தொழில்நுட்பம்
பட்ஜெட் விலையில் நாட்ச் டிஸ்ப்ளே ஸ்மார்ட்போன் இந்தியாவில் அறிமுகம்
ஒப்போ துணை பிரான்டு ஆன ரியல்மி இந்தியாவில் சி சீரிஸ்-இல் தனது முதல் ஸ்மார்ட்போனினை அறிமுகம் செய்துள்ளது. #RealmeC1
ரியல்மி நிறுவனம் தனது ரியல்மி 2 ப்ரோ ஸ்மார்ட்போனுடன் புதிய சி1 ஸ்மார்ட்போனினை இந்தியாவில் அறிமுகம் செய்துள்ளது.
பட்ஜெட் விலையில் அறிமுகம் செய்யப்பட்டு இருக்கும் புதிய ரியல்மி சி1 ஸ்மார்ட்போனில் 6.2 இன்ச் ஹெச்.டி. பிளஸ் 19:9 ரக நாட்ச் டிஸ்ப்ளே, 87.8% ஸ்கிரீன்-டு-பாடி ரேஷியோ, ஸ்னாப்டிராகன் 450 பிராசஸர், 2 ஜிபி ரேம் வழங்கப்பட்டுள்ளது.
கலர் ஓ.எஸ். 5.1 சார்ந்த ஆன்ட்ராய்டு 8.1 ஓரியோ இயங்குதளம் கொண்டு இயங்கும் ரியல்மி சி1 ஸ்மார்ட்போனில் புகைப்படங்களை எடுக்க 13 எம்.பி. பிரைமரி கேமரா, 2 எம்.பி. இரண்டாவது பிரைமரி கேமரா மற்றும் 5 எம்.பி. செல்ஃபி கேமரா வழங்கப்பட்டுள்ளது. கைரேகை சென்சார் வழங்கப்படாத நிலையில் ரியல்மி சி1 மாடலில் ஃபேஸ் அன்லாக் வசதி வழங்கப்பட்டுள்ளது.
ரியல்மி சி1 சிறப்பம்சங்கள்:
- 6.2 இன்ச் 1520x720 பிக்சல் 18:9 ஃபுல் வியூ 2.5D வளைந்த கிளாஸ் டிஸ்ப்ளே
- 1.8 ஜிகாஹெர்ட்ஸ் ஆக்டா-கோர் ஸ்னாப்டிராகன் 450 14nm பிராசஸர்
- அட்ரினோ 506 GPU
- 2 ஜிபி ரேம்
- 16 ஜிபி மெமரி
- மெமரியை கூடுதலாக நீட்டிக்கும் வசதி
- கலர் ஓ.எஸ். 5.1 சார்ந்த ஆன்ட்ராய்டு 8.1 ஓரியோ
- டூயல் சிம் ஸ்லாட்
- 13 எம்.பி. பிரைமரி கேமரா, எல்.இ.டி. ஃபிளாஷ், f/2.2
- 2 எம்.பி. இரண்டாவது பிரைமரி கேமரா, f/2.4
- 5 எம்.பி. செல்ஃபி கேமரா, f/2.2
- ஃபேஸ் அன்லாக்
- 4ஜி வோல்ட்இ, வைபை, ப்ளூடூத்
- 4230 எம்.ஏ.ஹெச். பேட்டரி
ரியல்மி சி1 ஸ்மார்ட்போன் பிளாக் மற்றும் புளு நிறங்களில் கிடைக்கிறது. தீபாவளி பண்டிகையை முன்னிட்டு ரியல்மி சி1 விலை ரூ.6,999 என நிர்ணயம் செய்யப்பட்டுள்ளது. இந்தியாவில் பிளிப்கார்ட் தளத்தில் மட்டும் பிரத்யேகமாக விற்பனை செய்யப்பட இருக்கும் ரியல்மி சி1 அக்டோபர் 11-ம் தேதி முதல் கிடைக்கும்.