பள்ளி வளாகத்தில் புகுந்த புள்ளி மான் மீட்பு

மதுரை

மதுரை அவனியாபுரம் அரசு மேல்நிலைப்பள்ளி வளாகத்துக்குள் வந்த 4 வயதுடைய புள்ளி மான் பொதுமக்கள் நடமாட்டத்திற்கு பயந்து அருகில் உள்ள தனியார் நிறுவனத்தில் புகுந்தது. அங்கிருந்து தப்பி செல்ல முயன்ற மான், தடுப்பு சுவரில் மோதி காயத்துடன் மயங்கி விழுந்தது. இதனைக் கண்ட பொதுமக்கள் அவனியாபுரம் போலீசுக்கு தகவல் கொடுத்தனர். அவர்கள் வனத்துறையினருக்கு தகவல் அளித்தனர். வனத்துறையினர் வரும் வரை மான்களின் கால்கள் கட்டப்பட்டு தனியார் நிறுவனத்தில் போலீசார் பாதுகாப்புடன் வைத்திருந்தனர்.

தொடர்ந்து வனத்துறையினர் மானை மீட்டு முதலுதவி அளித்து வாகனத்தில் எடுத்து சென்றனர். இதுபோன்று மான்கள் காடுகள் நிறைந்த பகுதியில் தான் இருக்கும். மதுரை மாநகராட்சிக்கு உட்பட்ட நகரப் பகுதியில் மான் வந்திருப்பது ஆச்சரியத்தை ஏற்படுத்தியது.