வார ராசிபலன் (22.9.2024 முதல் 28.9.2024 வரை)

22.9.2024 முதல் 28.9.2024 வரை

பொருளாதார நிலைகள் திருப்திகரமாக இருக்கும் வாரம். செவ்வாய் மற்றும் குருவின் பார்வையில் ராசியில் சூரியன், புதன், கேது சேர்க்கை 2, 9ம் அதிபதி சுக்ரன் ஆட்சி என முக்கிய கிரகங்கள் வலிமையாக உள்ளது. தடையின்றி அனைத்து முயற்சிகள், செயல்கள், பணிகள் துரிதமாகும். தசா புத்தி சாதகமாக உள்ளவர்களுக்கு இமாலய வளர்ச்சி உண்டு. நிலையான நிரந்தரமான வருமானம் உண்டு. நிலுவையில் உள்ள வாடகை வருமானம் வந்து சேரும். வீடு, மனை வாங்க முன்பணம் கொடுப்பீர்கள். சகோதர சகோதரிகளின் ஆதரவு நிம்மதி தரும். சிலர் உயர் கல்விக்காக வெளிநாடு செல்லலாம்.

விவாகரத்து வழக்கு தீர்ப்பு தள்ளிப்போகும். கடன் சார்ந்த பிரச்சனைகள் குறையும். பேச்சை மூலதனமாக கொண்டவர்கள் தனக்கென்று ஒரு தனி முத்திரை பதிப்பார்கள். அரசு உத்தியோக வாய்ப்புகள் உள்ளது. நம்பிக்கையான தொழில் கூட்டாளிகள் கிடைப்பார்கள். கொடுத்த வாக்கை, சத்தியத்தை காப்பாற்றுவீர்கள். நல்ல ஆன்மீகக குரு கிடைக்கப் பெற்று ஆன்மீக வழியில் அறிவுத் தெளிவு ஏற்படும். ஆரோக்கியம் சீராகும். பள்ளி குழந்தைகளின் தேவையறிந்து உதவவும்.

`பிரசன்ன ஜோதிடர்'

ஐ.ஆனந்தி

செல்: 98652 20406