பெற்றுத் தருவது மட்டும் தான்.

அந்த தண்ணீரை சேமிப்பதா? அல்லது கடலில் கலக்க விடுவதா? பாசனத்துக்கு விடுவதா? என்பதை தமிழக அரசு தான் முடிவு செய்ய வேண்டும். வரும் பாராளுமன்ற தேர்தலில் பா.ஜனதா தலைமையில் வலுவான கூட்டணியாக. முதல்நிலை கூட்டணியாக அமையும்.

இவ்வாறு அவர் கூறினார். #PonRadhakrishnan

மும்பை:

பா.ஜனதா மீண்டும் ஆட்சிக்கு வந்தால் இந்தியா இந்து பாகிஸ்தானாக மாறிவிடும் என்று காங்கிரஸ் எம்.பி. சசிதரூர் சமீபத்தில் கூறி இருந்தார்.

இது அரசியலமைப்பு சட்டம் மற்றும் இந்துக்கள் மீது நடத்தப்பட்ட தாக்குதல் என்று பா.ஜனதா குற்றம் சாட்டியது. சசிதரூரின் கருத்துக்காக காங்கிரஸ் தலைவர் ராகுல் காந்தி மன்னிப்பு கேட்க வேண்டும் என்றும் வலியுறுத்தி இருந்தது.

இந்த நிலையில் இந்து தேசம் அமைப்பது தொடர்பாக ஆர்.எஸ்.எஸ். மற்றும் பா.ஜனதாவின் கருத்தைத் தான் காங்கிரஸ் கட்சியில் இருந்து கொண்டு சசிதரூர் பிரதிபலித்துள்ளார் என்று பா.ஜனதா கூட்டணியில் உள்ள சிவசேனா தெரிவித்துள்ளது.

இது தொடர்பாக அந்த கட்சி தனது பத்திரிகையான ‘சாம்னாவில்’ கூறி இருப்பதாவது:-


இது ஆர்.எஸ்.எஸ். அமைப்பின் கருத்துதான். அதையே காங்கிரசில் இருந்து கொண்டு சசிதரூர் வெளிப்படுத்தி இருக்கிறார். பா.ஜனதாவின் மொழியில் தான் அவர் பேசி இருக்கிறார் என்பதை நாம் புரிந்து கொள்ள வேண்டும்.

இதற்காக ராகுல் காந்தியை மன்னிப்பு கேட்க வேண்டும் என்று பா.ஜனதா வலியுறுத்துவது வேடிக்கையாக இருக்கிறது.

ராமரே வந்தாலும் பாலியல் வன்கொடுமைகளை தடுத்து விட முடியாது என்று பா.ஜனதா எம்.எல்.ஏ. சுரேந்திர நாராயணன்சிங் பேசியுள்ளார். இது இந்துக்களை புண்படுத்தும் கருத்தாகும். இதற்காக அக்கட்சி தலைவர் அமித்ஷா மன்னிப்பு கேட்டு இருக்க வேண்டாமா?

இந்தியாவை இந்து தேசமாக அறிவிக்க 2019 வரை காத்திருக்க வேண்டிய அவசியமில்லை. மோடி அதை இப்போதே செய்யலாம். அதை உடனடியாக செய்ய வேண்டும் என்று தான் நாங்களும் வலியுறுத்துகிறோம்.

இவ்வாறு அதில் கூறியுள்ளார். #ShivSena #ShashiTharoor #RSS #BJP

ஆலந்தூர்:

தமிழக பா.ஜனதா தலைவர் தமிழிசை சவுந்திர ராஜன் டெல்லியில் இருந்து சென்னை திரும்பினார். அப்போது மீனம்பாக்கம் விமான நிலையத்தில் அவர் நிருபர்களிடம் கூறியதாவது:-

டெல்லிக்கு 3 மந்திரிகளை சந்திக்க சென்றேன் அதன்படி அவர்களை சந்தித்தேன். மந்திரி நிதின்கட்காரி சேலம் பசுமை 8 வழிசாலை குறித்து சில விளக்கங்கள் கொடுத்துள்ளார். அதில் மக்களுக்கு பலன் உள்ளது. பசுமை சாலை அமைப்பதற்கு பல வழிமுறைகள் உண்டு. அதன்படி தான் அந்த பணி நடந்து கொண்டிருக்கிறது.

சாலை போடுவதற்கு 5 மலைகளில் எந்த மலையையும் குடையவில்லை. சேலம் பைபாஸ் தவிர வேறு எந்த இடத்திலும் சுரங்கம் உருவாக்கவில்லை. இந்த திட்டத்தினால் சேலம், சென்னை, பெங்களூர், மதுரை ஆகிய நெடுந்சாலைகளில் 30 சதவீத விபத்து தடுக்கப்படும். ஆரம்பத்தில் எந்த திட்டமும் தவறாக தான் புரிந்து கொள்ளப்படும்.

பசுமை சாலை குறித்து மக்களிடம் விழிப்புணர்வு ஏற்படுத்தபடும். மாநில அரசு இத்திட்டத்தை குறித்து மக்களிடம் எச்சரிக்கையோடு விழிப்புணர்வு ஏற்படுத்த வேண்டும். அவர்களுக்கு இழப்பீடு வழங்கப்படும், இதையும் மீறி அவர்களுக்கு மன வருத்தம் இருந்தால் அது என்ன என்று பரிசீலிக்கப்படும்.

விவசாயிகளிடம் கோரிக்கை மனு வாங்கும் நிகழ்ச்சி நடத்தப்படும். தொடர்ந்து தமிழ்நாட்டுக்கு பல நல்ல திட்டங்கள் வரும். மக்கள் பாஜகவை விமர்சிக்கவில்லை. எதிர்கட்சிகள் தான் விமர்சிக்கின்றனர். இதை தாண்டி தமிழக மக்களுக்கு நல்ல திட்டங்கள் கொண்டு வரப்படும்.

மாநில அரசு பசுமை சாலை குறித்த சந்தேகங்களை விளக்க வேண்டும். வைகோவின் விமர்சனங்களுக்கு பதில் கொடுத்து கொண்டிருந்தால் ஆக்கபூர்வமான காரியங்கள் எதுவும் செய்ய முடியாது. மத்திய அரசின் திட்டங்களை வைகோ ஆதரித்தால் தான் ஆச்சரியம். இவர்களுக்கு எந்த திட்டமும் முதலில் தவறாகவும் பின்னர் சரியாகவும் தெரியும்.

இவ்வாறு அவர் கூறினார். #TamilisaiSoundararajan #BJP

விருதுநகர்:

விருதுநகரில் உள்ள பா.ஜனதா அலுவலகம் முன்பு 60 அடி கம்பத்தில் ஏற்றப்பட்டு இருந்த கட்சிக்கொடி, கடந்த சில நாட்களுக்கு முன்பு தீ வைத்து எரிக்கப்பட்டது.

இது குறித்து விருதுநகர் மேற்கு போலீசில் பா.ஜனதா மாவட்ட பொதுச் செயலாளர் கஜேந்திரன் புகார் செய்தார்.

போலீசார் வழக்குப்பதிவு செய்து விசாரணை நடத்தியதில் மோட்டார் சைக்கிளில் வந்த 2 பேர், தீ வைப்பு சம்பவத்தில் ஈடுபட்டது தெரியவந்தது.

எதற்காக தீ வைத்தனர்? அவர்கள் யார்? என்பது குறித்து போலீசார் விசாரணை நடத்தினர்.

இதில் விருதுநகர் அய்யனார் நகரைச் சேர்ந்த என்ஜினீயர் தியாகராஜன் (வயது 21), அன்னை சிவகாசி நகரைச் சேர்ந்த மதன்குமார் (22) ஆகியோர் தான் கொடிக்கு தீ வைத்தனர் என்பது தெரியவரவே போலீசார் அவர்களை கைது செய்தனர்.

கைதான மதன்குமார், ஆர்.எஸ்.எஸ். ஆதரவாளர் என கூறப்படுகிறது.

சென்னை:

விடுதலை சிறுத்தைகள் கட்சி தலைவர் திருமாவளவன் வெளியிட்டுள்ள அறிக்கையில் கூறியிருப்பதாவது:-

ஸ்டெர்லைட் ஆலையை நிரந்தரமாக மூடக்கோரியும், செயலற்ற எடப்பாடி அரசு பதவி விலகக்கோரியும் திமுக, விசிக உள்ளிட்ட கட்சிகள் விடுத்திருந்த முழு அடைப்புப் போராட்டம் வெற்றிப்பெற்றுள்ளது.

ஒத்துழைப்பு அளித்த பொதுமக்கள், வணிகர்கள் உள்ளிட்ட அனைவருக்கும் நன்றியைத் தெரிவித்துக் கொள்கிறோம். ஸ்டெர்லைட் ஆலையை நிரந்தரமாக மூடும் வரையில் இந்தப் போராட்டம் தொடரும் என தெரிவித்துக் கொள்கிறோம்.


கடந்த பாராளுமன்றத் தேர்தலின் போது ஸ்டெர்லைட் நிறுவனத்திடமிருந்து பா.ஜ.க. 15 கோடி ரூபாய் நன்கொடை பெற்றிருக்கிறது. அதன் தாய் நிறுவனமான வேதாந்தா குழுமம் 22.5 கோடி ரூபாய் நன்கொடை கொடுத்திருக்கிறது. அது மட்டுமல்லாமல் பிரதமர் மோடி லண்டனுக்கு போன போது அவரை வரவேற்று மிகப்பெரிய அளவில் விளம்பரங்களைச் செய்தது வேதாந்தா குழுமம் ஆகும்.

தூத்துக்குடியில் நடைபெற்ற துப்பாக்கிச் சூட்டுக்கும் அதைத் தொடர்ந்து 3 மாவட்டங்களில் இணைய சேவைகள் முடக்கப்பட்டதற்கும் பின்னால், மோடி அரசு தான் இருக்கிறது என்ற ஐயம் நமக்கு எழுகிறது.

துப்பாக்கிச்சூட்டை கண்டிக்காதது மட்டுமின்றி அதில் படுகொலை செய்யப்பட்ட 13 பேரின் குடும்பத்திற்கு ஆறுதல்கூட சொல்லாத பிரதமர் மோடியின் மவுனம் இந்த சந்தேகத்தை வலுப்படுத்துகிறது.

ஸ்டெர்லைட் ஆலையின் விரிவாக்கத்திற்கு தற்காலிகமாக உயர்நீதிமன்றம் தடைவிதித்திருக்கிறது. எடப்பாடி அரசும் மின்சாரத்தை நிறுத்தியுள்ளது. ஆனால் இத்தகைய கண் துடைப்பு நடவடிக்கைகள் போதாது.

ஸ்டெர்லைட் ஆலையை நிரந்தரமாக மூடுகிறோம் என தமிழக அரசும், மத்திய அரசும் அறிவிக்கவேண்டும். அப்பாவி மக்களை படுகொலைச்செய்த போலீசார் மீது கொலை வழக்கு பதிவு செய்து விசாரணை நடத்த வேண்டும் என்று விடுதலைச் சிறுத்தைகள் கட்சி வலியுறுத்துகிறோம்.

இவ்வாறு அவர் கூறியுள்ளார். #Thirumavalavan #SterliteProtest

பெங்களூரு:

மதசார்பற்ற ஜனதா தள தலைவரும், முன்னாள் முதல் மந்திரியுமான குமாரசாமி, காங்கிரஸ் பிரமுகரும் முன்னாள் மின்சார துறை மந்திரியுமான டி.கே.சிவகுமார் மற்றும் ஜனதா தளம்(எஸ்) கட்சியில் இருந்து காங்கிரசுக்கு தாவிய ஜமீர் அகமத் ஆகிய 3 பேரும் முன்பு எலியும், பூனையும் போல் எதிரிகளாக இருந்தனர்.

தற்போது ஏற்பட்டுள்ள அரசியல் மாற்றத்தால், இந்த மூவரும் இணைந்து செயல்பட வேண்டிய கட்டாயம் ஏற்பட்டு, தங்களுக்குள் கூட்டணி அமைத்து உள்ளனர்.

இதையடுத்து எம்.எல்.ஏ.க்கள் தங்கி இருந்த பிடதி ஈகிள்டன் ரிசார்ட்டிலும், ஐதராபாத்துக்கு எம்.எல்.ஏ.க்களை அழைத்து செல்வதிலும் குமாரசாமி, சிவகுமார் மற்றும் ஜமீர் அகமத் ஆகியோர் பரஸ்பரம் சிரித்துக் கொண்டு, பம்பரமாக சுற்றி அடுத்த கட்ட நடவடிக்கைகள் மேற்கொண்டதை கண்டு, சக எம்.எல்.ஏ.க்களே ஆச்சரியத்தில் மூழ்கினார்.

மேலும், பா.ஜனதா கட்சியின் ‘‘ஆபரே‌ஷன் கமலா’’ திட்டத்தை முறியடிக்க இவர்கள் 3 பேரும் பாரதீய ஜனதாவை சேர்ந்த 12 எம்.எல்.ஏ.க்களை தங்கள் பக்கம் இழுக்கவும் முழு மூச்சாக செயல்பட்டு வருகின்றனர். இந்த மூவர் கூட்டணி, கர்நாடக அரசியல் வட்டாரத்தில் பரபரப்பை ஏற்படுத்தியுள்ளது.

களக்காடு:

ம.தி.மு.க. வெள்ளி விழா கொடியேற்றும் நிகழ்ச்சி நாங்குநேரியில் இன்று நடந்தது. இதில் ம.தி.மு.க. பொதுச்செயலாளர் வைகோ கலந்து கொண்டு கட்சி கொடி ஏற்றினார். பின்பு அவர் நிருபர்களிடம் கூறியதாவது:-

கர்நாடகாவில் மெஜாரிட்டி இல்லாத எடியூரப்பாவை ஆட்சி அமைக்க கவர்னர் அழைத்தது அப்பட்டமான ஜனநாயக படுகொலை. இது குதிரை பேரத்திற்கு வழிவகுக்கும். கர்நாடக கவர்னர் பா.ஜனதாவின் ஏஜெண்டுபோல செயல்படுகிறார். 116 எம்.எல்.ஏக்கள் ஆதரவு உள்ள குமாரசாமியை அழைக்காமல் எடியூரப்பாவை அழைத்தது மற்ற கட்சிகளில் இருந்து ஆள் பிடியுங்கள் என்று கூறுவதுபோல் உள்ளது.

தமிழகத்திற்கு விரோதமாக மத்திய அரசு தொடர்ந்து செயல்பட்டு வருகிறது. காவிரி பிரச்சினையிலும் கூட மேலாண்மை வாரியம் அமைக்காமல் தமிழகத்தை வஞ்சித்துவிட்டது.

இவ்வாறு வைகோ கூறினார்.

பெங்களூர்:

மதசார்பற்ற ஜனதா தளம் கட்சித் தலைவர் குமாரசாமி பெங்களூரில் நிருபர்களுக்கு பேட்டி அளித்தார். அப்போது அவர் கூறியதாவது:-

எடியூரப்பாவை முதல்வராக பதவி ஏற்க கவர்னர் வஜுபாய் வாலா அழைப்பு விடுத்தது அரசியலமைப்பு சட்டத்துக்கு விரோதமானது. கர்நாடக விவகாரத்தில் மத்திய அரசு தவறாக நடந்து கொள்கிறது. நாட்டில் ஜனநாயகத்தை அழிப்பதற்கு மத்திய அரசு விரும்புகிறது.

கவர்னரை சந்தித்து எங்கள் கூட்டணிக்கு பெரும்பான்மை எம்.எல்.ஏ.க்கள் ஆதரவு இருப்பது தொடர்பான பட்டியலை அளித்தேன். ஆனால் எங்களை ஆட்சியமைக்க அவர் அழைப்பு விடுக்கவில்லை. ஆனால் பெரும்பான்மை எம்.எல்.ஏ.க்கள் பலம் இல்லாதோருக்கு ஆட்சி அமைக்க அவர் வாய்ப்பு அளித்துள்ளார். மேலும் பெரும்பான்மையை நிரூபிக்க 15 நாட்கள் அவகாசமும் அளித்துள்ளார். நம் நாட்டில் இதுபோல நடந்திருப்பது இதுதான் முதல்முறை.

கவர்னர் 15 நாட்கள் அவகாசம் கொடுத்தது வியாபாரம் பேசுவதற்கு வழிவகுக்கும். அமலாக்கத்துறை போன்ற விசாரணை அமைப்புகளை மத்திய அரசு தவறாக பயன்படுத்துகிறது. எம்.எல்.ஏ.க்களை மிரட்டுவதற்கும், நிர்பந்தம் அளிப்பதற்கும் தான் விசாரணை அமைப்புகளை மத்திய அரசு பயன்படுத்துகிறது.

காங்கிரஸ் எம்.எல்.ஏ. அனந்த்சிங்குக்கு எதிராக வழக்கு ஒன்று நிலுவையில் உள்ளது. இதனால் அமலாக்கத்துறையை கொண்டு அவரை மிரட்டுகிறது. அனந்த்சிங்குடன் நான் பேசவில்லை. காங்கிரஸ் கட்சியை சேர்ந்த எம்.எல்.ஏ. ஒருவர் தான் இதை என்னிடம் தெரிவித்தார். எங்கள் கட்சியை சேர்ந்த எம்.எல்.ஏ.க்களையும் அமலாக்கத்துறை போன்ற விசாரணை அமைப்புகள் மூலம் மத்திய அரசு மிரட்டுகிறது.

பா.ஜனதா அல்லாத கட்சிகள் இந்த விவகாரத்தில் கரம் கோர்க்க வேண்டும். இதற்கான முயற்சியை எனது தந்தை தேவேகவுடா முன்னெடுக்க வேண்டும். மாநில கட்சிகளின் தலைவர்கள், மாநில முதல்வர்களை அவர் ஒருங்கிணைக்க வேண்டும்.

மேற்கு வங்காள முதல்வர் மம்தா பானர்ஜி, ஆந்திர முதல்வர் சந்திரபாபு நாயுடு, தெலுங்கானா முதல்வர் சந்திரசேகர ராவ், பகுஜன் சமாஜ் கட்சி தலைவர் மாயாவதி, பிஜு ஜனதா தளம் தலைவர் நவீன் பட்நாயக் ஆகியோர் பா.ஜனதாவுக்கு எதிராக இணைய வேண்டும்.

தேசத்தின் பாதுகாப்பை அவர்கள் பாதுகாக்க வேண்டும். தங்களுக்கு இடையேயான வேறுபாடுகளை மறக்க வேண்டும்.

இவ்வாறு அவர் கூறினார்.

சென்னை:

கர்நாடக சட்டசபை தேர்தலில் வாக்கு எண்ணிக்கையின் போது முதலில் பா.ஜனதா மெஜாரிட்டியை பெற்று ஆட்சியை பிடித்ததாக தகவல் வெளியானது.

தொடர்ந்து பா.ஜனதா தொண்டர்கள் கொண்டாட்டத்தில் ஈடுபட்டனர். பா.ஜனதாவுக்கு தமிழக தலைவர்கள் வாழ்த்துக்களையும் தெரிவித்தனர். துணை முதல்-அமைச்சர் ஓ.பன்னீர்செல்வம், பிரதமர் மோடிக்கு வாழ்த்து செய்தி அனுப்பி இருந்தார்.

அதில் கர்நாடக தேர்தலில் பா.ஜனதா வெற்றிக்கு வாழ்த்துக்களைதெரிவித்துக் கொள்கிறேன் என்று குறிப்பிட்டிருந்ததுடன் சுறு சுறுப்பான, மனசாட்சியோடு நேர்மையான உழைப்பால் பெற்ற இந்த வெற்றி உங்களின் புகழ் வெற்றிக்கு மேலும் ஒரு மணிமகுடம். கர்நாடகாவில் பா.ஜ.க.வின் தேர்தல் சாதனை தென்னிந்தியாவில் பிரம்மாண்டமான நுழைவு என்று தெரிவித்து இருந்தார்.


இதற்கிடையே பா.ஜனதாவுக்கு வாழ்த்து தெரிவித்த ஓ.பன்னீர் செல்வத்துக்கு காங்கிரஸ் முன்னாள் மத்திய மந்திரி ப.சிதம்பரம் கண்டனம் தெரிவித்துள்ளார். இது தொடர்பாக அவர் தனது டுவிட்டர் பக்கத்தில் கூறியிருப்பதாவது:-

கர்நாடகாவில் பா.ஜனதா தேர்தல் சாதனையை தென்னிந்தியாவில் பிரம்மாண்டமான நுழைவு வாயில் என்று ஓ.பன்னீர்செல்வம் வரவேற்றிருப்பது ஏன்?

இவர் இந்தி திணிப்பை வரவேற்கிறாரா? அல்லது காவிரி ஆணை மறுப்பை வரவேற்கிறாரா? இல்லை எடப்பாடி பழனிசாமியை நீக்கி விட்டு தன்னை முதல்-அமைச்சராக நியமிக்க விண்ணப்பம் போடுகிறாரா? என்று கூறி உள்ளார். #Chidambaram #OPS

பெங்களூர்:

கர்நாடகத்தில் ஆட்சி அமைப்பதில் இழுபறி நிலை ஏற்பட்டுள்ளது. அதிக இடங்களில் வெற்றி பெற்றுள்ள பா.ஜனதாவும், மதசார்பற்ற ஜனதாதளம் கட்சி காங்கிரசுடன் இணைந்தும் ஆட்சி அமைக்க உரிமை கோரியுள்ளன.

இந்த நிலையில் பெங்களூரில் இன்று மதசார்பற்ற ஜனதா தள எம்.எல்.ஏ.க்கள் கூட்டம் நடந்தது.

இந்த கூட்டத்தில் மதசார்பற்ற ஜனதாதள எம்.எல்.ஏ.க்கள் குழு தலைவராக குமாரசாமி ஒருமனதாக தேர்ந்தெடுக்கப்பட்டார்.

இந்த கூட்டத்துக்கு பிறகு குமாரசாமி நிருபர்களுக்கு அளித்த பேட்டியில் கூறியதாவது:-


பா.ஜனதாவுடன் கூட்டணி இல்லை. அந்த கட்சியுடன் கூட்டணி என்ற பேச்சுக்கே இடமில்லை. காங்கிரஸ் கட்சியுடன் இணைந்து கூட்டணி ஆட்சி அமைப்போம்.

மதசார்பற்ற ஜனதாதள எம்.எல்.ஏ.க்களை இழுக்கும் முயற்சியில் பா.ஜனதா ஈடுபட்டுள்ளது. இதற்காக ரூ.100 கோடியும், 3 கேபினட் மந்திரி பதவியையும் பா.ஜனதா பேரம் பேசி வருகிறது. எங்கள் கட்சியை உடைக்க கருப்பு பணத்தை பயன்படுத்த முயற்சிக்கிறது.

அதிகாரத்துக்கு ஆசைப்படுவன் நான் இல்லை. எங்கள் குடும்பம் நாட்டு நலனுக்காக பிரதமர் பதவியை துறந்தது.

பிரதமர் நரேந்திர மோடி தனது அதிகாரத்தை தவறாக பயன்படுத்துகிறார். குதிரை பேரம் நடைபெறுவதை வருமானவரித்துறை வேடிக்கை பார்த்துக் கொண்டு நிற்பதா? ஜனாதிபதியும், கவர்னரும் தலையிட்டு குதிரை பேரம் நடைபெறுவதை தடுக்க வேண்டும்.

எங்கள் எம்.எல்.ஏ.க்களில் ஒருவரை நீங்கள் இழுக்க முயன்றால் உங்களிடமிருந்து 2 பேரை நாங்கள் இழுப்போம். 10 பேரை இழுத்தால் 20 பேரை இழுப்போம்.

பா.ஜனதாவில் இருந்து 10 முதல் 20 எம்.எல்.ஏ.க்கள் வரை எங்களுடன் தொடர்பில் இருக்கிறார்கள். எங்கள் அணிக்கு வர தயாராக இருக்கிறார்கள். “ஆபரே‌ஷன் கமலா” வெற்றிகரமாக நடந்ததை பா.ஜனதா மறந்து விடக் கூடாது.

இவ்வாறு குமாரசாமி கூறினார்.

அவரது இந்த குற்றச்சாட்டு கர்நாடக அரசியலில் பரபரப்பை ஏற்படுத்தியது. #KarnatakaElection #Kumaraswamy