அதிக விக்கெட்: ஜாகீர் கான், இஷாந்த் சர்மாவை முந்திய ஜடேஜா

மும்பை:

இந்தியா, நியூசிலாந்து அணிகளுக்கு இடையிலான 3வது மற்றும் கடைசி டெஸ்ட் போட்டி மும்பையில் நடந்து வருகிறது. டாஸ் வென்ற நியூசிலாந்து பேட்டிங் தேர்வு செய்தது.

அதன்படி, முதலில் ஆடிய நியூசிலாந்து தேநீர் இடைவேளை வரை 6 விக்கெட் இழப்புக்கு 192 ரன்கள் எடுத்துள்ளது. ஜடேஜா 3 விக்கெட்டும், வாஷிங்டன் சுந்தர் 2 விக்கெட்டும், ஆகாஷ் தீப் ஒரு விக்கெட்டும் வீழ்த்தினர்.

இந்நிலையில், 3 விக்கெட் வீழ்த்திய ஜடேஜா புதிய சாதனையை நிகழ்த்தி உள்ளார். அவர் அதிக விக்கெட் எடுத்த இந்தியர்கள் பட்டியலில் ஜாகீர் கான் மற்றும் இஷாந்த் சர்மாவின் 311 விக்கெட் சாதனையை முறியடித்துள்ளார். டாப் 5 பட்டியலிலும் இடம்பிடித்துள்ளார்.

இந்தப் பட்டியலில் கும்ப்ளே (619), அஸ்வின் (533), கபில் தேவ் (414), ஹர்பஜன் (417) என முதல் நான்கு இடங்களில் உள்ளனர்.