நீங்கள் தேடியது "ஆதிதிராவிடர்"

திருவாரூர்:

திருவாரூர் மாவட்ட கலெக்டர் அலுவலக கூட்டரங்கில் தமிழ்நாடு ஆதிதிராவிடர் வீட்டு வசதி மற்றும் மேம்பாட்டுக்கழகம் பொருளாதார மேம்பாட்டுத் திட்டங்களின் கீழ் ஆதிதிராவிடர் மற்றும் பழங்குடியின மக்களுக்கு நலத்திட்ட உதவிகள் வழங்கும் நிகழ்ச்சி நடைபெற்றது.

மாவட்ட கலெக்டர் காயத்ரி கிருஷ்ணன் தலைமை வகித்தார். தமிழ்நாடு ஆதிதிராவிடர் வீட்டுவசதி மேம்பாட்டுக்கழக தலைவர் மதிவாணன் நலத்திட்ட உதவிகளை வழங்கினார். பூண்டி.கே.கலைவாணன் எம்.எல்.ஏ, மாவட்ட ஊராட்சி த்தலைவ ர்பாலசுப்ரமணியன் ஆகியோர் முன்னிலை வகித்தனர்.

திருவாரூர் மாவட்டம், தமிழ்நாடு ஆதிதிராவிடர் வீட்டு வசதி மற்றும் மேம்பாட்டுக்கழகம் மூலம் செயல்படுத்தப்படும் பொருளாதார மேம்பாட்டு திட்டங்களின் கீழ் 41 பயனாளிகளுக்கு தொழில் தொடங்கிட ரூ.251.86 லட்சம் மொத்த தொகையில், ரூ.72.62 லட்சம் தாட்கோ மானியம் வழங்கப்பட்டது. மேலும், தூய்மை பணியாளர்கள் நல வாரியத்தில் பதிவு பெற்ற தற்காலிக மற்றும் தொகுப்பூதிய அடிப்படையில் பணிபுரியும் தூய்மை பணியாளர்கள் 10 நபர்களுக்கு அடையாள அட்டை வழங்கப்பட்டது.

இந்நிகழ்ச்சியில், மாவட்ட வருவாய் அலுவலர் சிதம்பரம், மாவட்ட ஊராட்சிக்குழு துணைத்தலைவர் கலியபெருமாள், திருவாரூர் ஒன்றியக்குழு தலைவர் தேவா, திருவாரூர் நகர்மன்ற உறுப்பினர் பிரகாஷ் உள்ளிட்ட அரசு அலுவலர்கள், உள்ளாட்சி அமைப்பின் பிரதிநிதிகள் கலந்து கொண்டனர்.

புதியம்புத்தூர்:

தமிழ்நாடு அரசின் ஊரக வளர்ச்சி, உள்ளாட்சித்துறை சார்பில் ஊரக உள்ளாட்சி ஆதிதிராவிடர் பிரதிநிதிகளுக்கான சிறப்பு பயிற்சி முகாம் ஓட்டப்பிடாரம் ஊராட்சி ஒன்றிய அலுவல கத்தில் நடை பெற்றது. யூனியன் சேர்மன் ரமேஷ் தலைமை தாங்கினார்.

இதில் ஊரக வளர்ச்சி துறை சார்பில் ஆதிதிராவிடர் மக்கள் பிரதிநிதிகளுக்கு வழங்கப்படும் சலுகைகள், உரிமைகள் குறித்து ஊராட்சி மன்ற தலைவர்களுக்கு பயிற்சி கையேடுகளின் மூலம் விளக்கப்பட்டது. நிகழ்ச்சியில் வட்டார வளர்ச்சி அலுவலர் பாண்டியராஜன், துணை வட்டார வளர்ச்சி அலுவலர் துரைராஜ், மாவட்ட அளவிலான பயிற்றுனர்கள் அழகு நாச்சியார்,அதிசயமணி மற்றும் ஊராட்சி மன்ற தலைவர்கள் உள்பட ஏராளமானோர் கலந்து கொண்டனர்.

மதுரை

மதுரை மாவட்டத்தில் 2022-2023-ம் கல்வியாண்டிற்கு ஆதிதிராவிடர் மற்றும் பழங்குடியினர் நலத்துறையின் கீழ் இயங்கும் பள்ளி மற்றும் கல்லூரி விடுதிகளில் உள்ள காலியிடங்களுக்கு ஆதிதிராவிடர் மற்றும் பழங்குடியின மாணவ, மாணவியர்கள் விண்ணப்பிக்கலாம்.

இதற்காக விடுதி மேலாண்மை அமைப்பு (Hostel Management System) என்ற செயலியின் மூலம் இணைய வழியில் மாணவர்களின் சேர்க்கை நடத்தப்பட உள்ளது. இது தொடர்பான விதிமுறைகள் மற்றும் வழிகாட்டு நெறிமுறைகளை பின்பற்றி (https://tnadw-hms.in/application) என்ற இணையதளத்தில் விண்ணப்பிக்கலாம்.

பள்ளி விடுதிகளுக்கான சேர்க்கை வருகிற 20-ந்தேதி வரையிலும், கல்லூரி விடுதிகளுக்கான சேர்க்கை வருகிற 18-ந் தேதி முதல் அடுத்த மாதம் 5-ந் தேதி வரையிலும் என விண்ணப்பம் செய்வதற்கான கால அவகாசம் நிர்ணயிக்கப்பட்டுள்ளது.

தாமதமாக பெறப்படும் விண்ணப்பங்கள் விடுதி சேர்க்கைக்கு அனுமதிக்கப்பட மாட்டாது. தகுதியான மாணவர்கள் இந்த திட்டத்தினை பயன்படுத்திக் கொள்ளுமாறு கலெக்டர் அனீஷ்சேகர் கேட்டுக்கொண்டுள்ளார்.