வாணியம்பாடியில் கஞ்சா வைத்திருந்த பெண் கைது

வாணியம்பாடி:

வாணியம்பாடி நகரில் பல இடங்களில் கஞ்சா கடத்தல் மற்றும் விற்பனை செய்து வருவதாக மாவட்ட போலீஸ் சூப்பிரண்டு பாலகிருஷ்ணனுக்கு கிடைத்த தகவலின் பேரில், துணை போலீஸ் சூப்பிரண்டு சுரேஷ் பாண்டியன் வழிகாட்டுதலின்படி, தாலுகா போலீஸ் இன்ஸ்பெக்டர் பழனிமுத்து தலைமையில் போலீசார் கலந்திரா பகுதியில் ரோந்து சென்றனர். அப்போது அந்தப்பகுதியில் ராணி என்பவரின் வீட்டின் பின்புறம் கஞ்சா மறைத்து வைத்திருப்பது கண்டுபிடிக்கப்பட்டது. அதைத்தொடர்ந்து ராணியை (வயது 50) கைது செய்து ஒரு கிலோ கஞ்சாவை பறிமுதல் செய்தனர்.