மொபட் ஓட்டிய சிறுமி... விவாதத்தை ஏற்படுத்திய வீடியோ
- வீடியோவில் சிறுமி ஒருவர் பள்ளி சீருடையில் மொபட்டை வேகமாக ஓட்டி செல்கிறார்.
- இன்ஸ்டாகிராமில் வெளியான இந்த வீடியோ இதுவரை 4 லட்சம் பார்வைகளை கடந்து வைரலாகி உள்ளது.
சுமார் 10 வயதுள்ள சிறுமி, மொபட் ஓட்டி செல்லும் வீடியோ இணையத்தில் வைரலாகி உள்ளது. மகாராஷ்டிரா மாநிலத்தில் போக்குவரத்து நெரிசல் மிகுந்த சத்ரபதி சாம்பாஜிநகர் சாலையில் இந்த வீடியோ படம் பிடிக்கப்பட்டதாக தெரிகிறது.
அந்த வீடியோவில் சிறுமி ஒருவர் பள்ளி சீருடையில் மொபட்டை வேகமாக ஓட்டி செல்கிறார். வண்டியின் பின்பக்க இருக்கையில் தந்தை அமர்ந்திருக்கிறார். சிறுமி ஹெல்மெட் எதுவும் அணியாமல் 'சிட்'டாக பறந்து செல்கிறார்.
இன்ஸ்டாகிராமில் வெளியான இந்த வீடியோ இதுவரை 4 லட்சம் பார்வைகளை கடந்து வைரலாகி உள்ளது. கலவையான கருத்துக்களையும் பெற்றுள்ளது. சட்டப்படி இது சரியல்ல, குறைந்த வயதில் வாகனம் ஓட்டுவதும் மற்றும் பொறுப்பற்ற முறையில் குழந்தையின் பாதுகாப்பிற்கு ஆபத்தை ஏற்படுத்துவது தண்டனைக்குரிய குற்றம் என்று பலர் குறிப்பிட்டனர். சிறுமி திறமையாக வாகனம் ஓட்டுவதாக சிலர் பாராட்டி பதிவிட்டனர்.