சுரைக்காய் வரத்து குறைந்ததால் விலை அதிகரிப்பு

பெருந்துறை:

பெருந்துறை தினசரி மார்கெட்டிற்கு சுற்று வட்டாரப் பகுதியை சேர்ந்த விவசாயிகள் சுரைக்காயை கொண்டு விற்பனை செய்து வருகிறார்கள்.

அவர்களிடம் இருந்து வியாபாரிகள் மொத்தமாக வாங்கி சில்லரையில் மக்களுக்கு விற்பனை செய்கின்றனர்.

இந்த நிலையில் கடந்த சில வாரங்களுக்கு முன்பு ஒரு சுரைக்காய் விலை ரூ.10 முதல் ரூ.12 வரை விற்பனை செய்யப்பட்டது.

தற்போது மழை மற்றும் பனியால் சுரைக்காய் விளைச்சல் குறைந்து மார்க்கெட்டிற்கு வரும் சுரைக்காய் வரத்து குறைந்துள்ளது.

இதனால் ஒரு சுரைக்காய் விலை ரூ.20 முதல் ரூ. 22 வரை விற்பனை செய்யப்படுகிறது.