வார ராசிபலன் (12.8.2024 முதல் 18.8.2024 வரை)

12.8.2024 முதல் 18.8.2024 வரை

விரயத்தை கட்டுப்படுத்த வேண்டிய வாரம். ராசி அதிபதி புதன் வக்ரம் பெற்று விரயாதிபதி சூரியன் மற்றும் தனாதிபதி சுக்ரனுடன் விரய ஸ்தானத்தில் சஞ்சரிக்கிறார். வெளிநாட்டு தொழில், வேலை வாய்ப்பு சித்திக்கும். பொருளாதார நிலையில் சற்று ஏற்றத்தாழ்வு இருக்கும். ஏற்றத் தாழ்வை சமாளிக்க கடன் பெறும் சூழல் உருவாகும். வங்கியில் கடன் உதவி பெறுவதற்கு ஏற்ற காலம். அரசு வகை காரியங்கள் விரைந்து முடியும். உடல் சோர்வால் எண்ணிய பணிகளை முடிப்பதில் காலதாமதம் ஏற்படும். கண், பல் தொடர்பான பிரச்சனைக்கு வைத்தியம் செய்ய நேரும்.

சம்பந்தம் இல்லாத அறிமுகம் இல்லாத நபர்களிடம் கொடுக்கல், வாங்கல் செய்வதை தவிர்க்கவும். எதிர் பாலினத்தவரால் நிம்மதி குறையும். வழக்கு வெற்றிகள் சாதகமாகும் அல்லது தீர்ப்பு தள்ளிப்போகும். திருமண முயற்சிகள் தடை, தாமதம் தரும். தந்தை வழி சொத்தில் நிலவிய மாற்றுக் கருத்து சாதகமாகும். புத்திர பாக்கியத்தில் நிலவிய தடை, தாமதங்கள் விலகும். தம்பதிகள் மிகவும் இன்பமாக பொழுதை செலவிடுவார்கள். வரலட்சுமி நோன்பு அன்று வில்வ அர்ச்சனை செய்து மகாலட்சுமியை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406