என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
முகப்பு » என்ஜினீயர் கைது
நீங்கள் தேடியது "என்ஜினீயர் கைது"
ஆபாச படங்களை இணையதளத்தில் வெளியிடாமல் இருக்க, அமெரிக்காவில் படிக்கும் சென்னை மாணவியிடம், ரூ.1 கோடி கேட்டு மிரட்டிய என்ஜினீயர் கைது செய்யப்பட்டார்.
சென்னை:
சென்னை போரூர் லட்சுமி நகரைச் சேர்ந்தவர் ரமேஷ் (வயது 51). சாப்ட்வேர் என்ஜினீயரான இவருக்கு திருமணமாகி 2 குழந்தைகள் உள்ளனர். அமெரிக்காவில் வேலை பார்த்து வந்தார். இவருடன் குடும்ப நண்பராக பழகி வந்த சென்னை அரசு பெண் அதிகாரியின் மகள் அமெரிக்காவில் படித்து வருகிறார். திடீரென்று அவருக்கு உடல் நலக்குறைவு ஏற்பட்டது. அப்போது ரமேஷ்தான் உடன் இருந்து கவனித்தார். ரமேஷ் தற்போது சென்னை வந்து விட்டார்.
அரசு பெண் அதிகாரி தனது மகளுக்கு திருமணம் செய்ய மாப்பிள்ளை பார்த்து வருகிறார். இந்தநிலையில், பெண் அதிகாரியின் மகளின் செல்போனுக்கு எஸ்.எம்.எஸ். மூலம் ஒரு தகவல் அனுப்பப்பட்டது.
அந்த தகவலில், உனது ஆபாச படங்கள் என்னிடம் உள்ளது, அவற்றை இணைய தளத்தில் வெளியிடாமல் இருக்க ரூ.1 கோடி பணம் தர வேண்டும், என்று கூறப்பட்டு இருந்தது. இதைக்கேட்டு சென்னையில் இருக்கும் அரசு பெண் அதிகாரி துடித்து போனார். திருமணத்துக்கு மாப்பிள்ளை பார்த்து வரும் இந்த நேரத்தில், இதுபோன்ற தகவலை அனுப்பி மிரட்டுபவர் யார்?, என்று தெரியாமல் பெண் அதிகாரி கடும் குழப்பம் அடைந்தார்.
இது குறித்து டி.பி.சத்திரம் போலீஸ் நிலையத்தில் புகார் மனு ஒன்றை கொடுத்தார். மிரட்டல் விடுத்த நபரை கண்டுபிடித்து கடும் நடவடிக்கை எடுக்க வேண்டும், என்று புகாரில் வலியுறுத்தினார். உதவி கமிஷனர் ரமேஷ் மேற்பார்வையில், இன்ஸ்பெக்டர் ராஜேஸ்வரி வழக்குப்பதிவு செய்து விசாரணை நடத்தினார்.
அவர் நடத்திய அதிரடி விசாரணையில், ஆபாச படங்களை வெளியிடுவதாக மிரட்டல் விடுத்த நபர், என்ஜினீயர் ரமேஷ் என்று தெரியவந்தது. அவர் வேறொருவர் பெயரில் இந்த மிரட்டல் துரோக நாடகத்தை அரங்கேற்றியது கண்டுபிடிக்கப்பட்டது. குடும்ப நண்பராக உயிருக்கு, உயிராக பழகிய ரமேஷ், இதுபோன்ற துரோகச்செயலில் ஈடுபட்டது போலீசாருக்கும் அதிர்ச்சியை கொடுத்தது. அரசு பெண் அதிகாரியும், இதைக்கேட்டு மனம் உடைந்தார்.
ரமேஷ் நேற்று கைது செய்யப்பட்டார். ஆபாச படம் வெளியிடுவதாக மிரட்டியது ஏன்? என்பது பற்றி அவர் போலீசில் பரபரப்பு வாக்குமூலம் கொடுத்துள்ளார்.
நான் அரசு பெண் அதிகாரிக்கு, அவரது வீட்டை பெரிதாக கட்டுவதற்கு ரூ.50 லட்சம் வரை கடனாக கொடுத்தேன். அந்த பணத்தை திருப்பித்தராமல் இழுத்தடித்து வந்தார். மேலும் மகளுக்கு ஆடம்பரமாக திருமணம் செய்ய ஏற்பாடுகள் செய்தனர். திருமணம் நடந்தால், நமக்கு பணம் திரும்பி கிடைக்காது. எனவே திருமணத்தை நடத்தவிடாமல் தடுப்பதற்கு, இந்த மிரட்டல் நாடகத்தை நடத்தினேன்.
பெண் அதிகாரியின் மகள் உடல் நலம் பாதிக்கப்பட்டபோது, நான்தான் உடன் இருந்து கவனித்தேன். அப்போது அவர் செல்போனில் வைத்திருந்த அவரது ஆபாச படங்களை நான் எனது செல்போனில் எடுத்து வைத்துக்கொண்டேன். அந்த படங்களை வைத்துதான் மிரட்டல் செய்தி அனுப்பினேன். இவ்வாறு ரமேஷ் தனது வாக்குமூலத்தில் கூறியதாக, போலீசார் தெரிவித்தனர். ரமேசின் செல்போனில் வைத்திருந்த ஆபாச படங்களை போலீசார் கைப்பற்றினார்கள். அவர் நீதிமன்ற காவலில் சிறையில் அடைக்கப்படுவார், என்று போலீசார் தெரிவித்தனர்.
முன்விரோத தகராறில் தேமுதிக பிரமுகரை கத்தியால் குத்திய என்ஜினீயரை போலீசார் கைது செய்தனர். மேலும் 6 பேரை தேடி வருகிறார்கள்.
பண்ருட்டி:
கடலூர் மாவட்டம் பண்ருட்டி பேர்பெரியான் குப்பத்தை சேர்ந்தவர் அனந்தராமன் (வயது 42). தே.மு.தி.க. பிரமுகர். இவருக்கும் அதே பகுதியை சேர்ந்த ராம்கி என்பவருக்கும் முன் விரோதம் இருந்து வந்தது.
இந்த நிலையில் சம்பவத்தன்று ராம்கி மற்றும் அவரது நண்பர் நெய்வேலியை சேர்ந்த என்ஜினீயர் விஷ்னு(21). உள்பட 7 பேர் அன்ந்தராமனின் வீட்டிற்க்கு சென்றனர். பின்னர் அங்கு இருந்த அனந்தராமனை, ராம்கி தகாத வார்த்தைகளால் திட்டினார். இதில் அவர்கள் 2 பேருக்கும் இடையே தகராறு ஏற்பட்டது.
இதை தொடர்ந்து ராம்கி அவரது நண்பர்களுடன் சேர்ந்து அனந்தராமனை இரும்பு பைப் உள்ளிட்ட ஆயுதங்களால் சரமாரியாக தாக்கினர். பின்னர் அவர்கள் மறைத்து வைத்திருந்த கத்தியை எடுத்து அனந்தராமனை சரமாரியாக குத்தினர். கத்திக்குத்தில் தலை மார்பு உள்பட பல்வேறு இடங்களில் அனந்தராமன் காயம் அடைந்து ரத்த வெள்ளத்தில் கீழே விழுந்தார். அதன் பின்னர் ராம்கி மற்றும் அவரது நண்பர்கள் அங்கிருந்து தப்பி ஓடி விட்டனர்.
படுகாயம் அடைந்த அனந்தராமனை அக்கம் பக்கத்தினர் மீட்டு சிகிச்சைக்காக பண்ருட்டி அரசு ஆஸ்பத்திரியில் சேர்த்தனர். அங்கு அவருக்கு முதலுதவி சிகிச்சை அளிக்கப்பட்டது. பின்னர் மேல் சிகிச்சைக்காக புதுவை ஜிப்மர் ஆஸ்பத்திரிக்கு அனந்தராமனை அனுப்பி வைத்தனர்.
இது குறித்து முத்தாண்டிக்குப்பம் போலீசில் அனந்தராமன் புகார் செய்தார். அதன் பேரில் ராம்கி மற்றும் நெய்வேலியை சேர்ந்த அவரது நண்பர்கள் என்ஜினீயர் விஷ்னு, ராஜதுரை, சாமிதுரை, ரஜினி, அருண்குமார், மகேஸ்வரன், ஆகிய 7 பேர் மீதும் இன்ஸ்பெக்டர் மலர்விழி வழக்குபதிவு செய்து விஷ்னுவை கைது செய்தார். மற்ற 6 பேரையும் வலைவீசி தேடி வருகிறார்.
காதலிக்க மறுத்த பள்ளி மாணவியை கன்னத்தில் பளார் அறை விட்ட என்ஜினீயர் போக்சோ சட்டத்தின் கீழ் கைது செய்யப்பட்டு சிறையில் அடைக்கப்பட்டார்.
சேலம்:
சேலம் ஜாகீர் அம்மா பாளையம் பகுதியில் உள்ள அரசு பள்ளியில் மாணவி ஒருவர் எஸ்.எஸ்.எல்.சி. படித்து வருகிறார். நேற்று காலை சிறப்பு வகுப்பிற்காக மாணவி பள்ளிக்கு சென்று கொண்டிருந்தார்.
அப்போது மாணவியை பின்தொடர்ந்து வந்த வாலிபர் ஒருவர், பள்ளி அருகே நடுரோட்டில் வழிமறித்து தன்னை காதலிக்குமாறு மாணவியிடம் வற்புறுத்தினார். இதை சற்றும் எதிர்பாராத மாணவி அதிர்ச்சி அடைந்தார். ‘நான் யாரையும் காதலிக்க மாட்டேன்’ என தெரிவித்தார்.
இதைக்கேட்டு, அந்த வாலிபர் ஆத்திரம் அடைந்து மாணவியின் கன்னத்தில் ‘பளார்’ என அறைந்தார். மேலும், அந்த மாணவியை அடித்து விட்டு அங்கிருந்து ஓடிவிட்டார்.
பின்னர் அழுது கொண்டே மாணவி வீட்டிற்கு சென்று நடந்த சம்பவம் குறித்து பெற்றோரிடம் கூறினார். தாயார், பள்ளி சீருடையில் இருந்த மகளை அழைத்துக் கொண்டு நேராக சேலம் போலீஸ் கமிஷனர் அலுவலகத்திற்கு வந்து துணை கமிஷனர் தங்கதுரையை சந்தித்து, கண்ணீர் மல்க, மகளுக்கு நேர்ந்த சம்பவம் குறித்து புகார் தெரிவித்தார்.
போலீஸ் துணை கமிஷனர் தங்கதுரை, மாணவியை அடித்த வாலிபர் யார்? என்பதை கண்டுபிடித்து, அவரை உடனடியாக கைது செய்யும்படி சூரமங்கலம் அனைத்து மகளிர் போலீஸ் நிலையத்துக்கு உத்தரவிட்டார்.
இதையடுத்து போலீசார் விசாரணை நடத்தியதில், மாணவியின் கண்ணத்தில் அறைந்தவர் சேலம், நரசோதிப்பட்டி, காமராஜர் காலனியை சேர்ந்த 17 வயது வாலிபர் என்பது தெரியவந்தது. அவரை பிடித்து போலீஸ் நிலையத்துக்கு அழைத்து வந்து விசாரணை நடத்தினர்.
விசாரணையில், அந்த வாலிபர் பற்றி பரபரப்பு தகவல்கள் கிடைத்துள்ளன. அதன் விபரம் வருமாறு:-
வாலிபரின் தந்தை கட்டிடங்களுக்கு டைல்ஸ் ஒட்டும் கூலிவேலை செய்து வருகிறார். அவரது தாயும் கூலி தொழில் செய்து வருகிறார். பெற்றோர் அவரை சேலம் மாவட்டம் மல்லூர் பகுதியில் உள்ள ஒரு தனியார் பாலிடெக்னிக் கல்லூரியில் டிப்ளமோ மெக்கானிக்கல் என்ஜினீயரிங் படிப்பில் சேர்த்து விட்டனர்.
அங்கு முதலாம் ஆண்டு வரை கல்லூரிக்கு சென்று படித்தார். அதன் பிறகு படிப்பில் கவனம் செலுத்தாமல் சுற்றிதிரிந்தார். 2-ம் வருடம் ஒரு சில மாதங்கள் மட்டுமே கல்லூரிக்கு சென்ற அவர் படிப்பை இடையில் நிறுத்தி விட்டு, வீட்டில் இருந்து வருகிறார். வேலைக்கு எதுவும் செல்லாமல், ஊரில் நண்பர்களுடன் ஜாலியாக சுற்றி திரிந்து வந்தார்.
இந்தநிலையில் தான் 10-ம் வகுப்பு மாணவியை கடந்த சில நாட்களாக பின் தொடர்ந்து தன்னை காதலிக்குமாறு வற்புறுத்தியதாக கூறப்படுகிறது. அதற்கு அவர் மறுக்கவே தாக்கியுள்ளார் என்பது தெரியவந்தது.
போலீசார், அவர் மீது போக்சோ சட்டத்தின் கீழ் வழக்குப்பதிந்து கைது செய்து, கோர்ட்டில் ஆஜர்படுத்தினர். வழக்கை விசாரித்த மாஜிஸ்திரேட், அந்த வாலிபரை சேலம் சிறுவர் சீர்திருத்த பள்ளியில் அடைக்க உத்தரவிட்டார். அதன்படி போலீசார், அழைத்துச் சென்று வாலிபரை சிறுவர் சீர்திருத்தப்பள்ளியில் அடைத்தனர்.
குளச்சல் அருகே இளம்பெண்ணை ஆபாச படம் எடுத்து மிரட்டி கற்பழித்த என்ஜினீயர் மீது 4 பிரிவுகளில் வழக்கு பதிவு செய்த போலீசார் கைது செய்து விசாரணை நடத்தி வருகின்றனர்.
குளச்சல்:
குளச்சலை அடுத்த மண்டைக்காடு புதூர் பகுதியை சேர்ந்தவர் சகாய பிரதீஷ்டன் (வயது 22).
சகாய பிரதீஷ்டன் சென்னையில் ஒரு தனியார் நிறுவனத்தில் என்ஜினீயராக வேலை பார்த்து வருகிறார். மண்டைக்காடு புதூரில் இவரது வீடு அருகே இளம்பெண் ஒருவர் வசித்து வந்தார். அந்த பெண்ணின் கணவர் வெளிநாட்டில் வேலை பார்த்து வருகிறார். இதனால் அந்த பெண் மட்டும் வீட்டில் தனியாக இருந்து வந்தார்.
சகாய பிரதீஷ்டன் சென்னையில் இருந்து விடுமுறையில் ஊருக்கு வரும்போது, அந்த பெண்ணுடன் பழக்கம் ஏற்பட்டது. இருவரும் பக்கத்து வீடு என்பதால் அடிக்கடி சந்தித்து கொண்டனர்.
சமீபத்தில் சகாய பிரதீஷ்டன் விடுமுறையில் ஊருக்கு வந்தார். அவர் அந்த பெண்ணை சந்திக்க சென்றார். அப்போது அந்த பெண் வீட்டின் குளியலறையில் இருந்து வெளியே வந்தார்.
அதனை சகாய பிரதீஷ்டன் தனது செல்போனில் படம் பிடித்து கொண்டார். பின்னர் அந்த படத்தை பெண்ணிடம் காட்டி அதனை பெண்ணின் கணவர் மற்றும் உறவினர்களுக்கு அனுப்பி விடுவேன் என்று மிரட்டினார். இதனால் பயந்து போன அந்த பெண்ணை சகாய பிரதீஷ்டன் பாலியல் பலாத்காரம் செய்தார்.
இதற்கிடையே வெளிநாட்டில் இருந்த பெண்ணின் கணவர் சமீபத்தில் ஊருக்கு வந்தார். அதன்பின்பும் சகாய பிரதீஷ்டன் அடிக்கடி அந்த பெண்ணை ரகசியமாக சந்தித்து ஆசைக்கு இணங்க வலியுறுத்தினார்.
சகாய பிரதீஷ்டனின் கோரிக்கையை ஏற்க மறுத்த பெண், இனி வீட்டிற்கு வரவேண்டாம் என்று அவரிடம் கூறிவிட்டார். இதில் ஆத்திரம் அடைந்த சகாய பிரதீஷ்டன், அந்த பெண்ணுடன் எடுத்து கொண்ட ஆபாச படங்களை அவரது கணவர் மற்றும் உறவினர்களுக்கு சமூக வலை தளம் மூலம் அனுப்பினார். அதனை பார்த்த உறவினர்கள் மற்றும் கணவர் அதிர்ச்சி அடைந்தனர்.
உடனே அவர்கள் இது பற்றி குளச்சல் அனைத்து மகளிர் போலீசில் புகார் செய்தனர். இன்ஸ்பெக்டர் வின்சென்ட் அன்பரசி, சப்-இன்ஸ்பெக்டர் பொன். கீதா ஆகியோர் புகார் மீது விசாரணை நடத்தினர்.
பின்னர் இளம்பெண்ணை ஆபாச படம் எடுத்து மிரட்டி கற்பழித்ததாக சகாய பிரதீஷ்டனை கைது செய்தனர். அவர் மீது இந்திய தண்டனை சட்டம் 376, 364 (சி), 506 (2) மற்றும் பெண்கள் வன்கொடுமை தடுப்பு சட்டம் ஆகிய 4 பிரிவுகளின் கீழ் வழக்கு பதிவு செய்தனர். தொடர்ந்து அவரிடம் போலீசார் விசாரணை நடத்தி வருகிறார்கள்.
குளச்சலை அடுத்த மண்டைக்காடு புதூர் பகுதியை சேர்ந்தவர் சகாய பிரதீஷ்டன் (வயது 22).
சகாய பிரதீஷ்டன் சென்னையில் ஒரு தனியார் நிறுவனத்தில் என்ஜினீயராக வேலை பார்த்து வருகிறார். மண்டைக்காடு புதூரில் இவரது வீடு அருகே இளம்பெண் ஒருவர் வசித்து வந்தார். அந்த பெண்ணின் கணவர் வெளிநாட்டில் வேலை பார்த்து வருகிறார். இதனால் அந்த பெண் மட்டும் வீட்டில் தனியாக இருந்து வந்தார்.
சகாய பிரதீஷ்டன் சென்னையில் இருந்து விடுமுறையில் ஊருக்கு வரும்போது, அந்த பெண்ணுடன் பழக்கம் ஏற்பட்டது. இருவரும் பக்கத்து வீடு என்பதால் அடிக்கடி சந்தித்து கொண்டனர்.
சமீபத்தில் சகாய பிரதீஷ்டன் விடுமுறையில் ஊருக்கு வந்தார். அவர் அந்த பெண்ணை சந்திக்க சென்றார். அப்போது அந்த பெண் வீட்டின் குளியலறையில் இருந்து வெளியே வந்தார்.
அதனை சகாய பிரதீஷ்டன் தனது செல்போனில் படம் பிடித்து கொண்டார். பின்னர் அந்த படத்தை பெண்ணிடம் காட்டி அதனை பெண்ணின் கணவர் மற்றும் உறவினர்களுக்கு அனுப்பி விடுவேன் என்று மிரட்டினார். இதனால் பயந்து போன அந்த பெண்ணை சகாய பிரதீஷ்டன் பாலியல் பலாத்காரம் செய்தார்.
இதற்கிடையே வெளிநாட்டில் இருந்த பெண்ணின் கணவர் சமீபத்தில் ஊருக்கு வந்தார். அதன்பின்பும் சகாய பிரதீஷ்டன் அடிக்கடி அந்த பெண்ணை ரகசியமாக சந்தித்து ஆசைக்கு இணங்க வலியுறுத்தினார்.
சகாய பிரதீஷ்டனின் கோரிக்கையை ஏற்க மறுத்த பெண், இனி வீட்டிற்கு வரவேண்டாம் என்று அவரிடம் கூறிவிட்டார். இதில் ஆத்திரம் அடைந்த சகாய பிரதீஷ்டன், அந்த பெண்ணுடன் எடுத்து கொண்ட ஆபாச படங்களை அவரது கணவர் மற்றும் உறவினர்களுக்கு சமூக வலை தளம் மூலம் அனுப்பினார். அதனை பார்த்த உறவினர்கள் மற்றும் கணவர் அதிர்ச்சி அடைந்தனர்.
உடனே அவர்கள் இது பற்றி குளச்சல் அனைத்து மகளிர் போலீசில் புகார் செய்தனர். இன்ஸ்பெக்டர் வின்சென்ட் அன்பரசி, சப்-இன்ஸ்பெக்டர் பொன். கீதா ஆகியோர் புகார் மீது விசாரணை நடத்தினர்.
பின்னர் இளம்பெண்ணை ஆபாச படம் எடுத்து மிரட்டி கற்பழித்ததாக சகாய பிரதீஷ்டனை கைது செய்தனர். அவர் மீது இந்திய தண்டனை சட்டம் 376, 364 (சி), 506 (2) மற்றும் பெண்கள் வன்கொடுமை தடுப்பு சட்டம் ஆகிய 4 பிரிவுகளின் கீழ் வழக்கு பதிவு செய்தனர். தொடர்ந்து அவரிடம் போலீசார் விசாரணை நடத்தி வருகிறார்கள்.
சென்னை புறநகரில் அடுக்குமாடி குடியிருப்புகளில் பூட்டை உடைத்து நகைகளை கொள்ளையடித்த ஆந்திர மாநில கம்ப்யூட்டர் என்ஜினீயர் கைது செய்யப்பட்டார். அவரிடம் இருந்து 130 பவுன் தங்கநகை மீட்கப்பட்டது. #EngineerArrest #GoldTheft
ஆலந்தூர்:
சென்னையை அடுத்த ஆதம்பாக்கம், மடிப்பாக்கம், பள்ளிக்கரணை பகுதிகளில் கடந்த ஓராண்டாக அடிக்கடி அடுக்குமாடி குடியிருப்புகளில் பூட்டை உடைத்து தொடர்ந்து நகை கொள்ளையடிக்கப்பட்டு வருவதாக போலீசாருக்கு புகார்கள் வந்தன.
இதையடுத்து சென்னை மாநகர போலீஸ் கமிஷனர் ஏ.கே.விஸ்வநாதன் உத்தரவின்பேரில் தென்சென்னை இணை கமிஷனர் மகேஸ்வரி மேற்பார்வையில் பரங்கிமலை போலீஸ் துணை கமிஷனர் முத்துசாமி தலைமையில் மடிப்பாக்கம் உதவி கமிஷனர் கெங்கைராஜ், ஆதம்பாக்கம் இன்ஸ்பெக்டர் முரளி உள்ளிட்டோர் கொண்ட தனிப்படை அமைக்கப்பட்டது.
இந்த தனிப்படையினர் ரோந்து பணியில் ஈடுபட்டபோது வேளச்சேரி உள்வட்ட சாலையில் நடந்து சென்றவரிடம் வழிப்பறியில் ஈடுபட்டவரை மடக்கிப்பிடித்து விசாரித்தனர்.
விசாரணையில் பிடிபட்டவர் ஆந்திர மாநிலம் சித்தூர் யாதமாரி கிராமத்தை சேர்ந்த என்ஜினீயர் மதன்குமார் (வயது 29) என்பது தெரியவந்தது. இவர் சென்னை கோடம்பாக்கத்தில் தங்கி இருந்தார். இதனையடுத்து மதன்குமாரை போலீசார் கைது செய்தனர். அவரிடம் போலீசார் நடத்திய விசாரணையில் திடுக்கிடும் தகவல்கள் வெளியானது.
போலீசாரிடம் மதன்குமார் அளித்த வாக்குமூலத்தில் கூறியதாவது:-
கம்ப்யூட்டர் என்ஜினீயரிங் படித்து உள்ளேன். சரியான வேலை எதுவும் கிடைக்கவில்லை. மேலும் உல்லாசமாக வாழ ஆசைப்பட்டேன். ஐதராபாத்தில் உள்ள அடுக்குமாடி குடியிருப்பில் வசிக்கும் வேலைக்கு செல்லும் தம்பதிகளின் வீடுகளை நோட்டமிட்டேன். அங்கு வீடுகளின் பூட்டை உடைத்து திருடியதாக போலீசாரால் கைது செய்யப்பட்டேன்.
வீடுகளில் திருடிய நகைகளை உருக்கி விற்று அதில் வரும் பணத்தில் தாய்லாந்து சென்று அங்குள்ள மசாஜ் சென்டர்களில் உல்லாசமாக இருப்பேன். சென்னையில் உள்ள வேலைக்கு செல்பவர்கள் வசிக்கும் பகுதிகள் எது? என்று இன்டர்நெட் மூலமாக தேடினேன். அப்போது ஆதம்பாக்கம், பள்ளிக்கரணை, மடிப்பாக்கம், வேளச்சேரி பகுதிகளை காட்டியது.
இதையடுத்து கடந்த ஓராண்டாக அடுக்குமாடி குடியிருப்பில் உள்ள வீடுகளில் பூட்டை உடைத்து தங்கநகை, வெள்ளி பொருட்களை கொள்ளையடித்து அவற்றை விற்று தாய்லாந்து சென்று உல்லாசமாக இருந்து வந்தேன். வழிப்பறியில் ஈடுபட்டபோது போலீசாரிடம் சிக்கி விட்டேன்.
இவ்வாறு அவர் கூறியுள்ளார்.
மதன்குமாரிடம் இருந்து 130 பவுன் தங்க நகைகள், 2½ கிலோ வெள்ளிப்பொருட்களை போலீசார் மீட்டனர். மேலும் மதன்குமாரிடம் போலீசார் தொடர்ந்து விசாரணை நடத்தி வருகின்றனர்.
சென்னையை அடுத்த ஆதம்பாக்கம், மடிப்பாக்கம், பள்ளிக்கரணை பகுதிகளில் கடந்த ஓராண்டாக அடிக்கடி அடுக்குமாடி குடியிருப்புகளில் பூட்டை உடைத்து தொடர்ந்து நகை கொள்ளையடிக்கப்பட்டு வருவதாக போலீசாருக்கு புகார்கள் வந்தன.
இதையடுத்து சென்னை மாநகர போலீஸ் கமிஷனர் ஏ.கே.விஸ்வநாதன் உத்தரவின்பேரில் தென்சென்னை இணை கமிஷனர் மகேஸ்வரி மேற்பார்வையில் பரங்கிமலை போலீஸ் துணை கமிஷனர் முத்துசாமி தலைமையில் மடிப்பாக்கம் உதவி கமிஷனர் கெங்கைராஜ், ஆதம்பாக்கம் இன்ஸ்பெக்டர் முரளி உள்ளிட்டோர் கொண்ட தனிப்படை அமைக்கப்பட்டது.
இந்த தனிப்படையினர் ரோந்து பணியில் ஈடுபட்டபோது வேளச்சேரி உள்வட்ட சாலையில் நடந்து சென்றவரிடம் வழிப்பறியில் ஈடுபட்டவரை மடக்கிப்பிடித்து விசாரித்தனர்.
விசாரணையில் பிடிபட்டவர் ஆந்திர மாநிலம் சித்தூர் யாதமாரி கிராமத்தை சேர்ந்த என்ஜினீயர் மதன்குமார் (வயது 29) என்பது தெரியவந்தது. இவர் சென்னை கோடம்பாக்கத்தில் தங்கி இருந்தார். இதனையடுத்து மதன்குமாரை போலீசார் கைது செய்தனர். அவரிடம் போலீசார் நடத்திய விசாரணையில் திடுக்கிடும் தகவல்கள் வெளியானது.
போலீசாரிடம் மதன்குமார் அளித்த வாக்குமூலத்தில் கூறியதாவது:-
கம்ப்யூட்டர் என்ஜினீயரிங் படித்து உள்ளேன். சரியான வேலை எதுவும் கிடைக்கவில்லை. மேலும் உல்லாசமாக வாழ ஆசைப்பட்டேன். ஐதராபாத்தில் உள்ள அடுக்குமாடி குடியிருப்பில் வசிக்கும் வேலைக்கு செல்லும் தம்பதிகளின் வீடுகளை நோட்டமிட்டேன். அங்கு வீடுகளின் பூட்டை உடைத்து திருடியதாக போலீசாரால் கைது செய்யப்பட்டேன்.
வீடுகளில் திருடிய நகைகளை உருக்கி விற்று அதில் வரும் பணத்தில் தாய்லாந்து சென்று அங்குள்ள மசாஜ் சென்டர்களில் உல்லாசமாக இருப்பேன். சென்னையில் உள்ள வேலைக்கு செல்பவர்கள் வசிக்கும் பகுதிகள் எது? என்று இன்டர்நெட் மூலமாக தேடினேன். அப்போது ஆதம்பாக்கம், பள்ளிக்கரணை, மடிப்பாக்கம், வேளச்சேரி பகுதிகளை காட்டியது.
இதையடுத்து கடந்த ஓராண்டாக அடுக்குமாடி குடியிருப்பில் உள்ள வீடுகளில் பூட்டை உடைத்து தங்கநகை, வெள்ளி பொருட்களை கொள்ளையடித்து அவற்றை விற்று தாய்லாந்து சென்று உல்லாசமாக இருந்து வந்தேன். வழிப்பறியில் ஈடுபட்டபோது போலீசாரிடம் சிக்கி விட்டேன்.
இவ்வாறு அவர் கூறியுள்ளார்.
மதன்குமாரிடம் இருந்து 130 பவுன் தங்க நகைகள், 2½ கிலோ வெள்ளிப்பொருட்களை போலீசார் மீட்டனர். மேலும் மதன்குமாரிடம் போலீசார் தொடர்ந்து விசாரணை நடத்தி வருகின்றனர்.
ஓரினச்சேர்க்கையின் போது இறந்ததால் பிரான்ஸ் சுற்றுலா பயணியின் உடலை எரித்து புதைத்த என்ஜினீயர் கைது செய்யப்பட்டார்.
பட்டுக்கோட்டை:
தஞ்சை மாவட்டம் பட்டுக்கோட்டையை அடுத்த மதுக்கூர் அருகே உள்ள ஒலையக்குன்னம் கிராமத்தை சேர்ந்தவர் அழகிரி.
விவசாயியான இவர் சம்பவத்தன்று தனது வயலுக்கு சென்றார். அப்போது வயலில் பிரான்ஸ் நாட்டை சேர்ந்த சுற்றுலா பயணி பியாரே பூட்டியார் பெர்னாண்டோரெனே (வயது68) என்பவரின் பாஸ்போர்ட், டைரி உள்ளிட்ட சில பொருட்கள் அடங்கிய பை கிடந்தது.
இதைபார்த்த அழகிரி மதுக்கூர் போலீசாருக்கு தகவல் தெரிவித்தார். அதன் பேரில் போலீசார் சம்பவ இடத்திற்கு சென்று அந்த பையை கைப்பற்றி சோதனை செய்தனர்.
அப்போது அந்த பையில் மதுக்கூரை அடுத்த ஆவிக்கோட்டை கிராமத்தை சேர்ந்த திருமுருகன் (வயது29) என்பவரின் முகவரி எழுதப்பட்டிருந்த துண்டுச்சீட்டு இருந்தது.
இதையடுத்து போலீசார் திருமுருகனை அழைத்து வந்து விசாரணை நடத்தினர். விசாரணையில் அவர் பிரான்ஸ் சுற்றுலா பயணி பியாரே பூட்டியார் பெர்னாண்டோரெனே உடலை புதைத்து விட்டதாக திடுக்கிடும் தகவலை தெரிவித்தார்.
இதை கேட்டு ஆடிப்போன போலீசார், திருமுருகனிடம் தொடர்ந்து விசாரணை நடத்தினர்.
அப்போது அவர் போலீசாரிடம் கூறிய தகவல்கள் வருமாறு:-
சென்னையில் உள்ள ஒரு என்ஜினீயரிங் கல்லூரியில் 2009-ம் ஆண்டு முதல் 2011 வரை பி.டெக் படித்தேன். அப்போது மாமல்லபுரத்துக்கு சுற்றுலா வந்த பிரான்ஸ் நாட்டை சேர்ந்த பியாரே பூட்டியார் பெர்னாண்டோரெனே என்பவருடன் பழக்கம் ஏற்பட்டது. இதையடுத்து 2 பேரும் நண்பர்கள் ஆனோம்.
மேலும் பியாரே பூட்டியார் பெர்னாண்டோரெனே தமிழகம் வரும் போது தன்னை தொடர்பு கொண்டு பேசுவது வழக்கம். எங்களுக்குள் ஓரினச்சேர்க்கை பழக்கம் இருந்தது.
அதன்படி கடந்த மாதம் 31-ந்தேதி பியாரே பூட்டியார் பெர்னாண்டோரெனே சுற்றுலாவாக சென்னை வந்தார். சென்னையில் தங்கி இருந்த அவர் பின்னர் திருச்சி வந்தார். திருச்சியில் தங்கி இருந்த அவர் 5-ந்தேதி என்னை தொடர்பு கொண்டார்.
இதையடுத்து திருச்சி சென்று அவரை அழைத்துக்கொண்டு மதுக்கூரில் உள்ள எனது வீட்டிற்கு வந்தேன். அங்கு வைத்து 2 பேரும் மது குடித்தோம். பின்னர் ஓரினச்சேர்க்கையில் ஈடுபட்ட போது அவருக்கு திடீரென வலிப்பு ஏற்பட்டு திடீரென மயங்கி விழுந்தார். இதனால் பதட்டமடைந்த நான் அவரை எழுப்ப முயற்சி செய்தேன். ஆனால் அவர் இறந்துவிட்டார்.
இதனால் அவருடைய உடலை என்ன செய்வது என்று தெரியாமல் திகைத்தேன். பின்னர் எனது வீட்டின் சமையலறையில் வைத்து டீசல், பெட்ரோல் டயர் ஆகியவற்றைக் கொண்டு பியாரேபூட்டியார் பெர்னாண்டோரெனே உடலை எரித்தேன். எரிந்து முடிந்ததும் எலும்பு, சாம்பல் மற்றும் எரியாமல் கிடந்த சதைப்பகுதியை 3 சாக்குகளில் அடைத்து மூட்டையாக கட்டி மதுக்கூரில் இருந்து வாட்டாக்குடி செல்லும் சாலையில் இரட்டை புளியமரத்தடி அருகே உக்கடை வாய்க்காலிலும், பையை ஓலையக்குன்னம் கிராமத்தில் உள்ள ஒரு வயலிலும் போட்டு வந்துவிட்டேன்.
இவ்வாறு அவர் கூறியுள்ளார்.
இதையடுத்து பட்டுக்கோட்டை தாசில்தார் சாந்தகுமார் மற்றும் போலீசார் சம்பவ இடத்திற்கு வந்து சாக்குமூட்டையில் இருந்த உடலின் சதை பகுதிகள், எலும்பு ஆகியவற்றை கைப்பற்றி பிரேத பரிசோதனைக்கு பட்டுக்கோட்டை அரசு மருத்துவமனைக்கு அனுப்பி வைத்தனர்.
இது தொடர்பாக வாட்டாக்குடி உக்கடை கிராம நிர்வாக அதிகாரி தனவேல் கொடுத்த புகாரின் பேரில் மதுக்கூர் போலீசார் திருமுருகனை கைது செய்தனர்.
தஞ்சை மாவட்டம் பட்டுக்கோட்டையை அடுத்த மதுக்கூர் அருகே உள்ள ஒலையக்குன்னம் கிராமத்தை சேர்ந்தவர் அழகிரி.
விவசாயியான இவர் சம்பவத்தன்று தனது வயலுக்கு சென்றார். அப்போது வயலில் பிரான்ஸ் நாட்டை சேர்ந்த சுற்றுலா பயணி பியாரே பூட்டியார் பெர்னாண்டோரெனே (வயது68) என்பவரின் பாஸ்போர்ட், டைரி உள்ளிட்ட சில பொருட்கள் அடங்கிய பை கிடந்தது.
இதைபார்த்த அழகிரி மதுக்கூர் போலீசாருக்கு தகவல் தெரிவித்தார். அதன் பேரில் போலீசார் சம்பவ இடத்திற்கு சென்று அந்த பையை கைப்பற்றி சோதனை செய்தனர்.
அப்போது அந்த பையில் மதுக்கூரை அடுத்த ஆவிக்கோட்டை கிராமத்தை சேர்ந்த திருமுருகன் (வயது29) என்பவரின் முகவரி எழுதப்பட்டிருந்த துண்டுச்சீட்டு இருந்தது.
இதையடுத்து போலீசார் திருமுருகனை அழைத்து வந்து விசாரணை நடத்தினர். விசாரணையில் அவர் பிரான்ஸ் சுற்றுலா பயணி பியாரே பூட்டியார் பெர்னாண்டோரெனே உடலை புதைத்து விட்டதாக திடுக்கிடும் தகவலை தெரிவித்தார்.
இதை கேட்டு ஆடிப்போன போலீசார், திருமுருகனிடம் தொடர்ந்து விசாரணை நடத்தினர்.
அப்போது அவர் போலீசாரிடம் கூறிய தகவல்கள் வருமாறு:-
சென்னையில் உள்ள ஒரு என்ஜினீயரிங் கல்லூரியில் 2009-ம் ஆண்டு முதல் 2011 வரை பி.டெக் படித்தேன். அப்போது மாமல்லபுரத்துக்கு சுற்றுலா வந்த பிரான்ஸ் நாட்டை சேர்ந்த பியாரே பூட்டியார் பெர்னாண்டோரெனே என்பவருடன் பழக்கம் ஏற்பட்டது. இதையடுத்து 2 பேரும் நண்பர்கள் ஆனோம்.
மேலும் பியாரே பூட்டியார் பெர்னாண்டோரெனே தமிழகம் வரும் போது தன்னை தொடர்பு கொண்டு பேசுவது வழக்கம். எங்களுக்குள் ஓரினச்சேர்க்கை பழக்கம் இருந்தது.
அதன்படி கடந்த மாதம் 31-ந்தேதி பியாரே பூட்டியார் பெர்னாண்டோரெனே சுற்றுலாவாக சென்னை வந்தார். சென்னையில் தங்கி இருந்த அவர் பின்னர் திருச்சி வந்தார். திருச்சியில் தங்கி இருந்த அவர் 5-ந்தேதி என்னை தொடர்பு கொண்டார்.
இதையடுத்து திருச்சி சென்று அவரை அழைத்துக்கொண்டு மதுக்கூரில் உள்ள எனது வீட்டிற்கு வந்தேன். அங்கு வைத்து 2 பேரும் மது குடித்தோம். பின்னர் ஓரினச்சேர்க்கையில் ஈடுபட்ட போது அவருக்கு திடீரென வலிப்பு ஏற்பட்டு திடீரென மயங்கி விழுந்தார். இதனால் பதட்டமடைந்த நான் அவரை எழுப்ப முயற்சி செய்தேன். ஆனால் அவர் இறந்துவிட்டார்.
இதனால் அவருடைய உடலை என்ன செய்வது என்று தெரியாமல் திகைத்தேன். பின்னர் எனது வீட்டின் சமையலறையில் வைத்து டீசல், பெட்ரோல் டயர் ஆகியவற்றைக் கொண்டு பியாரேபூட்டியார் பெர்னாண்டோரெனே உடலை எரித்தேன். எரிந்து முடிந்ததும் எலும்பு, சாம்பல் மற்றும் எரியாமல் கிடந்த சதைப்பகுதியை 3 சாக்குகளில் அடைத்து மூட்டையாக கட்டி மதுக்கூரில் இருந்து வாட்டாக்குடி செல்லும் சாலையில் இரட்டை புளியமரத்தடி அருகே உக்கடை வாய்க்காலிலும், பையை ஓலையக்குன்னம் கிராமத்தில் உள்ள ஒரு வயலிலும் போட்டு வந்துவிட்டேன்.
இவ்வாறு அவர் கூறியுள்ளார்.
இதையடுத்து பட்டுக்கோட்டை தாசில்தார் சாந்தகுமார் மற்றும் போலீசார் சம்பவ இடத்திற்கு வந்து சாக்குமூட்டையில் இருந்த உடலின் சதை பகுதிகள், எலும்பு ஆகியவற்றை கைப்பற்றி பிரேத பரிசோதனைக்கு பட்டுக்கோட்டை அரசு மருத்துவமனைக்கு அனுப்பி வைத்தனர்.
இது தொடர்பாக வாட்டாக்குடி உக்கடை கிராம நிர்வாக அதிகாரி தனவேல் கொடுத்த புகாரின் பேரில் மதுக்கூர் போலீசார் திருமுருகனை கைது செய்தனர்.
குறிஞ்சிப்பாடி அருகே ஏ.டி.எம்.மில் பணம் எடுத்து தருவதாக ஏமாற்றி விவசாயி வங்கி கணக்கில் ரூ.15 ஆயிரம் திருடிய என்ஜினீயரை போலீசார் கைது செய்தனர்.
குறிஞ்சிப்பாடி:
கடலூர் மாவட்டம் குறிஞ்சிப்பாடியை அடுத்த ஆடூர் அகரம் பகுதியை சேர்ந்தவர் குமார்(வயது 47). விவசாயி. இவர் குறிஞ்சிப்பாடி பகுதியில் உள்ள ஒரு தேசிய மயமாக்கப்பட்ட வங்கி ஏ.டி.எம்.மில் பணம் எடுப்பதற்காக சென்றார்.
குமாருக்கு ஏ.டி.எம். மூலமாக பணம் எடுக்க தெரியாததால் அங்கு பணம் எடுக்க வந்த மற்றொரு நபரிடம் குமார் தனது ஏ.டி.எம்.கார்டை கொடுத்து பணம் எடுத்து தருமாறு கூறினார்.
உடனே அந்த நபர் குமாரின் ஏ.டி.எம்.கார்டை பயன்படுத்தி ஏ.டி.எம்.எந்திரத்தில் இருந்து பணம் எடுக்க முயன்றார். அந்த எந்திரத்தில் பணம் வரவில்லை எனக்கூறிவிட்டு அங்கிருந்த மற்றொரு எந்திரத்தில் குமாருக்கு பணம் எடுத்து கொடுத்தார். உடனே குமார் அங்கிருந்து சென்று விட்டார்.
பின்னர் அந்த நபர் ஏற்கனவே பணம் வரவில்லை எனக்கூறிய ஏ.டி.எம்.எந்திரம் மூலம் குமார் வங்கி கணக்கில் இருந்து ரூ.15 ஆயிரத்தை எடுத்துக்கொண்டு அங்கிருந்து சென்றுவிட்டார்.
இந்தநிலையில் 2 நாட்கள் கழித்து குமார் வங்கி ஏ.டி.எம்.மிற்கு சென்றபோது அவரது வங்கி கணக்கில் ரூ.15 ஆயிரம் குறைவாக இருந்தது தெரியவந்தது.
இதையடுத்து அவர் வங்கி அதிகாரியிடம் கேட்ட போது, அவர் உங்கள் வங்கி கணக்கில் ரூ.15 ஆயிரம் எடுக்கப்பட்டுள்ளது என தெரிவித்தனர்.
இதைகேட்ட அதிர்ச்சியடைந்த குமார் குறிஞ்சிப்பாடி போலீசில் புகார் செய்தார். புகாரின் பேரில் போலீசார் வழக்குபதிவு செய்து விசாரணை நடத்தினர்.
மேலும் ஏ.டி.எம்.எந்திரத்தில் பொருத்தப்பட்டிருந்த கண்காணிப்பு கேமராவில் பதிவாகியிருந்த காட்சியை ஆய்வு செய்தபோது அதில் குமார் வங்கி கணக்கில் இருந்து பணம் திருடிய அந்த நபர் முகம் பதிவாகியிருந்தது.
இதைத்தொடர்ந்து அந்த மர்மமனிதரை போலீசார் பிடித்து விசாரணை நடத்தினர். அதில் அவர் கடலூர் மாவட்டம் சிதம்பரத்தை அடுத்த கீழ்அனுவம்பட்டை சேர்ந்த கோபாலகிருஷ்ணன்(31) என்பதும், அவர் என்ஜினீயர் என்பது தெரியவந்தது. பின்னர் கோபாலகிருஷ்ணனை போலீசார் கைது செய்தனர். அவரிடம் இருந்து ரூ.15 ஆயிரத்தையும் பறிமுதல் செய்தனர். #tamilnews
கடலூர் மாவட்டம் குறிஞ்சிப்பாடியை அடுத்த ஆடூர் அகரம் பகுதியை சேர்ந்தவர் குமார்(வயது 47). விவசாயி. இவர் குறிஞ்சிப்பாடி பகுதியில் உள்ள ஒரு தேசிய மயமாக்கப்பட்ட வங்கி ஏ.டி.எம்.மில் பணம் எடுப்பதற்காக சென்றார்.
குமாருக்கு ஏ.டி.எம். மூலமாக பணம் எடுக்க தெரியாததால் அங்கு பணம் எடுக்க வந்த மற்றொரு நபரிடம் குமார் தனது ஏ.டி.எம்.கார்டை கொடுத்து பணம் எடுத்து தருமாறு கூறினார்.
உடனே அந்த நபர் குமாரின் ஏ.டி.எம்.கார்டை பயன்படுத்தி ஏ.டி.எம்.எந்திரத்தில் இருந்து பணம் எடுக்க முயன்றார். அந்த எந்திரத்தில் பணம் வரவில்லை எனக்கூறிவிட்டு அங்கிருந்த மற்றொரு எந்திரத்தில் குமாருக்கு பணம் எடுத்து கொடுத்தார். உடனே குமார் அங்கிருந்து சென்று விட்டார்.
பின்னர் அந்த நபர் ஏற்கனவே பணம் வரவில்லை எனக்கூறிய ஏ.டி.எம்.எந்திரம் மூலம் குமார் வங்கி கணக்கில் இருந்து ரூ.15 ஆயிரத்தை எடுத்துக்கொண்டு அங்கிருந்து சென்றுவிட்டார்.
இந்தநிலையில் 2 நாட்கள் கழித்து குமார் வங்கி ஏ.டி.எம்.மிற்கு சென்றபோது அவரது வங்கி கணக்கில் ரூ.15 ஆயிரம் குறைவாக இருந்தது தெரியவந்தது.
இதையடுத்து அவர் வங்கி அதிகாரியிடம் கேட்ட போது, அவர் உங்கள் வங்கி கணக்கில் ரூ.15 ஆயிரம் எடுக்கப்பட்டுள்ளது என தெரிவித்தனர்.
இதைகேட்ட அதிர்ச்சியடைந்த குமார் குறிஞ்சிப்பாடி போலீசில் புகார் செய்தார். புகாரின் பேரில் போலீசார் வழக்குபதிவு செய்து விசாரணை நடத்தினர்.
மேலும் ஏ.டி.எம்.எந்திரத்தில் பொருத்தப்பட்டிருந்த கண்காணிப்பு கேமராவில் பதிவாகியிருந்த காட்சியை ஆய்வு செய்தபோது அதில் குமார் வங்கி கணக்கில் இருந்து பணம் திருடிய அந்த நபர் முகம் பதிவாகியிருந்தது.
இதைத்தொடர்ந்து அந்த மர்மமனிதரை போலீசார் பிடித்து விசாரணை நடத்தினர். அதில் அவர் கடலூர் மாவட்டம் சிதம்பரத்தை அடுத்த கீழ்அனுவம்பட்டை சேர்ந்த கோபாலகிருஷ்ணன்(31) என்பதும், அவர் என்ஜினீயர் என்பது தெரியவந்தது. பின்னர் கோபாலகிருஷ்ணனை போலீசார் கைது செய்தனர். அவரிடம் இருந்து ரூ.15 ஆயிரத்தையும் பறிமுதல் செய்தனர். #tamilnews
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X
