உள்ளூர் செய்திகள்
தியாகதுருகத்தில் கஞ்சா விற்ற 2 வாலிபர்கள் கைது
- போலீசார் ரோந்து பணியில் ஈடுபட்டபோது அந்த பகுதியில் சந்தேகப்படும் படியாக நின்று கொண்டிருந்த நபர்களை விசாரணை செய்தனர்.
- இது தொடர்பாக கௌசி, பரத் ஆகியோர் மீது போலீசார் வழக்கு பதிவு செய்து கைது செய்தனர்.
கள்ளக்குறிச்சி:
தியாகதுருகம் போலீஸ் சப்-இன்ஸ்பெக்டர் மூர்த்தி தலைமையிலான போலீசார் மலையம்மன் கோவில் பகுதியில் ரோந்து பணியில் ஈடுபட்டனர். அப்போது அந்த பகுதியில் சந்தேகப்படும் படியாக நின்று கொண்டிருந்த நபர்களை விசாரணை செய்தனர். விசாரணையில் புக்குளம் மந்தவெளி பகுதியை சேர்ந்த குப்புசாமி மகன் கௌசி (வயது 19), மற்றும் அதே பகுதியைச் சேர்ந்த இளங்கோவன் மகன் பரத் (19) என்பதும் தெரிய வந்தது. மேலும் அவர்களிடமிருந்து 100 கிராம் அளவிலான கஞ்சாவை போலீசார் கைப்பற்றினர். இது தொடர்பாக கௌசி, பரத் ஆகியோர் மீது போலீசார் வழக்கு பதிவு செய்து கைது செய்தனர்.