என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "slug 95578"
புதுச்சேரி மாநில புகையிலை கட்டுப்பாட்டு மையம், தேசிய புகையிலை கட்டுப்பாட்டு திட்டம் அரசு மார்பு நோய் நிலையம், ஜிப்மர் நோய் தடுப்பு மற்றும் சமூக மருத்துவ துறை சார்பில் உலக இளைஞர்கள் புகையிலை பயன்பாட்டு தகவல் இதழ் வெளியீட்டு நிகழ்ச்சி மற்றும் புகையிலை நிறுவனங்களில் குறுக்கீடு தொடர்பான பயிலரங்கு அக்கார்டு ஓட்டலில் நடந்தது.
உலக இளைஞர்கள் புகையிலை பயன்பாட்டு கணக்கெடுப்பில் கிடைத்த தகவலின்படி, ‘புதுவையில் 13-15 வயதிற்குப்பட்ட மாணவர்களில் 4.3 சதவீதத்தினர் புகைக்கும் அல்லது மெல்லும் வகையிலான புகையிலையில் ஏதேனும் ஒன்றை பயன்படுத்தி வருகின்றனர். இது தேசிய சராசரியான 8.5 சதவீதத்தை ஒப்பிடும்போது பாதியளவு குறைவானது.
புகையிலை இல்லா வழிகாட்டு நெறிமுறைகளை 63.6 சதவீதம் பள்ளிகள் பின்பற்றுகின்றன. 45.5 சதவீதம் பள்ளிகள் புகையிலை இல்லா பள்ளிக்கூடம் என்ற தகவல் பலகை வைக்க வேண்டும் என்ற நெறிமுறை பற்றி அறிந்துள்ளன. 52.6 சதவீதம் பேர் மூடப்பட்ட பொது இடங்களில் புகையிலையை தடை செய்ய வேண்டும் என்றும், 59.1 சதவீதம் பேர் திறந்தவெளி பொது இடங்களில் புகையிலையை தடை செய்ய வேண்டும் என்றும் வலியுறுத்தியுள்ளனர்’.
கூடலூர்:
கூடலூர்- கேரளா எல்லையான வழிக்கடவு சோதனைச்சாவடியில் கேரள மதுவிலக்கு போலீஸ் இன்ஸ்பெக்டர் நிதிஷ் தலைமையில் சிஜூமோகன், யூசுப் உள்பட போலீசார் வாகனங்களை முழு தணிக்கை செய்த பின்னரே கேரளாவுக்கு அனுமதித்தனர்.
அப்போது மைசூரில் இருந்து கூடலூர் வழியாக கேரளாவுக்கு சென்ற கர்நாடகா பதிவு எண் கொண்ட அரசு பஸ்சை நிறுத்தி மதுவிலக்கு போலீசார் சோதனை செய்தனர். அப்போது சந்தேகப்படும்படி அமர்ந்து இருந்த 2 பேரின் பைகளை சோதனை செய்தனர். அதில் பையின் மேற்புறம் காய்கறிகள் இருப்பது போல் வடிவமைக்கப்பட்டு இருந்தது. இதனால் சந்தேகம் அடைந்த போலீசார் பைகளை முழுமையாக சோதித்தனர்.
அப்போது தடை செய்யப்பட்ட புகையிலை பொருட்களின் பாக்கெட்டுகள் 4 ஆயிரம் இருப்பது கண்டுபிடிக்கப்பட்டது. இதையொட்டி அந்த பாக்கெட்டுகளை போலீசார் பறிமுதல் செய்தனர்.
பின்னர் உத்தரபிரதேசத்தை சேர்ந்த நவுசாத் (வயது 35), ரபீக் அகமது (41) ஆகிய 2 பேரை பிடித்து விசாரித்தனர். விசாரணையில் கர்நாடகாவில் இருந்து கூடலூர் வழியாக கேரளாவுக்கு தடை செய்யப்பட்ட புகையிலை பொருட்கள் கடத்தி செல்வது தெரிய வந்தது. இது குறித்து வழிக்கடவு போலீசார் வழக்கு பதிவு செய்து நவுசாத், ரபீக் அகமது ஆகிய 2 பேரை கைது செய்தனர்.
பாலையம்பட்டி:
அருப்புக்கோட்டையில் வீடு, கடைகளில் பதுக்கி வைக்கப்பட்டு புகையிலை பொருட்கள் விற்பனை செய்யப்படுவதாக அருப்புக்கோட்டை டவுன் போலீசாருக்கு தகவல் கிடைத்தது.
இன்ஸ்பெக்டர் பாலமுருகன் தலைமையில் சப்- இன்ஸ்பெக்டர்கள் வெற்றி முருகன், செந்தில்வேல், முருகேசுவரி, நாகேஷ் மற்றும் போலீசார் அருப்புக்கோட்டை டவுன் மற்றும் பல்வேறு பகுதிகளில் உள்ள கடைகள், குடோன்களில் சோதனை நடத்தினர்.
அப்போது புகையிலை பொருட்கள், குட்காவை வீடு, குடோன்களில் பதுக்கி வைத்து விற்பனை செய்ததாக நெசவாளர் காலனியை சேர்ந்த அழகர்சாமி, முத்துமுருகன், சுந்தரம், நவநீதன் ஆகிய 4 பேரை போலீசார் கைது செய்தனர். இவர்களிடம் இருந்து 140 கிலோ புகையிலை பொருட்கள் பறிமுதல் செய்தனர். இதன் மதிப்பு ரூ.1 லட்சம் ஆகும்.
கோவை அருகே கண்ணம் பாளையத்தில் இயங்கி வந்த குட்கா குடோனில் போலீசார் அதிரடி சோதனை நடத்தி ரூ.1 கோடி மதிப்புள்ள குட்கா பாக்கெட்டுகளை பறிமுதல் செய்தனர். இந்த சம்பவம் கோவையில் பெரும் பரபரப்பை ஏற்படுத்தியது.
கோவை நகரில் கடந்த சில மாதங்களாக மாவட்ட உணவு பாதுகாப்பு அதிகாரி டாக்டர் விஜயலலிதாம்பிகை தலைமையில் அதிகாரிகள் குட்கா பதுக்கி வைத்துள்ள கடைகள், குடோன்களில் அதிரடி சோதனை நடத்தி வருகின்றனர்.
இந்த நிலையில் கோவை தாமஸ் வீதியில் ராஜஸ்தான் மாநிலத்தை சேர்ந்த வாகாராம் என்ற வியாபாரி குடோன் வாடகைக்கு எடுத்து தடை செய்யப்பட்ட புகையிலை பொருட்களை பதுக்கி வைத்து இருப்பதாக ரகசிய தகவல் வந்தது. இதனையடுத்து மாவட்ட உணவு பாதுகாப்பு அதிகாரி டாக்டர். விஜயலலிதாம்பிகை தலைமையிலான அதிகாரிகள் குடோனுக்கு சென்று அதிரடி சோதனை நடத்தினர்.
சோதனையில் வாகாராம் ரூ. 2.5 லட்சம் மதிப்பிலான 750 கிலோ தடை செய்யப்பட்ட புகையிலை பொருட்களை பதுக்கி வைத்து இருப்பது கண்டுபிடிக்கப்பட்டது. புகையிலை பொருட்களை பறிமுதல் செய்த அதிகாரிகள் மாதிரிகளை எடுத்து ஆய்வுக்காக சென்னைக்கு அனுப்பி வைத்தனர். மேலும் தாமஸ் வீதி அருகே உள்ள பொறிக்கார வீதியை சேர்ந்த சந்தோஷ் என்பவருக்கு சொந்தமான குடோன் உள்ளது. இங்கு தடைசெய்யப்பட்ட புகையிலை பொருட்கள் பதுக்கி வைத்து இருப்பது கண்டுபிடிக்கப்பட்டது. உரிமையாளர் வராததால் குடோனுக்கு அதிகாரிகள் சீல் வைத்தனர். இன்று அங்கு சென்று சோதனை நடத்த உள்ளனர்.
ஏற்கனவே கடந்த 2-ந் தேதி செல்வபுரம் அருகே உள்ள கணேசபுரம் பகுதியில் ஒரு வீட்டில் ரூ. 17 லட்சம் மதிப்பிலான 1.5 டன் புகையிலை பொருட்களும், கோவை ராஜவீதி, தாமஸ் வீதியில் உள்ள கடைகளில் சோதனை நடத்தி ஏராளமான குட்கா பாக்கெட்டுகளை பறிமுதல் செய்தனர். கடந்த 10 மாதத்தில் மட்டும் 7 டன் அளவுக்கு தடை செய்யப்பட்ட புகையிலை, குட்கா பாக்கெட்டுகள் பறிமுதல் செய்துள்ளனர் என்பது குறிப்பிடதக்கது. #tamilnews
வேதாரண்யம் போலீஸ் சப்-இன்ஸ்பெக்டர் சிங்காரம் மற்றும் போலீசார் ரோந்து பணியில் ஈடுபட்டு கொண்டிருந்தனர். அப்போது தேத்தாகுடி தெற்கு பகுதியில் அருள் என்பவரது பெட்டிக்கடையில் சோதனை செய்த போது புகையிலை பொருட்கள் விற்பனை செய்யப்பட்டது தெரிய வந்தது. இதை தொடர்ந்து அவரது கடையில் இருந்து புகையிலை பொருட்களை பறிமுதல் செய்தனர்.
இதே போல தோப்புத்துறையில் விஜயகுமார் (37) என்பவரது கடையில் சோதனை செய்த போது அங்கு விற்பனைக்காக வைக்கப்பட்டிருந்த புகையிலை பொருட்களை பறிமுதல் செய்தனர். இதுகுறித்து வேதாரண்யம் போலீசார் வழக்குப்பதிவு செய்து அருள், விஜயகுமார் ஆகிய 2 பேரை கைது செய்தனர்.
ராஜபாளையம்:
விருதுநகர் மாவட்டத்தில் தடை செய்யப்பட்ட புகையிலை பொருட்கள், திருட்டு மது விற்பனை நடைபெறுவதாக மாவட்ட போலீஸ் சூப்பிரண்டு ராஜ ராஜனுக்கு தகவல் கிடைத்தது.
அவரது உத்தரவின் பேரில் ராஜபாளையம் சரகத்தில் துணை சூப்பிரண்டு ரவிச்சந்திரன் மேற்பார்வையில் போலீசார் அதிரடி சோதனை நடத்தினர்.
தெற்கு போலீஸ் இன்ஸ் பெக்டர் பவுல்ஏசுதாஸ், சப்-இன்ஸ்பெக்டர்கள் அருண்குமார், மூவேந்திரன், திருமலைராஜா மற்றும் போலீசார் ரோந்து சென்றபோது சங்கரன் கோவில் முக்கு பகுதியில் உள்ள கடையில் தடை செய்யப்பட்ட புகையிலை பொருட்கள் விற்கப்படுவது தெரியவந்தது. அதனை பறிமுதல் செய்ததோடு, கடை உரிமையாளர் முருகனையும் கைது செய்தனர்.
இதேபோல் அக்னி, சரவணன் (48) ஆகியோரும் புகையிலை பொருட்கள் விற்றதாக கைது செய்யப்பட்டனர்.
சேத்தூர் புறக்காவல் போலீஸ் சப்-இன்ஸ்பெக்டர் ராமசாமி தலைமையிலான போலீசார் ரோந்து சென்றபோது சுந்தர் ராஜபுரம் பகுதியில் ஒரு கடையில் திருட்டுத்தனமாக மது விற்கப்படுவது தெரிய வந்தது. அதனை விற்றதாக போதராஜ் (40) என்பவரை கைது செய்த போலீசார் 20 மதுபாட்டில்களையும் பறிமுதல் செய்தனர்.
தளவாய்புரம் போலீஸ் சப்-இன்ஸ்பெக்டர்கள் பெருமள்சாமி, ரெங்கன் மற்றும் போலீசார் முறம்பு பகுதியில் மது விற்றதாக நாகராஜ் (27) என்பவரையும் சேத்தூர் சப்-இன்ஸ்பெக்டர் வெங்கடேஷ், சொக்கநாதன் புத்தூர் பகுதியில் மாரிமுத்து (29) என்பவரையும் கைது செய்தனர். அவர்களிடம் இருந்து மது பாட்டில்கள் பறிமுதல் செய்யப்பட்டன.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
