வார ராசிபலன் (29.9.2024 முதல் 5.10.2024 வரை)

29.9.2024 முதல் 5.10.2024 வரை

சுப விரயங்களால் மனம் மகிழும் வாரம். தன ஸ்தானத்தில் 2,9-ம் அதிபதி சுக்ரன் ஆட்சி செய்வதால் குடும்பத்தில் உற்சாகமும் மகிழ்ச்சியுமான சூழ்நிலை காணப்படும். அழகு ஆடம்பரப் பொருட்கள், உணவுத் தொழில் செய்பவர்களுக்கு நன்மைகள் தொடரும். திரைப்பட கலைஞர்களுக்கு தடைகளைத் தாண்டிய வெற்றி உண்டு. சிலர் தொழில் நிமித்தமாக வெளியூர் அல்லது வெளிநாடு பயணம் செய்ய நேரும். வாழ்க்கைத் துணையின் வேலை நிரந்தரமாகும். எதிர்காலத் தேவைக்கான இன்சூரன்ஸ் பாலிசி அல்லது நலத்திட்டங்களில் சேமிப்பு போன்ற சுப செலவுகள் அதிகரிக்கும்.

திருமணக் கனவு நனவாகும். குழந்தை பாக்கியம் கிட்டும். அழகு, ஆடம்பர பொருட்கள், தங்க நகைகள் சேரும்.வீடு, மனை, வாகன யோகம் உண்டு.புதிய வீடு கட்டலாம்.பழைய வீட்டை பழுது பார்க்கலாம். அதற்கு தேவையான கடன் உதவி கிடைக்கும். தாயின் ஆரோக்கியத்தில் நல்ல முன்னேற்றம் தென்படும். பெண்களுக்கு பிறந்த வீட்டுச் சீதனம் மகிழ்ச்சியைத் தரும்.சிலருக்கு சொத்துக்கள் விற்பனையில் நல்ல ஆதாயம் கிடைக்கும். அமாவாசையன்று முன்னோர்களை வழிபட முத்தாய்ப்பான மாற்றங்கள் உண்டு.

`பிரசன்ன ஜோதிடர்'

ஐ.ஆனந்தி

செல்: 98652 20406