ஜார்க்கண்ட் சட்டமன்ற தேர்தலில் வாக்களித்த எம்.எஸ்.டோனி - 3 மணி வரை 59.28% வாக்குகள் பதிவு

ஜார்க்கண்ட் மாநிலத்தில் உள்ள 81 சட்டமன்ற தொகுதிகளில் முதற்கட்டமாக 43 தொகுதிகளுக்கு இன்று வாக்குப்பதிவு நடைபெற்று வருகிறது. காலை 7 மணிக்கு வாக்குப்பதிவு தொடங்கி விறுவிறுப்பாக நடைபெற்று வருகிறது.

43 தொகுதிகளில் மொத்தம் 683 வேட்பாளர்கள் போட்டியிடுகின்றனர். முன்னாள் முதல்வர் சம்பாய் சோரன் மற்றும் முன்னாள் எம்.பி. கீதா கோரா ஆகியோர் களத்தில் உள்ளனர்.

இந்நிலையில் மதியம் 3 மணி வரை 59.28 சதவீதம் வாக்குகள் பதிவானதாக தேர்தல் ஆணையம் அறிவித்துள்ளது.

இதனிடையே ஜார்க்கண்ட் சட்டமன்ற தேர்தலில் இந்திய அணியின் முன்னாள் கேப்டன் எம்.எஸ்.டோனி தனது மனைவி சாக்ஷியுடன் வந்து வாக்களித்தார்.