நீங்கள் தேடியது "அடிப்படை வசதி"

திருவாரூர்:

திருவாரூர் மாவட்டம் குடவாசல் வட்டம் புதுக்குடி, சேங்காலிபுரம்,வடவேர் ஊராட்சிகளில் அடிப்படை வசதிகள் குறித்து கலெக்டர் நிர்மல்ராஜ் ஆய்வு மேற்கொண்டு, பொதுமக்களிடம் குறைகளை கேட்டறிந்தார்.

குடவாசல் வட்டம் புதுக்குடி கிராமத்திற்குட்பட்ட நரசிங்கம்பேட்டை பகுதிகளில் தெருவிளக்குகள், குடிநீர் உள்ளிட்டவைகள் பொதுமக்களுக்கு முறையாக கிடைக்கிறதா என்பது குறித்து மேற்கொண்டார்.

அப்போது பொதுமக்களிடம் மகாத்மா காந்தி தேசிய ஊரக வேலை உறுதியளிப்புத் திட்டம், தினசரி குடிநீர் விநியோகம், குப்பை அகற்றுவது குறித்து கேட்டறிந்து வட்டார வளர்ச்சி அலுவலரிடம் உடனடியாக உரிய நடவடிக்கை எடுக்குமாறு அறிவுறுத்தினார்.

தொடர்ந்து சேங்காலிபுரம் ஊராட்சி அக்ரகாரம் பகுதியில் பொதுமக்களிடம் தேவையான அடிப்படை வசதிகள் குறித்து கேட்டறிந்து தெருவிளக்குகள், தினசரி குடிநீர் விநியோகம் தடையின்றி வழங்கிட அலுவலர்களுக்கு உத்தரவிட்டார். அதனை தொடர்ந்து அரசு உயர்நிலைப்பள்ளியில் மதிய உணவினை கலெக்டர் ஆய்வு செய்தார்.

இந்த ஆய்வில் வட்டார வளர்ச்சி அலுவலர்கள் சந்தன கோபால கிருஷ்ணன், பொற்செல்வி, மற்றும் அரசு அலுவலர்கள் கலந்து கொண்டனர்.

திருப்பூர்:

திருப்பூர் மாநகராட்சியில் கமி‌ஷனராக இருந்த அசோகன் பதவி உயர்வு பெற்று சென்னைக்கு மாறுதலாகி சென்றார். இதனையடுத்து திருப்பூர் மாநகராட்சியின் புதிய கமி‌ஷனராக சிவகுமார் நியமிக்கப்பட்டார். அவர் மாநகராட்சி அலுவலகத்திற்கு வந்து கமி‌ஷனராக பொறுப்பேற்றுக் கொண்டார் பின்னர் அவர் கூறியதாவது:-

திருப்பூர் மாநகராட்சியில் தேவைகளை கண்டறிந்து, வளர்ச்சித்திட்டப் பணிகள் குறித்து அலுவலர்களிடம் கேட்டறிந்து அதன் அடிப்படையில் பொதுமக்களின் தேவைக்கேற்ப அத்தியாவசிய அவசரத்தேவைக்கு முன்னுரிமை அளிக்கப்படும்.

அடிப்படை வசதிகளான சாக்கடை வசதி, குடிநீர் வசதி, கல்வி வசதி, சுகாதாரம், கழிப்பிட வசதி போன்ற பல்வேறு அடிப்படை வசதிகளுக்கு முன்னுரிமை அளித்து திருப்பூர் மாநகராட்சியின் வளர்ச்சிக்கு முக்கியத்துவம் கொடுத்து நடவடிக்கைகள் மேற்கொள்ளப்படும் என்றார்.

புதிதாக பதவியேற்று கொண்ட கமி‌ஷனருக்கு மாநகர பொறியாளர் ரவி, செயற்பொறியாளர் திருமுருகன், உதவி கமி‌ஷனர்கள் நாராயணன், வாசுகுமார், செல்வநாயகம், முகமது சபியுல்லா, கண்ணன், வருவாய் ஆய்வாளர் தங்கவேல் ராஜன் மற்றும் மாநகராட்சி அலுவலர்கள் வாழ்த்து தெரிவித்தனர்.

பேரையூர்:

மதுரை மாவட்டம், திருமங்கலம் அருகே உள்ள கப்பலூர் 4 வழிச்சாலையோரத்தில் ரூ. 11.36 கோடி மதிப்பீட்டில் அரசு கலைக் கல்லூரியை முதல்- அமைச்சர் எடப்பாடி பழனிச்சாமி திறந்து வைத்தார்.

இந்த கல்லூரியில் சுற்று வட்டாரத்தை சேர்ந்த 2 ஆயிரத்துக்கும் மேற்பட்ட மாணவ-மாணவிகள் படித்து வருகின்றனர்.

இந்த நிலையில் இன்று காலை கல்லூரிக்கு வந்த மாணவ-மாணவிகள் வகுப்புகளை புறக்கணித்து திடீரென கல்லூரி முன்புள்ள 4 வழிச்சாலையில் அமர்ந்து சாலை மறியலில் ஈடுபட்டனர்.

அப்போது கல்லூரியில் குடிநீர், கழிப்பறை, உள்ளிட்ட அடிப்படை வசதிகளை செய்து தர வேண்டும். கல்லூரி சரியான நேரத்தில் இயங்க நடவடிக்கை எடுக்க வேண்டும் உள்பட பல்வேறு கோரிக்கைகளை வலியுறுத்தி கோ‌ஷமிட்டனர்.

இதுதொடர்பாக மறியலில் ஈடுபட்ட மாணவிகள் கூறுகையில் கல்லூரி திறக்கப்பட்டு 10 மாதங்கள் ஆகியும் குடிநீர், கழிப்பறை உள்ளிட்ட எந்தவித அடிப்படை வசதியும் இல்லை. கழிப்பறை இருந்தும் அதை பராமரிக்காததால் பயனற்று உள்ளது. இதனால் நாங்கள் மிகவும் சிரமப்படுகிறோம்.

மேலும் கல்லூரி தாமதமாக திறக்கப்படுகிறது. பேராசிரியர்கள் தாமதமாக வருகின்றனர். இதனால் எங்கள் கல்வி பாதிக்கப்படுகிறது.

எனவே இதற்கு உடனே தீர்வு காணவேண்டும் என்று வலியுறுத்தினர். மறியல் குறித்து தகவலறிந்த திருமங்கலம் போலீஸ் இன்ஸ்பெக்டர் காந்தி சம்பவ இடத்திற்கு வந்து பேச்சு வார்த்தை நடத்தினார். இதனை தொடர்ந்து மறியல் கைவிடப்பட்டது மறியலால் போக்குவரத்து ஒரு மணி நேரம் கடுமையாக பாதிக்கப் பட்டது.