நீங்கள் தேடியது "slug 152754"

சென்னை:

நீண்ட தூரம் பயணம் செல்லும் பயணிகள் வசதிக்காக அரசு விரைவு பஸ்கள் இயக்கப்படுகின்றன.

சென்னையில் இருந்து கன்னியாகுமரி, நெல்லை, மதுரை, கோவை, சேலம், தஞ்சை, நாகப்பட்டினம் உள்ளிட்ட அனைத்து முக்கிய நகரங்களுக்கும் அரசு விரைவு பஸ்கள் இயக்கப்படுகின்றன. இதுபோல் போக்குவரத்து கழகங்கள் மூலம் இயக்கப்படும் அரசு பஸ்களும் மற்ற மாவட்ட தலை நகரங்களுக்கு செல்கின்றன.

இதனால் பகலில் இயக்கப்படும் அரசு விரைவு பஸ்களில் பயணிகள் கூட்டம் குறைவாக உள்ளது. இதன் காரணமாக 300 கிலோ மீட்டர் தூரத்துக்கும் குறைவாக செல்லும் அரசு விரைவு போக்குவரத்து கழகங்களில் வருமான இழப்பு ஏற்படுகிறது.

எனவே இந்த வருமான இழப்பை சரி கட்டுவது எப்படி என்பது குறித்து ஆலோசிக்கப்பட்டது. இதையடுத்து போக்குவரத்து கழகங்கள் சார்பில் வேறு மாவட்டங்களுக்கு இயக்கப்படும் வழித்தடங்களில் அரசு விரைவு பஸ்களை இயக்கு வதை தவிர்க்கலாம் என்று அதிகாரிகள் தரப்பில் அரசிடம் தெரிவிக்கப்பட்டது.

இதையடுத்து 300 கிலோ மீட்டருக்கும் அதிகமான நீண்ட தூர வழித்தடங்களில் மட்டும் அரசு விரைவு பஸ்களை இயக்கலாம். மற்ற வழித்தடங்களை அந்தந்த போக்குவரத்து கழகங்களுக்கே விட்டுக் கொடுக்கலாம் என்றும் யோசனை தெரிவிக்கப்பட்டது.

இதன்படி குறைந்த தூரங்களில் இயக்கப்படும் அரசு விரைவு போக்குவரத்து பஸ்களை நிறுத்துவது குறித்து அரசு ஆலோசித்து வருகிறது. போக்குவரத்து கழக பஸ்கள் இந்த வழித்தடங்களில் இயக்கப்படுவதால் பயணிகளுக்கு எந்த பாதிப்பும் ஏற்படாது.

அரசு விரைவு போக்குவரத்து கழகங்களுக்கு ஏற்படும் வருமான இழப்பும் தவிர்க்கப்படும். எனவே வருமான இழப்பு ஏற்படும் 33 வழித்தடங்களில் அரசு விரைவு பஸ்கள் நிறுத்தப்படும். இதற்கு பதிலாக அந்தந்த பகுதியில் உள்ள போக்குவரத்து கழகங்கள் மூலம் இந்த வழித்தட பஸ்கள் இயக்கப்படும

அரசு விரைவு பஸ்கள் நீண்ட தூரங்களுக்கு மட்டும் இயக்கப்படும். வெளி மாநிலங்களுக்கும் கூடுதலாக 50 அரசு விரைவு பஸ்களை இயக்க பேச்சு வார்த்தை நடந்து வருகிறது. விரைவில் இதற்கான அறிவிப்பு வெளியாகலாம் என்று போக்குவரத்து கழக வட்டாரங்கள் தெரிவிக்கின்றன.

சென்னையில் மாநகர பஸ்கள் பல்வேறு பகுதிகளுக்கு இயக்கப்படுகின்றன. நகரின் விரிவாக்க பகுதிகளுக்கும் தனி பஸ்கள் செல்கின்றன. இதில் பல இடங்களுக்கு செல்லும் பஸ்களில் பயணிகள் எண்ணிக்கை குறைவாக உள்ளது.

எனவே சென்னை நகரில் 40 மாநகர பஸ் வழித் தடங்களில் பஸ்களின் எண்ணிக்கை குறைக்கப்படலாம் என்று கூறப்படுகிறது. இதற்கான சாத்தியகூறுகள் குறித்தும் ஆலோசனை நடந்து வருகிறது. இது பற்றிய முடிவு விரைவில் எடுக்கப்படும் என்று கூறப்படுகிறது. #TNGovtBus #Bus

சென்னை:

தீபாவளி பண்டிகையை சொந்த ஊர்களில் கொண் டாட செல்லும் பயணிகள் வசதிக்காக சிறப்பு பஸ், ரெயில்கள் விடப்பட்டுள்ளன. ஆம்னி பஸ்களிலும் இடங்கள் நிரம்பி வழிகிறது. தமிழகத்தில் 1100 ஆம்னி பஸ்கள் பல்வேறு நகரங்களுக்கும், அண்டை மாநிலங்களுக்கும் இயக்கப்படுகின்றன.

பண்டிகை கால கூட்ட நெரிசலை பயன்படுத்தி ஆம்னி பஸ்களில் பலமடங்கு கட்டணம் வசூலிக்கப்படுகிறது. கட்டணத்தைவிட 3 மடங்கு கட்டணம் கூடுதலாக வசூலிப்பதால் பொதுமக்கள் பாதிக்கப்படுகிறார்கள். ஒரு சில ஆம்னி பஸ் ஆபரேட்டர்கள் ஆன்லைனில் வெளிப்படையாக கூடுதல் கட்டணம் நிர்ணயித்து பொதுமக்களிடம் வசூலித்து வருகின்றனர்.

அதிக கட்டணம் வசூலிக்கும் ஆம்னி பஸ்களை கண்காணிக்க வட்டார போக்குவரத்து அலுவலர்கள் தலைமையில் பறக்கும் படை அமைக்கப்பட்டுள்ளது. இவர்கள் கோயம்பேடு ஆம்னி பஸ்நிலையம், ஸ்ரீபெரும்புதூர் சுங்கச்சாவடி, கிழக்கு கடற்கரை சாலை சுங்கசாவடி, ஊரப்பாக்கம் தற்காலிக பஸ் நிலையம் ஆகிய இடங்களில் சோதனை மேற்கொள்கிறார்கள்.

இன்று (வெள்ளிக் கிழமை) 3,4 மற்றும் 5 ஆகிய தேதிகளில் ஆம்னி பஸ்களில் பயணிகளிடம் தீவிர சோதனை செய்கின்றனர். 4 நாட்களிலும் 4 குழுக்கள் வீதம் 16 குழுக்கள் நியமிக்கப்பட்டு கூடுதல் கட்டணம், பெர்மிட் குறித்து விசாரித்து நடவடிக்கை எடுக்கின்றனர். இதுகுறித்து அமலாக்கப் பிரிவு இணை ஆணையர் முத்து கூறியதாவது:-

ஆம்னி பஸ்களில் கூடுதல் கட்டணம் வசூலிப்பது தொடர்பாக பொதுமக்கள் புகார் தெரிவிக்க வேண்டும். 4 பஸ் நிலையங்களிலும் 4 நாட்கள் தீவிரமாக கண்காணிக்கப்படும். பயணிகளிடம் கூடுதல் கட்டணம் வசூலிப்பது உறுதி செய்யப்பட்டால் அந்த பஸ் சிறை பிடிக்கப்படும். ஆன்லைனில் அதிக கட்டணம் குறிப்பிடப்பட்டு இருந்தாலும் சம்பந்தப்பட்ட பஸ் நிறுவனங்கள் மீது நடவடிக்கை எடுக்க இயலாது.

அதனால் பஸ்சில் பயணம் செய்யும் போது அதிக கட்டணம் வசூலித்தது குறித்து புகார் தெரிவித்தால் கூடுதல் கட்டணம் திருப்பி கொடுக்கப்படும். மேலும் பெர்மிட் இல்லாமலும் இயக்கப்படும் ஆம்னி பஸ்கள் பறிமுதல் செய்யப்படும் என்றார். #Omnibuses

நாசரேத்:

ஆழ்வார்திருநகரி ஒன்றிய ம.தி.மு.க. செயலாளர் ரஞ்சன் வெளியிட்டுள்ள அறிக்கையில் கூறியிருப்பதாவது :-

நாலுமாவடி-குரும்பூர் சாலை பல மாதங்களாக குண்டும், குழியுமாகவும் பெரிய பள்ளங்கள் நிறைந்தும் காணப்படுகிறது. இந்த வழியாக செல்லும் பஸ்கள் மற்றும் வாகனங்கள் மிகவும் சிரமப்படுகின்றன.

குறிப்பாக வனத்திருப்பதி கோவிலில் நடக்கும் விழாக்களுக்கும் நாலுமாவடி இயேசு விடுவிக்கிறார் தேவனுடைய கூடாரத்தில் நடைபெறும் ஜெபக் கூட்டங்களுக்கும் செல்லும் பஸ்கள் வாகனங்கள் மற்றும் இரு சக்கர வாகனங்களில் செல்பவர்களும் கடும் அவதிப்படுகிறார்கள். மேலும் ஆழ்வார்திருநகரி-பேரூர் சாலை, குண்டும், குழியுமாக காணப்படுகிறது.

இந்த வழியாக தூத்துக்குடிக்கு வாகனங்கள் மற்றும் இரு சக்கர வாகனங்களில் செல்பவர்கள் மிகவும் சிரமப்படுகிறார்கள். எனவே சம்பந்தப்பட்ட அதிகாரிகள் நடவடிக்கை எடுத்து போக்குவரத்துக்கு தகுதியற்ற நாலுமாவடி- குரும்பூர் சாலை மற்றும் ஆழ்வார்திருநகரி-பேரூர் சாலையை விரைவில் சீரமைக்கவேண்டும். சாலையை சீரமைக்க தவறும் பட்சத்தில் ஆழ்வார்திருநகரி ஒன்றிய ம.தி.மு.க. சார்பில் பஸ் மறியல் போராட்டம் நடத்தப்படும்.

இவ்வாறு கூறியுள்ளார்.