மக்களவை முன்னாள் சபாநாயகர் சோம்நாத் சாட்டர்ஜி மருத்துவமனையில் அனுமதி

கொல்கத்தா:

பாராளுமன்றத்தின் மக்களவையில் கடந்த 2004ம் ஆண்டு முதல் 2009-ம் ஆண்டு வரை சபாநாயகராக பதவி வகித்தவர் சோம்நாத் சாட்டர்ஜி (89). மா. கம்யூனிஸ்ட் கட்சியின் மூத்த தலைவர்களில் ஒருவரான இவர் தற்போது கொல்கத்தாவில் வசித்து வருகிறார்.

இந்நிலையில், நேற்று காலை சோம்நாத் சாட்டர்ஜிக்கு மாரடைப்பு ஏற்பட்டது. இதையடுத்து, கொல்கத்தாவில் உள்ள  தனியார் மருத்துவமனையில் சேர்த்து சிகிச்சை அளித்து வருகின்றனர்.

இதுதொடர்பாக மருத்துவமனை டாக்டர்கள் கூறுகையில், மாரடைப்பு ஏற்பட்டதால் சோம்நாத் சாட்டர்ஜி மருத்துவமனையில் அனுமதிக்கப்பட்டு உள்ளார். அவரை டாக்டர்கள் தொடர்ந்து கண்காணித்து வருகின்றனர், அவரது உடல்நிலையில் முன்னேற்றம் ஏற்பட்டாலும் செயற்கை சுவாசம் அளிக்கப்பட்டு வருகிறது என மருத்துவர்கள் தெரிவித்துள்ளனர். #LokSabhaFormerSpeaker #SomnathChatterjee