பாராளுமன்ற தேர்தல் முடிவுகள்: பிரஜ்வல் ரேவண்ணா, கங்கனா ரனாவத் முன்னிலை

பாராளுமன்ற தேர்தலில் பதிவான வாக்குகள் எண்ணப்பட்டு வருகின்றது. தற்போதைய நிலவரப்படி தேசிய ஜனநாயக கூட்டணி 264 இடங்களிலும், இந்தியா கூட்டணி 198 இடங்களிலும், மற்றவை 20 இடங்களிலும் முன்னிலை வகிக்கின்றது.

கர்நாடக மாநிலம் ஹாசன் பாராளுமன்ற தொகுதியில் போட்டியிட்ட பிரஜ்வல் ரேவண்ணா முன்னிலையில் உள்ளதாக தகவல் வெளியாகியுள்ளது. முன்னதாக, பாலியல் வழக்கில் சிக்கி வெளிநாட்டில் தலைமறைவாக இருந்தபிரஜ்வல் ரேவண்ணா தற்போது கைதாகி உள்ளார் என்பது குறிப்பிடத்தக்கது.

* குஜராத் மாநிலம் காந்தி நகர் தொகுதியில் போட்டியிட்ட அமித்ஷா முன்னிலை.

* இமாச்சலப் பிரதேசம் ஹமீர்பூர் தொகுதியில் போட்டியிட்ட பா.ஜ.க. வேட்பாளர் அனுராக் தாகூர் முன்னிலையில் உள்ளார்.

* இமாச்சலப் பிரதேசத்தின் மண்டி தொகுதியில் போட்டியிட்ட நடிகை கங்கனா ரனாவத் முன்னிலை வகிக்கிறார்.

* டெல்லியில் 7 இடங்களில் பா.ஜ.க. முன்னிலையில் உள்ளது.

* கேரள மாநிலம் திருச்சூர் தொகுதியில் போட்டியிட்ட நடிகர் சுரேஷ் கோபி பின்னடைவை சந்தித்துள்ளார்.