வார ராசிபலன் (1.9.2024 முதல் 7.9.2024 வரை)

1.9.2024 முதல் 7.9.2024 வரை

பாக்கிய பலன்கள் மிகுதியாகும் வாரம். ராசி அதிபதி புதன் லாப ஸ்தானத்தில் சஞ்சாரம் செய்கிறார். ராசியில் குரு பார்வை பதிவதால் முன்னோர்களின் நல்லாசிகள் கிடைக்கும். பாக்கிய பலன் மிகுதியாகும். குடும்பத்தில் நிலவிய குழப்பங்கள் முற்றுப் புள்ளியாகும். உயர் கல்வி, வேலை வாய்ப்பு, தொழில் என அனைத்தும் சாதமாக உள்ளது. தொழில் அபி விருத்தி மூலம் வளர்ச்சி உண்டாகும். மறு திருமண முயற்சி நிறைவேறும். சுய விருப்ப விவாகத்திற்கு பெற்றோர் சம்மதம் கிடைக்கும். வெளிநாட்டில் இருப்பவர்கள் பூர்வீகம் வந்து செல்வதில் நிலவிய நடைமுறை சிக்கல்கள் நீங்கும். கை, கால் வலி, அலைச்சல் போன்ற சிறுசிறு அசவுகரியங்கள் இருக்கும்.

தந்தை மற்றும் தந்தை வழி உறவுகளின் வெறுப்பு மறையும். சிலர் சகோதர, சகோதரிகளுக்காக பணம் செலவு செய்ய நேரும். வாழ்க்கை துணைக்கு விரும்பிய உத்தியோக உயர்வு உண்டு. பெண்களுக்கு தாய் வழி சீதனம் கிடைக்கும். அடகு வைத்த நகைகள், சொத்துக்கள் மீண்டு வரும். திருமணத் தடை விரைவில் அகலும். புத்திர பிராப்தம் சித்திக்கும். வேலை இல்லாதவர்களுக்கு வேலை கிடைக்கும். வெள்ளெருக்கு மாலை அணிவித்து விநாயகரை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406