நல்லம்பள்ளியில் மு.க.ஸ்டாலின் பிறந்தநாள் விழா பொதுக்கூட்டம்

தொப்பூர்,

தருமபுரி மாவட்டம், நல்லம்பள்ளி கிழக்கு ஒன்றியம் சார்பில் நல்லம்பள்ளி பேருந்து நிறுத்தம் பகுதியில் தி.மு.க.வின் தலைவர் ஸ்டாலின் 70-வது பிறந்தநாள் விழா பொதுக்கூட்டம் நேற்று நடைபெற்றது.

இந்த பொதுக்கூட்டத்திற்கு தருமபுரி தி.மு.க. கிழக்கு மாவட்ட செயலாளர் தடங்கம் சுப்பரமணி தலைமை வகித்தார். நல்லம்பள்ளி கிழக்கு ஒன்றிய செயலாளர் ஏ.எஸ்.சண்முகம் வரவேற்புரை ஆற்றினார்.

அதனை தொடர்ந்து தி.மு.க. தலைமை பேச்சாளர்கள் சேலம் சுஜாதா மற்றும் தருமபுரி அதியமான் உள்ளிட்டோர் பிறந்தநாள் விழா சிறப்புரை ஆற்றினர்.

பொதுக்கூட்டத்திற்கு தி.மு.க. மாவட்ட துணை செயலாளர் ஆறுமுகம், மாவட்ட பொருளாளர் தங்கமணி, தலைமை செயற்குழு உறுப்பினர் எம்.ஜி. சேகர், நல்லம்பள்ளி ஒன்றிய குழு துணை தலைவர் பெரியண்ணன், மாவட்ட பொதுக்குழு உறுப்பினர்கள் நடராஜ், சரஸ்வதி துரைசாமி, நல்லம்பள்ளி ஒன்றிய செயலாளர்கள் வைகுந்தன், மல்லமுத்து, நகர செயலாளர் நாட்டான் மாது, ஒன்றிய துணை செயலாளர்கள் புனிதம் பழனிசாமி, அவை தலைவர் வீரமணி, தகவல் தொழில்நுட்ப ஒருங்கிணைப்பாளர் கௌதம், தடங்கம் இளைய சங்கர் மற்றும் ஒன்றிய, கிளை நிர்வாகிகள் தொண்டர்கள் திரளாக கலந்து கொண்டனர்.

முடிவில் தருமபுரி மாவட்ட மாணவர் அணி என்எஸ். கலைச்செல்வன் நன்றி கூறினார்.