நீங்கள் தேடியது "ஆசிரியை"

சேலம்:

சேலம் செவ்வாய்ப்பேட்டையில் உள்ள தனியார் பள்ளி ஆசிரியை ஒருவர் வயிற்று வலியால் அவதிப்பட்டு வந்தார். இவர் நேற்று நெத்திமேடு பகுதியில் உள்ள ஒரு கிளினிக்குக்கு சிகிச்சைக்காக சென்றார். அங்கு டாக்டர் தமிழ்ச்செல்வன் (வயது 62) என்பவர் ஆசிரியைக்கு சிகிச்சை அளித்தார்.

அப்போது கடந்த 4 மாதங்களுக்கு முன்பு நெஞ்சு வலிக்காக சிகிச்சை பெற்றீர்களே? இப்போது எப்படி இருக்கிறது? என்று ஆசிரியையிடம் கேட்டார். அதற்கு அவர் இப்போதும் லேசான வலி இருக்கிறது என்று கூறினார்.

அப்போது டாக்டர் அவரை பரிசோதிப்பதாக கூறி பாலியல் தொல்லை கொடுத்ததாக கூறப்படுகிறது. இதனால் அதிர்ச்சி அடைந்த ஆசிரியை அங்கிருந்து தப்பி வீட்டிற்கு சென்றார். பின்னர் ஆஸ்பத்திரியில் நடந்ததை தனது கணவரிடம் தெரிவித்தார். மேலும் டாக்டர் பலமுறை போன்மூலம் தொந்தரவு செய்ததாக தெரிகிறது.

இதனால் மனவேதனை அடைந்த ஆசிரியை இது குறித்து அன்னதானப்பட்டி போலீசில் புகார் அளித்தார். போலீசார் வழக்குபதிவு செய்து விசாரணை நடத்தி டாக்டரை கைது செய்தனர்.

கைது செய்யப்பட்ட டாக்டர் அரசு டாக்டராக பணியாற்றி ஓய்வு பெற்ற பிறகு கிளீனிக் நடத்தி வந்துள்ளார்.

சிகிச்சைக்கு வந்த ஆசிரியருக்கு டாக்டர் பாலியல் தொல்லை கொடுத்த சம்பவம் சேலத்தில் அதிர்ச்சியை ஏற்படுத்தி உள்ளது.

நிலக்கோட்டை:

திண்டுக்கல் மாவட்டம் வத்தலக்குண்டுவை சேர்ந்த முகமது கவுஸ்மைதீன் என்பவரது மகள் நிலோபர் காமு (வயது27). இவர் பழனி அருகில் உள்ள சின்னகாந்திபுரம் அரசு பள்ளியில் இடைநிலை ஆசிரியையாக கடந்த 2013-ம் ஆண்டு முதல் பணிபுரிந்து வருகிறார். இவர் தினமும் வத்தலக்குண்டுவில் இருந்து பழனிக்கு பஸ்சில் சென்று வருவது வழக்கம்.

அப்போது தனியார் பஸ் கண்டக்டரான பெரியகுளம் தென்கரை இந்திரா நகரை சேர்ந்த பாண்டி மகன் செல்லத்துரை (வயது32). அவரை காதலிப்பதாக கூறி உள்ளார். ஆனால் இதற்கு ஆசிரியை மறுப்பு தெரிவித்துள்ளார்.

இருந்தபோது தினமும் பஸ்சில் வரும்போது ஆசிரியைக்கு பாலியல் தொல்லை கொடுத்து வந்துள்ளார். மேலும் அவருக்கு தெரியாமலேயே அவரது செல்போன் எண்ணை பெற்று அதில் ஆபாச குறுந்தகவல் அனுப்பி வைத்துள்ளார். இது குறித்து நிலக்கோட்டை அனைத்து மகளிர் போலீஸ் நிலையத்தில் அவர் புகார் அளித்தார். அதன்பேரில் போலீசார் வழக்குப்பதிவு செய்து கண்டக்டர் செல்லத்துரையை தேடி வருகின்றனர்.

தேனி:

தேனி அருகே அரண் மனைப்புதூர் கிழக்கு தெருவைச் சேர்ந்தவர் சன்னாசி மகள் திவ்யா (வயது 25). தனியார் பள்ளியில் தற்காலிக ஆசிரியராக பணியாற்றி வருகிறார். முல்லை நகர் பகுதியைச் சேர்ந்தவர் ஆண்டவர் மகன் அரவிந்த் (வயது 24). உத்தமபாளையம் கோர்ட்டில் இளநிலை உதவியாளராக வேலை பார்த்து வருகிறார்.

இருவரும் கடந்த 3 ஆண்டுகளாக காதலித்து வந்துள்ளனர். திவ்யா திருமணம் செய்ய அரவிந்தை வற்புறுத்தியுள்ளார். ஆனால் அரவிந்த் திருமணத்துக்கு மறுத்து அவரிடம் பேசுவதை தவிர்த்து வந்துள்ளார்.

இதனால் அதிர்ச்சியடைந்த திவ்யா இது குறித்து அரவிந்திடம் தட்டிக் கேட்டுள்ளார். அத்திரமடைந்த அரவிந்த் மற்றும் அவரது நண்பர்கள் வைரமணி, ராஜா ஆகியோர் திவ்யாவுக்கு கொலை மிரட்டல் விடுத்துள்ளனர்.

இது குறித்து தேனி அனைத்து மகளிர் போலீசில் திவ்யா புகார் அளித்தார். போலீசார் 3 பேர் மீதும் வழக்கு பதிவு செய்து அரவிந்தை கைது செய்தனர்.

மேலசொக்கநாதபுரம்:

போடி பஸ்நிலையம் அருகே வசிப்பவர் சங்கரநாராயணன். இவரது மனைவி மாலதி(வயது42). திருமலாபுரத்தில் உள்ள தனியார் பள்ளியில் ஆசிரியையாக பணிபுரிந்து வருகிறார். இவர்களுக்கு ஒரு மகள் உள்ளார். இன்று காலை மாலதி வழக்கம்போல் பள்ளிக்கு செல்ல வீட்டில் இருந்து பஸ்நிலையம் நோக்கி நடந்து சென்று கொண்டிருந்தார்.

அப்போது திடீரென வாலிபர் ஒருவர் மாலதியை வழிமறித்து வாக்குவாதத்தில் ஈடுபட்டார். இதனால் அவரை அங்கிருந்து செல்லும்படி மாலதி திட்டினார். இதனால் ஆத்திரமடைந்த வாலிபர் தான் மறைத்து வைத்திருந்த கத்தியால் மாலதியின் தலை, கை உள்ளிட்ட இடங்களில் சரமாரியாக குத்தினார்.

வலி தாங்கமுடியாமல் மாலதி அலறினார். அவரது அலறல் சத்தம் கேட்டு அக்கம் பக்கத்தினர் ஒன்றுகூடினர். வாலிபர் கையில் ரத்தக்கறையுடன் கத்தியை பார்த்ததும் அவர்கள் அதிர்ச்சி அடைந்தனர். அவரை பிடிக்க முயன்றனர் கண்ணிமைக்கும் நேரத்தில் அங்கிருந்து தப்பிச்சென்றார். ரத்த வெள்ளத்தில் போராடிக்கொண்டிருந்த மாலதியை போடி அரசு ஆஸ்பத்திரியில் சேர்த்தனர்.

அங்கு அவருக்கு தீவிர சிகிச்சை அளிக்கப்பட்டு வருகிறது. இதுகுறித்து போடி நகர் போலீசார் வழக்குபதிவு செய்து ஆசிரியையை கத்தியால் குத்தியவர் மாணவரா? அல்லது வேறு ஏதேனும் பிரச்சினை காரணமாக மர்மநபர் கொலை செய்ய முயன்றாரா? என்பது குறித்து தீவிர விசாரணை நடத்தி வருகின்றனர்.

பட்டபகலில் நடந்த இந்த சம்பவம் அப்பகுதியில் பெரும் பரபரப்பை ஏற்படுத்தியது.