வார ராசிப்பலன் 8.9.2024 முதல் 14.9.2024 வரை

விரயத்தை கட்டுப்படுத்த வேண்டிய வாரம். ராசி அதிபதி புதன் விரய ஸ்தானத்தில் விரய அதிபதி சூரியனுடன் சேர்க்கை. மற்றவர்களை நம்பி ஏமாறுதல், வீண் விரயம் ஏற்படும். இரட்டிப்பு செலவுகள் ஏற்படும். புகழ் மட்டும் மிச்சம் உண்டாகும். ஒரு கடன் பெற்று மற்றொரு கடனை அடைப்பீர்கள். புதிய முதலீடு செய்ய வேண்டாம். கடன் வாங்குவதை தவிர்க்கவும். தொழிலில் கவனம் தேவை. விலகிச் சென்றவர்கள் பற்றிய எண்ணங்கள் ஏற்படும். பணிகளில் பொறுப்புகள் அதிகரிக்கும். சிந்தனைப் போக்கில் சில மாற்றங்கள் உண்டாகும். சுப காரியம் தொடர்பான சிந்தனைகள் மேம்படும். பயணங்கள் மூலம் புதிய வாய்ப்புகள் ஏற்படும்.

அரசியலில் ஈடுபட்டோருக்கு விபரீத ராஜ யோகம் தரும் காலமாகும். சிலர் பூர்வீக சொத்து தொடர்பான வழக்குகளை சந்திக்க நேரும். வெளிநாட்டு வேலை மற்றும் பயணம் திட்டமிட்டபடி நடக்கும். சிலருக்கு செயற்கை முறை கருத்தரிப்பு வெற்றி தரும். உடல் நிலையில் தெளிவு இருக்கும். குரு பார்வை ராசிக்கு இருப்பதால் பெரிய பாதிப்பு ஏற்படாது.ஆன்மீக பயணம் நல்லது. மகிழ்ச்சியை அதிகரிக்க வில்வ அர்ச்சனை செய்து சிவனை வழிபடவும்.

`பிரசன்ன ஜோதிடர்' ஐ.ஆனந்தி

செல்: 98652 20406