பதவி ஆசைக்காக கூட்டணி அமைத்தது யார்? - தேவேகவுடாவுக்கு எடியூரப்பா கேள்வி

பெங்களூரு :

கர்நாடக பா.ஜனதா தலைவர் எடியூரப்பா பெங்களூருவில் நிருபர்களுக்கு பேட்டி அளிக்கையில் கூறியதாவது:-


இதன் மூலம் தனி மாநில கோரிக்கைக்கான விஷ விதையை குமாரசாமியே விதைத்தார் என்பது தேவேகவுடாவுக்கு தெரியவில்லையா?. குமாரசாமி சென்னப்பட்டணாவில் பேசும்போது, சாதி மற்றும் பணத்திற்கு ஆசைப்பட்டு வாக்களித்தீர்கள் என்று பேசினார். இதன்மூலம் தனிமாநில கோரிக்கைக்காக வடகர்நாடக மக்களை தூண்டிவிட்டதே முதல்-மந்திரி தான் என்று சொன்னால் அது மிகையாகாது. இதுபற்றி தேவேகவுடாவுக்கு எதுவும் தெரியவில்லையா?.

வட கர்நாடகத்தில் இருந்து மாநில அரசுக்கு எவ்வளவு வருவாய் வருகிறது என்று குமாரசாமி பேசினார். அதுபற்றி தேவேகவுடா ஏன் எதுவும் பேசவில்லை. வட கர்நாடகத்தில் அமைதி குலைய குமாரசாமி தான் காரணம். அவருக்கு அறிவுரை கூறுவதை விட்டுவிட்டு தேவேகவுடா, என் மீது குறை கூறுவது சரியல்ல. தேவேகவுடா பொறுப்பு இல்லாமல் பேசுவதை கைவிட்டு கர்நாடகம் உடையாமல் இருக்க தனது மகனுக்கு அறிவுரை கூற வேண்டும்.

இவ்வாறு எடியூரப்பா கூறினார்.