சூரியன் முழுமையாக அஸ்தமித்தது- கிரிக்கெட் வீரர் ஹர்பஜன் சிங் இரங்கல்

திமுக தலைவர் கருணாநிதி வயது மூப்பு காரணமாக சிகிச்சை பலனின்றி மருத்துவமனையில் இன்று மாலை 6.10 மணியளவில் காலமானார்.

இவருக்கு ஜனாதிபதி, துணை ஜனாதிபதி, பிரதமர் உள்பட முன்னணி தலைவர்கள் இரங்கல் தெரிவித்தனர். இந்நிலையில் இந்திய அணியின் முன்னணி சுழற்பந்து வீச்சாளரான ஹர்பஜன் சிங், கருணாநிதி மறைவுக்கு தமிழில் டுவிட்டரில் இரங்கல் தெரிவித்துள்ளது.

ஹர்பஜன் சிங் டுவிட்டரில் ‘‘சூரியன் முழுமையாக அஸ்தமித்தது. தமிழ் தன்னுடைய முடிவுரையை எழுதியது. ஒப்பாரும் மிக்காரும் இல்லா @kalaignar89 தலைவா உங்களுடைய இழப்பு காலத்தால் ஈடு செய்ய முடியாதது. இனி எப்படி கேட்பேன் அந்த காந்த குரலை #Kalaignar ஐயா. முத்தமிழின் மூத்த மகனுக்கு என் வீர வணக்கங்கள் #RIPKalaignar #கலைஞர்’’ என்று பதிவிட்டுள்ளார்.