டெல்லி மழை வெள்ளத்தில் சிக்கி பழுதாகி நின்ற சொகுசு கார்- வீடியோ வைரல்

டெல்லியில் கடந்த சில நாட்களாக கனமழை கொட்டி தீர்த்து வருகிறது. இதனால் சாலைகளில் பல இடங்களில் மழை நீர் வெள்ளம் போல் தேங்கி நிற்கிறது. பரபரப்பான சாலைகளில் மழை வெள்ளம் தேங்கி நிற்பதால் சில இடங்களில் போக்குவரத்து பாதிக்கப்பட்டுள்ளது.

இந்நிலையில் சுமார் ரூ.7 கோடி மதிப்புள்ள ரோல்ஸ் ராய்ஸ் கோஸ்ட் சொகுசு கார் ஒன்று தண்ணீர் தேங்கிய சாலையில் பழுதாகி நிற்கும் காட்சிகள் சமூக வலைதளங்களில் வைரலாகி வருகிறது.

பொதுவாக சாலையில் மழைநீர் தேங்கி நிற்கும் போது அதில், வாகனங்கள் சீறிபாய்ந்து செல்லும் நிலையில் ரோல்ஸ் ராய்ஸ் கார் பழுதாகி நிற்கும் காட்சிகள் சமூக வலைதளங்களில் வைரலாக பரவி வருகிறது.

இதைப்பார்த்த இணைய பயனர்கள் கேலியான கருத்துக்களை பதிவிட்டு வருகின்றனர். காரின் விலை முக்கியமில்லை. நாம் விரும்பும் நேரத்தில் செல்ல வேண்டும். அது தான் முக்கியம். ரோஸ் ராய்ஸ் கார் பழுதாகி நிற்பதை பார்க்கும் போது வருத்தமாக இருக்கிறது. டெல்லியின் உள்கட்டமைப்பு எவ்வாறு இருக்கிறது என்பது வருத்தப்பட வைக்கிறது என ஒரு பயனர் கூறியுள்ளார்.