பள்ளிப்பாளையம் அருகே காவிரி ஆற்றில் வாலிபர் உடல் மீட்பு

பள்ளிபாளையம்:

நாமக்கல் மாவட்டம் பள்ளிபாளையம் அருகே ஆவத்திபாளையம் பகுதி காவிரி ஆற்றில் ஆண் ஒருவர் இறந்து கிடப்பதாக பள்ளிப்பாளையம் போலீசுக்கு அப்பகுதி மக்கள் தகவல் தெரிவித்தனர்.

இதனை தொடர்ந்து சம்பவ இடத்திற்கு சென்ற போலீசார் ஆற்றில் இறங்கி வாலிபர் உடலை மீட்டனர். அவருக்கு சுமார் 40 வயது இருக்கும். அவரது பெயர்? எந்த ஊரை சேர்ந்தவர்? போன்ற விபரங்கள் தெரியவில்லை.

அவர் இறந்து ஒரு வாரம் இருக்கும் என்பதால் உடல் அழுகிய நிலையில் காணப்பட்டது. உடல் பிரேத பரிசோதனைக்கு பெருந்துறை அரசு மருத்துவமனைக்கு அனுப்பி வைக்கப்பட்டது. இது குறித்து பள்ளிபாளையம் போலீசார் வழக்குப்பதிவு செய்து அவர் எப்படி இறந்தார்? என விசாரணை நடத்தி வருகின்றனர்.