வார ராசிப்பலன் 13.10.2024 முதல் 19.10.2024 வரை

முயற்சிகள், எண்ணங்கள் நிறைவேறும் வாரம். ராசி மற்றும் 10-ம் அதிபதி புதன் தன ஸ்தானத்தில் நீச்ச சூரியனுடன் சஞ்சரிக்கிறார். புதிய தொழில் முயற்சிகள் கைகூடும். தொழிலில் பிரமாண்ட வளர்ச்சி உண்டாகும். பேச்சை மூலதனமாக கொண்டவர்களின் தனித்திறமை மிளிரும். நம்பிக்கையான, விசுவாசமான வேலை ஆட்கள் கிடைப்பார்கள். பாகப்பிரிவினையால் ஏற்பட்ட மன பேதம் சீராகும். ஒரு சிலர் உயில் எழுதுவார்கள். சிலர் எழுதிய உயில், ஆவணங்களில் திருத்தம் செய்வார்கள்.

கடன் தொகையை சமாளிக்க தேவையான பொருள் உதவி கிடைக்கும். இளைய சகோதரருக்கு திருமணம் நடக்கும். முன்னோர்களின் பரம்பரை வியாதியான கை, கால் வலி, சுகர், பிரஷர் போன்றவைகள் தலை தூக்கும். சிலர் கூட்டுக் குடும்பத்திலிருந்து பிரிந்து தனிக்குடித்தனம் செல்லலாம். சிலர் பழைய வேலையை விட்டு தீபாவளி போனஸ் வாங்கியவுடன் புதிய வேலைக்கு செல்லலாம். 17.10.2024 அன்று மாலை 4.20 முதல் 19.10.2024 அன்று மாலை 4.30 மணி வரை சந்திராஷ்டமம் இருப்பதால் தீபாவளி ஷாப்பிங்கில் கிரடிட் கார்டு, டெபிட் கார்டு மற்றும் ஏ.டி.எம். கார்டுகளை கவனமாக கையாள வேண்டும். அஷ்ட லட்சுமிகளையும் வழிபடவும்.

`பிரசன்ன ஜோதிடர்' ஐ.ஆனந்தி

செல்: 98652 20406