நீங்கள் தேடியது "அய்யாக்கண்ணு"

திருச்சி:

தேசிய தென்னிந்திய நதிகள் இணைப்பு விவசாயிகள் சங்க தலைவர் அய்யாக்கண்ணு திருச்சியில் நிருபர்களிடம் கூறியதாவது:-

விவசாயிகள் கோரிக்கைக்காக 140 நாட்கள் டெல்லி சென்று போராடினோம். அப்போது, மத்திய மந்திரி பொன்.ராதாகிருஷ்ணன் 5 முறை எங்களை சந்தித்து உரிய உதவி செய்வதாக கூறினார்.

ஆனால், இன்று வரை உதவி செய்யவில்லை. வருகிற பாராளுமன்ற தேர்தல் அறிக்கையில், லாபகரமான விலையை விவசாயிகளின் விளை பொருட்களுக்கும், கடன் தள்ளுபடியும், பென்சன், தனிநபர் இன்சூரன்ஸ் அளிப்பதாக தெரிவிக்க வேண்டும்.

இல்லையென்றால், மோடி ஒரு தொகுதியில் போட்டியிட்டால், அவருக்கு எதிராக தமிழகத்தில் இருந்து விவசாயிகள் 111 பேர், 2 தொகுதியில் போட்டியிட்டால் 222 பேர், 3 தொகுதியில் போட்டியிட்டால் 333 பேர் சுயேச்சையாக மனு தாக்கல் செய்வார்கள்.

ஒரு மாதம் விவசாயி அலைந்து திரிந்து சோறு இல்லாமல் போய், சுயேச்சை வேட்பாளர் இறந்தால் அந்த தொகுதியில் தேர்தல் நடக்குமா? இல்லையா? என்பது அவருக்கு தெரியும். தமிழகத்தை பொறுத்தவரை, எங்களது கோரிக்கைகளை ஏற்காத கட்சிகளை எதிர்த்து வேலை செய்வோம்.

இவ்வாறு அவர் தெரிவித்தார். #PMModi #Ayyakannu

திருச்சி:

திருச்சியில் தேசிய தென்னிந்திய நதிகள் இணைப்பு விவசாயிகள் சங்க தலைவர் அய்யாக்கண்ணு நிருபர்களிடம் கூறியதாவது :-

விவசாயிகளுக்கு லாபகரமான விலை, கடன் தள்ளுபடி அளிக்கும் கட்சிகளுக்கே விவசாயிகளின் வாக்கு. அவ்வாறு விவசாயிகளுக்கு தேர்தல் அறிக்கையில் திட்டங்களை அறிவிக்காத கட்சிகளுக்கு எதிராக 29 மாநிலங்களிலும் பிரசாரம் செய்வோம். மத்திய பட்ஜெட்டில் விவசாயிகளுக்கான எந்த திட்டங்களும் இல்லாதது ஏமாற்றம் அளிக்கிறது.‌ தமிழக பட்ஜெட்டிலும் மக்கள் தொகையில் 20 சதவீதம் உள்ள விவசாயிகளுக்கு ஒரு லட்சம் கோடி நிதி ஒதுக்கியிருக்க வேண்டும். ஆனால் அதிலும் விவசாயிகளுக்கான எந்த திட்டமும் இல்லை.

விவசாயிகள் கடனிலே பிறந்து வாழ்ந்து மடிய வேண்டும் என்ற நிலையில் உள்ளோம். கரும்பு விவசாயிகளுக்கு அளிக்க வேண்டிய ரூ.400 கோடியை திருப்பி அளிக்க வேண்டும் என்பதை வலியுறுத்தியும், மேற்கு தொடர்ச்சி மலையில் பெய்யும் மழை நீர் கர்நாடகா, கேரளா ஆகிய மாநிலங்களுக்கு வீணாக செல்வதை தடுக்காத தமிழக அரசை கண்டித்தும் சென்னையில் இந்த மாதம் 25ந் தேதிக்கு பிறகு தற்கொலை செய்யும் ஆர்ப்பாட்டம் நடத்த உள்ளோம்.

மேலும் வருகிற 21ந் தேதியும் சென்னையில் ஆர்ப்பாட்டம் நடத்த உள்ளோம். மார்ச் 28, 29-ந்தேதிகளில் டெல்லியில் போராட்டம் நடத்த வேண்டும் என முடிவு செய்துள்ளோம். எந்த ஆட்சி வந்தாலும் ஹைட்ரோகார்பன் எடுக்க விடமாட்டோம். 

இவ்வாறு அவர் கூறினார். #ayyakannu #hydrocarbon #tngovt

எழும்பூர் ரெயில் நிலையத்தில் அய்யாக்கண்ணு நிருபர்களிடம் கூறியதாவது:-

நாங்கள் விவசாய கடன்களை தள்ளுபடி செய்ய வேண்டும் என்று டெல்லியில் பல்வேறு கட்டங்களாக போராட்டம் நடத்தினோம். டெல்லியில் நிர்வாணமாக ஓடியும் போராட்டம் நடத்தினோம். ஆனால் அந்த போராட்டத்தை கொச்சைப் படுத்தினார்கள். நாங்கள் நிர்வாணமாக ஓடி போராட்டம் நடத்தியதற்கு காரணம் இருக்கிறது.

விவசாய கடன்களை கட்ட முடியாமல் திணறிய விவசாயிகளின் வீடுகளுக்கு வங்கி அதிகாரிகள் சென்று நெருக்கடி கொடுத்தனர். வங்கி கடன்களை கட்டாத விவசாயிகளின் வீட்டு பெண்களை மானபங்கம் செய்ய வேண்டும் என்று வங்கி அதிகாரிகள் பேசினார்கள். அதனால்தான் நிர்வாணமாக ஓடி போராட்டம் நடத்தினோம்.

நாங்கள் போராட்டம் நடத்தி ஒரு வருடம் ஆகி விட்டது. ஆனால் எங்களின் போராட்டத்துக்கு பிரதமர் மோடி செவி சாய்க்க வில்லை.

1 லட்சம் கோடி சேதம் ஏற்பட்டுள்ளது. ஆனால் தமிழக அரசு ரூ.15 ஆயிரம் கோடி மட்டுமே மத்திய அரசிடம் நிவாரணம் கேட்டு உள்ளது. ஆனால் மத்திய அரசு இடைக்கால நிவாரணமாக ரூ.354 கோடி மட்டுமே ஒதுக்கி உள்ளது. இது ஒரு மூலைக்கும் போதாது. விவசாயிகள் மேலும் மேலும் தான் பாதிக்கப்பட்டு வருகிறார்கள்.

புயலால் சரிந்த தென்னை மரங்களுக்கு குறைவான இழப்பீடே அறிவிக்கப்பட்டுள்ளது. அதை உயர்த்தி வழங்க வேண்டும். விவசாயிகளின் வாழ்வாதாரத்தை மேம்படுத்த மத்திய அரசும், மாநில அரசுகள் இணைந்து நடவடிக்கை எடுக்க வேண்டும். அதுவரை எங்களின் போராட்டம் தொடரும். எல்லாவித போராட்டங்களையும் நடத்த நாங்கள் தயாராக இருக்கிறோம்.

இவ்வாறு அவர் கூறினார். #ayyakannu #FarmerStruggle #Delhifarmerprotest

குன்னூர்:

நீலகிரி மாவட்டம் குன்னூரில் உள்ள தென்னிந்திய தேயிலை வாரிய அலுவலகம் முன்பு தேசிய நதிகள் இணைப்பு சங்கத்தின் மாநில தலைவர் அய்யாக்கண்ணு தலைமையில் படுக தேச கட்சியினர் ஆர்ப்பாட்டத்தில் ஈடுபட்டனர். இதில் கலந்து கொண்டவர்கள் நீலகிரி மாவட்டத்தில் உற்பத்தி செய்யப்படும் பசுந்தேயிலைக்கு விலைநிர்ணயம் செய்யக்கோரியும், நிலுவை தொகையை வழங்ககோரியும் கோ‌ஷங்கள் எழுப்பினர்.

ஆர்ப்பாட்டத்தில் ஈடுபட்டவர்களிடம் போலீசார் மற்றும் தேயிலை வாரிய இயக்குநர் பால்ராஜ் ஆகியோர் பேச்சுவார்த்தை நடத்தினர். பேச்சுவார்த்தையில் வருகிற 15-ந் தேதிக்குள் நிலுவைத் தொகை வழங்கப்படும் என தெரிவிக்கப்பட்டது. இதனையடுத்து போராட்டக்கு ழுவினர் கலைந்து சென்றனர்.

பின்னர் தேசிய நதிகள் இணைப்பு சங்கத்தின் மாநில தலைவர் அய்யாக்கண்ணு நிருபர்களுக்கு அளித்த பேட்டியில் கூறியதாவது:-

தேர்தல் வரும் போது விவசாயிகள் நாட்டின் முதுகெலும்பு தெரிகிறார்கள். தேர்தல் முடிந்துவிட்டால் இந்த நாட்டின் அ‌‌‌டிமைகளாகி ஆகிவிடுகிறார்கள்.

நாட்டின் முதுகெலும்பாக உள்ள விவசாயிகளுக்கு லாபகரமான விலையை கொடுக்க அரசு மறுக்கிறது. பசுந்தேயிலைக்கு விலையாக ரூ.50 கொடுக்கலாம் என மறைந்த முன்னாள் முதல்- அமைச்சர் ஜெயலலிதா இருக்கும்போது கூறினார். இதனால் கூட்டுறவு சங்கத்தில் லாபம் கிடைத்ததுடன் ஊட்டி தேயிலை என்ற பெயரில் விற்பனை செய்து வந்தார்கள்.

தேயிலை விவசாயிகள் வாங்கிய கடனை அரசு ரத்து செய்ய வேண்டும், படுகர் இன மக்கள் செய்யும் தேயிலை தொழில் அழியும் விளிம்பில் உள்ளது. 

இவ்வாறு அவர் கூறினார்.