search icon
என் மலர்tooltip icon
      முகப்பு » slug 172026

      நீங்கள் தேடியது "ஊதியம்"

      category icon செய்திகள்
      பயிற்சியாளர் ரவிசாஸ்திரிக்கு 3 மாதத்தில் ரூ.2.05 கோடி ஊதியம்
      சென்னை

      பயிற்சியாளர் ரவிசாஸ்திரிக்கு 3 மாதத்தில் ரூ.2.05 கோடி ஊதியம்

      இந்திய அணியின் தலைமை பயிற்சியாளர் ரவிசாஸ்திரிக்கு கடந்த 3 மாத காலக்கட்டத்துக்கு ரூ.2.05 கோடி சம்பளம் முன்பணமாக கிரிக்கெட் வாரியம் வழங்கி உள்ளது. #RaviShastri

      புதுடெல்லி:

      இந்திய கிரிக்கெட் அணி வீரர்கள் ஏ.பி.சி. என பிரிக்கப்பட்டு ஒப்பந்த அடிப்படையில் சம்பளம் வழங்கப்பட்டு வருகிறது.

      வீரர்களின் செயல்பாட்டை பொறுத்து அவர்களுக்கு தரம் உயர்த்தப்பட்டும், குறைக்கப்பட்டும் வருகிறது.

      இந்த நிலையில் இந்திய அணியின் தலைமை பயிற்சியாளர் ரவிசாஸ்திரிக்கு கடந்த 18.7.2018 முதல் 17.10.2018 வரையிலான 3 மாத காலக்கட்டத்துக்கு ரூ.2.05 கோடி சம்பளம் முன்பணமாக வழங்கப்பட்டு உள்ளது.

      கேப்டன் விராட்கோலிக்கு தென்ஆப்பிரிக்கா சுற்றுப்பயண ஊதியம், ஐ.சி.சி. டெஸ்ட் தரவரிசையில் முதலிடம் பெற்றதற்கான ஊக்க தொகை என ரூ.1.25 கோடி வழங்கப்பட்டு இருக்கிறது.

      புஜாராவுக்கு ரூ.2.83 கோடியும், தவானுக்கு ரூ.2.8 கோடியும், ரோகித் சர்மாவுக்கு ரூ.1.42 கோடி சம்பளம் வழங்கப்பட்டு வேகப்பந்து வீச்சாளர் புவனேஸ்வர்குமாருக்கு அதிகபட்சமாக ரூ.3.73 கோடி தரப்பட்டு இருக்கிறது.

      இதேபோல பும்ராவுக்கு ரூ.1.73 கோடி, அஸ்வினுக்கு ரூ.2.7 கோடி, இஷாந்த்சர்மாவுக்கு ரூ.1.33, பாண்ட்யாவுக்கு ரூ.1.1 கோடி, சகாலுக்கு ரூ.1.1 கோடி கடந்த ஆகஸ்ட் மாதத்தில் சம்பளமாக வழங்கப்பட்டு உள்ளது.

      இந்த தகவலை கிரிக்கெட் வாரியம் தனது இணையதளத்தில் வெளியிட்டு உள்ளார். #RaviShastri

      Indian cricket team coach ravi shastri wage cricket board இந்திய கிரிக்கெட் அணி பயிற்சியாளர் ரவிசாஸ்திரி ஊதியம் கிரிக்கெட் வாரியம் 
      category icon செய்திகள்
      புதுக்கோட்டையில் சத்துணவு ஊழியர்கள் ஆர்ப்பாட்டம்
      புதுக்கோட்டை

      புதுக்கோட்டையில் சத்துணவு ஊழியர்கள் ஆர்ப்பாட்டம்

      தமிழ்நாடு சத்துணவு ஊழியர் சங்கத்தின் சார்பில் புதுக்கோட்டை ஊராட்சி ஒன்றிய அலுவலக வளாகத்தில் ஆர்ப்பாட்டம் நடைபெற்றது.
      புதுக்கோட்டை:

      தமிழ்நாடு சத்துணவு ஊழியர் சங்கத்தின் சார்பில் புதுக்கோட்டை ஊராட்சி ஒன்றிய அலுவலக வளாகத்தில் நேற்று மாலை ஆர்ப்பாட்டம் நடைபெற்றது. ஆர்ப்பாட்டத்திற்கு சங்கத்தின் ஒன்றிய துணை தலைவர் இந்திராகாந்தி தலைமை தாங்கினார். 

      இணை செயலாளர் தேவிகா, மாவட்ட செயற்குழு உறுப்பினர் அருள்மொழி ஆகியோர் முன்னிலை வகித்தனர். சத்துணவு ஊழியர்களை முழுநேர அரசு ஊழியராக்கி வரையறுக்கப்பட்ட காலமுறை ஊதியம் வழங்க வேண்டும். குடும்ப பாதுகாப்புடன் கூடிய மாதாந்திர ஓய்வூதியம் ரூ.9 ஆயிரம் வழங்க வேண்டும். உணவு மானியத்தொகையை ரூ.5-ஆக உயர்த்தி வழங்க வேண்டும். 

      சமையலர் மற்றும் உதவியாளர்களை முதல்-அமைச்சரின் இலவச மருத்துவ காப்பீட்டு திட்டத்தில் இணைத்து காப்பீடு வழங்க வேண்டும் என்பன உள்பட பல்வேறு கோரிக்கைகளை வலியுறுத்தி இந்த ஆர்ப்பாட்டம் நடைபெற்றது. ஆர்ப்பாட்டத்தில் மாநில செயலாளர் சக்தி, மாவட்ட துணை தலைவர் ராஜமாணிக்கம் உள்பட பலர் கலந்து கொண்டனர்.
      Nutritional staff demonstrated சத்துணவு ஊழியர்கள் ஆர்ப்பாட்டம் ஊதியம் 
      category icon செய்திகள்
      கிருஷ்ணகிரியில் அரசு டாக்டர்கள் ஊர்வலம்
      கிருஷ்ணகிரி

      கிருஷ்ணகிரியில் அரசு டாக்டர்கள் ஊர்வலம்

      மத்திய அரசு டாக்டர்களுக்கு இணையாக ஊதியம் வழங்கக்கோரி கிருஷ்ணகிரி அரசு டாக்டர்கள் சார்பில் ஊர்வலம் நடைபெற்றது.
      கிருஷ்ணகிரி:

      மத்திய அரசு டாக்டர்களுக்கு இணையான ஊதியம் வழங்கக்கோரி அரசு டாக்டர்கள் தமிழகம் முழுவதும் பல்வேறு போராட்டங்களில் ஈடுபட்டு வருகின்றனர். முதல் கட்டமாக கடந்த 1-ந் முதல் 3-ந் தேதி வரை கோரிக்கை அட்டையை அணிந்து பணியில் ஈடுபட்டனர்.

      கடந்த 20-ந் தேதி அனைத்து அரசு மருத்துவமனைகள் மற்றும் சுகாதார நிலையங்கள் முன்பு ஆர்ப்பாட்டம் நடத்தினார்கள். இதன் தொடர்ச்சியாக நேற்று மதியம் கிருஷ்ணகிரியில் ஊர்வலம் நடந்தது. இதற்கு அனைத்து மருத்துவர் சங்க கூட்டு நடவடிக்கை குழுவை சேர்ந்த டாக்டர் ராமநாதன் தலைமை தாங்கி ஊர்வலத்தை தொடங்கி வைத்தார்.

      கிருஷ்ணகிரி அரசு தலைமை மருத்துவமனையில் தொடங்கிய ஊர்வலம் காந்தி சாலை, டி.பி. ரோடு வழியாக புதிய பஸ் நிலையம் அருகில் உள்ள அண்ணாசிலை முன்பு முடிந்தது. பின்னர் கலெக்டர் அலுவலகத்திற்கு சென்று கோரிக்கை மனுவை கொடுத்தனர். 

      இது குறித்து டாக்டர்கள் கூறியதாவது:-

      வருகிற 27-ந் தேதி முதல் அனைத்து விதமான திறனாய்வு கூட்டங்களையும் புறக்கணித்து, அனைத்து சிறப்பு திட்டங்களுக்கான நிர்வாக பணிகளை புறக்கணிக்க முடிவு எடுக்கப்பட்டுள்ளது. அரசு கண்டு கொள்ளாத பட்சத்தில், வரும் செப்டம்பர் 12-ந் தேதி தலைமை செயலகம் நோக்கி நடைபயணம் மேற்கொள்ளவும், 21-ந் தேதி மாநிலம் முழுவதும் ஒரு நாள் அடையாள வேலை நிறுத்தம் செய்யவும் முடிவு செய்யப்பட்டுள்ளது. 

      இவ்வாறு அவர்கள் கூறினார்.

      இதில், டாக்டர்கள் கைலாஷ், சதீஷ், கோபி உள்பட பலர் கலந்து கொண்டனர்.
      govt doctors rally salary அரசு டாக்டர்கள் ஊர்வலம் ஊதியம் வேலை நிறுத்தம் 
      category icon செய்திகள்
      கோரிக்கையை வலியுறுத்தி அரசு டாக்டர்கள் கலெக்டர் அலுவலகம் நோக்கி ஊர்வலம்
      அரியலூர்

      கோரிக்கையை வலியுறுத்தி அரசு டாக்டர்கள் கலெக்டர் அலுவலகம் நோக்கி ஊர்வலம்

      கோரிக்கையை வலியுறுத்தி அரசு டாக்டர்கள் கலெக்டர் அலுவலகத்தை நோக்கி ஊர்வலமாக சென்றனர்.
      அரியலூர்:

      மத்திய அரசு டாக்டர்களுக்கு வழங்கப்படும் ஊதியம் மற்றும் பணப்படிகளுக்கு இணையாக தமிழ்நாடு அரசு அனைத்து டாக்டர்களுக்கும் வழங்க வேண்டும் என்ற கோரிக்கையை வலியுறுத்தி தமிழ்நாடு அரசு அனைத்து மருத்துவர்கள் சங்கங்களின் கூட்டமைப்பு சார்பில் டாக்டர்கள் பல்வேறு போராட்டங்களில் ஈடுபட்டு வருகின்றனர்.

      அதன்படி நேற்று பெரம்பலூர் மாவட்ட தமிழ்நாடு அரசு அனைத்து மருத்துவர்கள் சங்கங்களின் கூட்டமைப்பு தலைவர் டாக்டர் அர்ச்சுனன் தலைமையில் டாக்டர்கள் பெரம்பலூர் பாலக்கரை ரவுண்டானாவில் இருந்து பெரம்பலூர் மாவட்ட கலெக்டர் அலுவலகத்திற்கு கோரிக்கையை அரசு நிறைவேற்ற வலியுறுத்தி ஊர்வலமாக சென்றனர்.

      அப்போது அரசு டாக்டர்கள் கோரிக்கையை தமிழக அரசு நிறைவேற்ற வலியுறுத்தி பல்வேறு கோஷங்களை எழுப்பியவாறு சென்றனர். இதில் தமிழ்நாடு அரசு அனைத்து மருத்துவர்கள் சங்கங்களின் கூட்டமைப்பில் உள்ள தமிழ்நாடு அரசு மருத்துவர்கள் சங்கம், அரசு மருத்துவர்கள் மற்றும் பட்ட மேற்படிப்பு மருத்துவர்கள் சங்கம், தமிழ்நாடு மருத்துவ அலுவலர்கள் சங்கம் ஆகிய சங்கங்களை சேர்ந்த டாக்டர்கள் கலந்து கொண்டனர். பின்னர் டாக்டர்கள் கலெக்டர் சாந்தாவை சந்தித்து, அவரிடம் கோரிக்கை மனுவை அளித்தனர்.

      இதே கோரிக்கையை வலியுறுத்தி அரியலூர்-ஜெயங்கொண்டம் சாலையில் உள்ள அரசு விருந்தினர் மாளிகையில் இருந்து அரியலூர் மாவட்ட அரசு அனைத்து மருத்துவர்கள் சங்கங்களின் கூட்டமைப்பு தலைவர் டாக்டர் கொளஞ்சிநாதன் தலைமையில் டாக்டர்கள் ஊர்வலமாக புறப்பட்டு மாவட்ட கலெக்டர் அலுவலகத்துக்கு சென்றனர். இதில் தலைமை டாக்டர்கள் ரமேஷ் கண்ணன், உமா, மறைதென்றல், விக்னேஷ், மேகநாதன் உள்பட மாவட்டத்தில் உள்ள அனைத்து அரசு டாக்டர்களும் கலந்து கொண்டனர். பின்னர் கலெக்டர் விஜயலட்சுமியிடம் டாக்டர்கள் கோரிக்கை மனுவை அளித்தனர்.
      emphasize dcotor rally collector office அரசு டாக்டர்கள் ஊர்வலம் ஊதியம் கோரிக்கை 
      category icon செய்திகள்
      கோவையில் தொடக்க கூட்டுறவு வங்கி பணியாளர்கள் பேரணி
      கோயம்புத்தூர்

      கோவையில் தொடக்க கூட்டுறவு வங்கி பணியாளர்கள் பேரணி

      தமிழ்நாடு மாநில தொடக்க கூட்டுறவு வங்கி அனைத்து பணியாளர்கள் சங்க மேற்கு மண்டலத்தின் சார்பில் கோவையில் இன்று பேரணி நடைபெற்றது.

      கோவை:

      தமிழ்நாடு மாநில தொடக்க கூட்டுறவு வங்கி அனைத்து பணியாளர்கள் சங்க மேற்கு மண்டலத்தின் சார்பில் கோவையில் இன்று பேரணி நடைபெற்றது. இந்த பேரணி மகளிர் பாலிடெக்னிக் முன்பு இருந்து தொடங்கியது. பாலசுந்தரம் சாலை வழியாக சென்று வ.உ.சி. பூங்காவை அடைந்தது.

      பேரணியில் கோவை, திருப்பூர், நீலகிரி, கரூர், திண்டுக்கல், தேனி ஆகிய 6 மாவட்டங்களை சேர்ந்த ஆயிரத்துக்கும் மேற்பட்ட பணியாளர்கள் கலந்து கொண்டனர்.

      பேரணிக்கு கோவை மாவட்ட தலைவர் சண்முக சுந்தரம் தலைமை தாங்கினார். மாநில கவுரவ பொது செயலாளர் குப்புசாமி, முன்னாள் மாநில தலைவர் செல்லமுத்து ஆகியோர் முன்னிலை வகித்தனர்.

      மேற்கு மண்டல தலைவர் ரமணி, செயலாளர் ரவிச்சந்திரன், மண்டல பொறுப்பாளர்கள் பிரபாகர், சரவணன், ஜீவா, ஸ்ரீராம் உள்ளிட்ட 6 மாவட்ட நிர்வாகிகள் கலந்து கொண்டனர். நியாய விலைக்கடை விற்பனையாளர்களுக்கு நியாயமான புதிய ஊதியம் வழங்க வேண்டும். விற்பனை யாளர்களுக்குரிய ஊதியத்தை மாதந் தோறும் அரசே நேரடியாக வழங்க வேண்டும்.

      விற்பனையாளர்கள் காலி பணியிடத்தை உடனே நிரப்ப வேண்டும். கூடுதல் பொறுப்பில் பணிபுரியும் பணியாளர்களுக்கு இரட்டிப்பு ஊதியம் வழங்க வேண்டும். நியாய விலைக் கடைகளை ஆய்வு என்ற பெயரில் பல்துறை அலுவலர்கள் மாமூல் பெற்று வருவது முற்றிலும் ஒழிக்கப்பட வேண்டும். விற்பனையாளர்களின் பிரச்சினைகளை கண்டறிந்து உடனே கலைய வேண்டும். கட்டுநர் இல்லாத நியாய விலைக்கடைகளில் பணிபுரியும் பணியா ளர்களுக்கு ரூ.1500 கூடுதல் படி வழங்க வேண்டும் என்பது உள்ளிட்ட 10 அம்ச கோரிக்கைகளை வலியுறுத்தி இந்த பேரணி நடைபெற்றது.

      பேரணி முடிந்ததும் நிர்வாகிகள் கலெக்டரை சந்தித்து கோரிக்கை மனு அளித்தனர்.

      இது குறித்து நிர்வாகிகள் கூறும்போது, எங்களது கோரிக்கை நிறைவேறாவிட்டால் அடுத்த மாதம் முதல் வேலை நிறுத்த போராட்டத்தில் ஈடுபடுவோம் என்றனர்.

      co operative bank employee rally தொடக்க கூட்டுறவு வங்கி பணியாளர்கள் பேரணி ஊதியம் 
      category icon செய்திகள்
      அரசு டாக்டர்கள் நாளை தர்ணா போராட்டம்
      திருச்சிராப்பள்ளி

      அரசு டாக்டர்கள் நாளை தர்ணா போராட்டம்

      மத்திய அரசு மருத்துவர்களுக்கு இணையாக மாநில அரசு மருத்துவர்களுக்கும் ஊதியம் வழங்க கோரி நாளை தர்ணா போராட்டம் நடத்த உள்ளோம் என்று சாமிநாதன் தெரிவித்துள்ளார்.
      திருச்சி:

      தமிழ்நாடு அனைத்து அரசு மருத்துவர்கள் சங்க கூட்டு நடவடிக்கைக்குழு ஒருங்கிணைப்பாளர் சாமிநாதன் திருச்சியில் நிருபர்களிடம் கூறியதாவது:-

      மத்திய அரசு மருத்துவர்களுக்கு இணையாக மாநில அரசு மருத்துவர்களுக்கும் ஊதியம் வழங்க வேண்டும் என்று தமிழக அரசை வலியுறுத்தி வருகிறோம். இந்த கோரிக்கையை வலியுறுத்தி நாளை (திங்கட்கிழமை) அரசு மருத்துவமனை, மருத்துவக்கல்லூரிகளில் தர்ணா போராட்டம் நடைபெறும். தொடர்ந்து வருகிற 24-ந் தேதி அனைத்து மாவட்ட தலைநகரங்களிலும் கோரிக்கையை வலியுறுத்தி கலெக்டர் அலுவலகம் நோக்கி பேரணி நடத்தப்படும். வருகிற 27-ந் தேதி முதல் நோயாளிகளுக்கு எந்தவித பாதிப்பும் இல்லாமல் தமிழக அரசு சார்பில் நடக்கும் அனைத்து விதமான ஆய்வுக்கூட்டங்களும் புறக்கணிக்கப்படும். 

      தொடர்ந்து செப்டம்பர் 12-ந் தேதி சென்னையில் அனைத்து மருத்துவர்கள் சங்கத்தினரும் கலந்து கொண்டு கோட்டையை நோக்கி பேரணி நடத்தப்படும். அதன்பிறகும் கோரிக்கைக்கு தமிழக அரசு செவிசாய்க்கவில்லை என்றால் செப்டம்பர் 21-ந் தேதி அனைத்து அரசு மருத்துவமனைகள், ஆரம்ப சுகாதார நிலையங்கள், மருத்துவக்கல்லூரிகளில் ஒருநாள் அடையாள வேலை நிறுத்த போராட்டத்தில் ஈடுபட உள்ளோம். அப்போது முக்கியமான அறுவை சிகிச்சை, மகப்பேறு சிகிச்சை போன்றவைகளை மேற்கொள்ள நாங்களே ஒரு மருத்துவக்குழுவை ஏற்படுத்தி நோயாளிகள் பாதிக்காத வகையில் போராட்டம் முன்னெடுத்து செல்லப்படும். எங்களது போராட்டத்துக்கு பொதுமக்கள் ஆதரவு அளிக்க வேண்டும்.

      இவ்வாறு அவர் கூறினார்.
      government doctors protest dharna tn govt central government salary அரசு டாக்டர்கள் தர்ணா போராட்டம் மத்திய அரசு தமிழக அரசு ஊதியம் 
      category icon செய்திகள்
      நாகையில் வருவாய்த்துறை அலுவலர்கள் ஆர்ப்பாட்டம்
      நாகப்பட்டினம்

      நாகையில் வருவாய்த்துறை அலுவலர்கள் ஆர்ப்பாட்டம்

      நாகையில் பல்வேறு கோரிக்கைகளை வலியுறுத்தி வருவாய்த்துறை அலுவலர்கள் ஆர்ப்பாட்டத்தில் ஈடுபட்டனர்.
      நாகப்பட்டினம்: 

      நாகையில் வருவாய்த்துறை அலுவலர் சங்கத்தினர், அவுரித்திடலில் ஆர்ப்பாட்டத்தில் ஈடுபட்டனர். ஆர்ப்பாட்டத்திற்கு மாவட்ட தலைவர் அமுதவிஜயரெங்கன் தலைமை தாங்கினார். மாநில துணை தலைவர்கள் குமார், ரகுநாதன் ஆகியோர் முன்னிலை வகித்தனர். மாநில தலைவர் சிவக்குமார் கலந்துகொண்டு பேசினார்.

      வருவாய்த்துறையை அதன் பணித்தன்மையினை கருத்தில் கொண்டு சிறப்புத்துறையாக அறிவித்து தலைமை செயலக அலுவலர்களுக்கு இணையான ஊதியம் வழங்கவேண்டும். பணி நிமித்தமாக சென்னை செல்லும் வருவாய்த்துறை அலுவலர்களுக்கு தங்க வசதியாக விடுதி வளாகம் ஏற்படுத்தி தரவேண்டும். குறுவட்ட வருவாய் ஆய்வாளர் முதல் மாவட்ட வருவாய் அலுவலர் வரை செல்போனுக்கு இன்டர்நெட் வசதியுடன் மாதாந்திரக் கட்டண தொகையை உயர்த்தி வழங்கவேண்டும். குறுவட்ட வருவாய் ஆய்வாளர்களுக்கு மாதாந்திர நிரந்தரப் பயணப்படியை உயர்த்தி வழங்க வேண்டும்.

      கள ஆய்வுப்பணிக்கு சமூக பாதுகாப்பு திட்டப் பிரிவிற்கு என பிரத்யேகமாக முதுநிலை வருவாய் ஆய்வாளர் பணியிடம் தோற்றுவிப்பது. பதிவறை எழுத்தர்களுக்கு ஊதியக்குழுவில் மறுக்கப்பட்ட தர ஊதியத்தை வழங்குவது என்பன உள்ளிட்ட கோரிக்கைகளை வலியுறுத்தி ஆர்ப்பாட்டத்தில் கோஷங்கள் எழுப்பப்பட்டன. இதில் நியாயவிலைக்கடை பணியாளர் சங்க மாநில துணை தலைவர் பிரபாகரன், மாவட்ட பொருளாளர் மாரியப்பன் உள்பட பலர் கலந்து கொண்டனர்.
      nagai revenue officers demonstrated நாகை வருவாய்த்துறை அலுவலர்கள் ஆர்ப்பாட்டம் ஊதியம் 
      ×
        X
        sidekick