செம்பட்டியில் செல்போன் திருடிய டவுசர் கொள்ளையனை மடக்கிபிடித்த பொதுமக்கள்

செம்பட்டி:

திண்டுக்கல் மாவட்டம் செம்பட்டி அருகே பழைய செம்பட்டியை சேர்ந்தவர் வீரமணி(33). ஒர்க்ஷாப் தொழிலாளி. நேற்று குடும்பத்துடன் வீட்டு மாடியில் தூங்கிகொண்டிருந்தார்.

அப்போது டவுசர் மட்டும் அணிந்துவந்த கொள்ளையன் வீட்டிற்குள் புகுந்து ரூ.15 ஆயிரம் மதிப்புள்ள செல்போனை திருடி தப்பிச்செல்ல முயன்றார். இதைபார்த்ததும் வீரமணி குடும்பத்தினர் சத்தம் போட்டனர்.

அவர்கள் சத்தம் கேட்டு ஒன்றுகூடிய பொதுமக்கள் கொள்ளையனை பிடித்து தர்மஅடி கொடுத்து செம்பட்டி போலீசில் ஒப்படைத்தனர். போலீசார் விசாரணையில் அந்த நபர் ஈேராட்டை சேர்ந்த செல்வம்(25) என தெரியவந்தது.

இவர் தனியாக திருடவந்தாரா அல்லது இந்த சம்பவத்தில் வேறு யாருக்கும் தொடர்பு உள்ளதா என போலீசார் விசாரித்து வருகின்றனர்.