நீங்கள் தேடியது "வரைவு வாக்காளர் பட்டியல்"

சென்னை:

அ.தி.மு.க. ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிசாமி ஆகியோர் கூட்டாக வெளியிட்டுள்ள அறிக்கையில் கூறி இருப்பதாவது:-

ஒருங்கிணைந்த வரைவு வாக்காளர் பட்டியல் கடந்த 1-ந்தேதி வெளியிடப்பட்டது. பெயர் சேர்த்தல், நீக்கம், திருத்தம் ஆகியவற்றுக்காக வருகிற 13, 14 மற்றும் 27, 28 ஆகிய தினங்களில் சிறப்பு முகாம்கள் நடைபெறுகிறது.

மிகவும் முக்கியத்துவம் வாய்ந்த இந்த பணியில் அ.தி.மு.க. நிர்வாகிகளும், தொண்டர்களும், வாக்குச்சாவடி நிலை முகவர்களும் தனி கவனம் செலுத்த வேண்டும்.

18 வயது பூர்த்தியானவர்களையும், பட்டியலில் இடம் பெறாதவர்களையும் புதியதாக குடிவந்தவர்களின் பெயர்களையும் வாக்காளர் பட்டியலில் சேர்க்க வேண்டும். பட்டியலில் உள்ள தவறுகளையும் சரி செய்ய வேண்டும்.

இதற்காக முகாம்களுக்கு சென்று இந்த பணியை முழுமையாக செய்ய வேண்டும். முகவர்கள் நியமிக்கப்படாத வாக்கு சாவடியில் உடனடியாக முகவர்கள் நியமித்து அந்தந்த மாவட்ட தேர்தல் அதிகாரிகளுக்கு பட்டியல் சமர்பிக்கப்பட வேண்டும்.

இதற்கான பணிகளை முடித்து அதன் விவரங்களை தலைமை கழகத்தில் சமர்பிக்குமாறு கேட்டுக்கொள்கிறோம்.

இவ்வாறு அதில் கூறப்பட்டுள்ளது.

ராமநாதபுரம்:

ராமநாதபுரம் மாவட்ட கலெக்டர் சங்கர்லால் குமாவத் வரைவு வாக்காளர் பட்டியலை வெளியிட்டார்.

மாவட்டத்தில் உள்ள 4 சட்டசபை தொகுதிகளிலும் 5,77,750 ஆண்கள், 5,84,047 பெண்கள் மற்றும் 62 திருநங்கைகள் என மொத்தம் 11,61,859 வாக்காளர்கள் உள்ளனர்.

இதற்கு முன்பு மார்ச் 19-ந்தேதி 11,65,160 பேர் வாக்காளர்கள் இருந்தனர். அதன்பின் பெறப்பட்ட மனுக்களின் அடிப்படையில் 2,145 ஆண்கள், 2,351 பெண்கள், 3 திருநங்கைகள் சேர்க்கப்பட்டனர்.

இதேபோல 4 திருநங்கைகள், 4,303 ஆண்கள், 3,493 பெண்கள் என 7,800 பேர் நீக்கப்பட்டுள்ளனர். கலெக்டர், கோட்டாட்சியர், தாசில்தார்கள், நகராட்சி ஆணையாளர், அலுவலகங் கள் மற்றும் வாக்குச்சாவடி மையங்களில் இந்த வரைவு வாக்காளர் பட்டியல் பொதுமக்கள் பார்வைக்கு வைக்கப்பட்டுள்ளது.

www.elections.tn.gov.in மற்றும் www.nvsp.in இணையதளத்தில் சரிபார்த்துக் கொள்ளலாம். திருத்தம், பெயர் மாற்றம், நீக்கம் செய்வதற்கு வருகிற 13, 14, 27, 28 ஆகிய தேதிகளில் வாக்குச்சாவடி மையங்களில் சிறப்பு முகாம் நடைபெற உள்ளது.

நிகழ்ச்சியில் டி.ஆர்.ஓ. காமாட்சிகணேசன், தாசில் தார்கள், அரசியல் கட்சி பிரதிநிதிகள் பங்கேற்றனர்.

மதுரை:

மதுரை மாவட்ட வரைவு வாக்காளர் பட்டியலை கலெக்டர் அனீஷ்சேகர் இன்று காலை வெளியிட்டார்.

அதன்படி மதுரை மாவட்டத்தில் உள்ள மொத்த வாக்காளர்கள் எண்ணிக்கை 26,81,727. இதில் ஆண் வாக்காளர் எண்ணிக்கை 13,17,631. பெண் வாக்காளர் எண்ணிக்கை 13,63,897. மூன்றாம் பாலின வாக்காளர் எண்ணிக்கை 199 ஆகும்.

இதனைத் தொடர்ந்து கலெக்டர் அனீஷ்சேகர் நிருபர்களிடம் பேசுகையில், “வாக்காளர் பட்டியலில் பெயர் சேர்த்தல், நீக்கல், திருத்தம் ஆகியவற்றை வருகிற 30-ந்தேதி வரை மேற்கொள்ளலாம். இது தவிர 13, 14, 27, 28 ஆகிய 4 தேதிகளில் சிறப்பு முகாம்கள் நடத்தப்படும்.

மதுரை மாவட்டத்தில் கடந்த மார்ச் மாதம் 19-ந் தேதி வரைவு வாக்காளர் பட்டியல் வெளியிடப்பட்டது. அப்போது மொத்த வாக்காளர்களின் எண்ணிக்கை 26 லட்சத்து 97 ஆயிரத்து 682 ஆக இருந்தது. அதில் 25 ஆயிரத்து 415 பேர் வாக்காளர் பட்டியலில் இருந்து நீக்கம் செய்யப்பட்டனர்.

அதேநேரத்தில் 9 ஆயிரத்து 460 பேர் வாக்காளர் பட்டியலில் புதிதாக சேர்க்கப்பட்டு உள்ளனர்.

எனவே கடந்த மார்ச் மாதத்துடன் ஒப்பிடுகையில் வாக்காளர் பட்டியல் எண்ணிக்கையில் 15,955 பேர் குறைந்து உள்ளனர்.

மதுரை மாவட்டத்தில் அதிக வாக்காளர்களைக் கொண்ட தொகுதியாக மதுரை கிழக்கு சட்டமன்ற தொகுதி அமைந்து உள்ளது. இங்கு 3 லட்சத்து 26 ஆயிரத்து 978 வாக்காளர்கள் இடம் பெற்று உள்ளனர்.

மதுரை மாவட்டத்தில் குறைந்த வாக்காளர் எண்ணிக்கை கொண்ட தொகுதியாக சோழவந்தான் உள்ளது. இங்கு 2 லட்சத்து 16 ஆயிரத்து 715 வாக்காளர்கள் இடம் பெற்று உள்ளனர்.

மதுரை மாவட்டத்தில் 1,164 வாக்குச்சாவடி மையங்களும், 2718 வாக்குச் சாவடிகளும் உள்ளது.

மதுரை மேலூர் தொகுதியில் 2 லட்சத்து 43 ஆயிரத்து 250 பேர் இடம்பெற்று உள்ளனர். இதில் ஆண்களின் எண்ணிக்கை ஒரு லட்சத்து 19 ஆயிரத்து 904.

மதுரை கிழக்கு தொகுதியில் 3 லட்சத்து 26 ஆயிரத்து 978 பேர் இடம் பெற்று உள்ளனர். இதில் ஆண்களின் எண்ணிக்கை ஒரு லட்சத்து 60 ஆயிரத்து 383.

சோழவந்தான் தொகுதியில் 2 லட்சத்து 16 ஆயிரத்து 715 பேர் இடம் பெற்று உள்ளனர். இதில் ஆண்களின் எண்ணிக்கை ஒரு லட்சத்து 6 ஆயிரத்து 503.

மதுரை வடக்கு தொகுதியில் 2 லட்சத்து 42 ஆயிரத்து 656 பேர் இடம் பெற்று உள்ளனர். இதில் ஆண்களின் எண்ணிக்கை ஒரு லட்சத்து 18 ஆயிரத்து 506.

மதுரை தெற்கு தொகுதியில் 2 லட்சத்து 29 ஆயிரத்து 784 பேர் இடம் பெற்று உள்ளனர். இதில் ஆண்களின் எண்ணிக்கை ஒரு லட்சத்து 13 ஆயிரத்து ஒன்று ஆகும்.

மதுரை மத்திய தொகுதியில் 2 லட்சத்து 39 ஆயிரத்து 550 பேர் இடம்பெற்று உள்ளனர். இதில் ஆண்களின் எண்ணிக்கை ஒரு லட்சத்து 16 ஆயிரத்து 818.

மதுரை மேற்கு தொகுதியில் 3 லட்சத்து 6 ஆயிரத்து 547 பேர் இடம் பெற்று உள்ளனர். இதில் ஆண்களின் எண்ணிக்கை ஒரு லட்சத்து 56 ஆயிரத்து 715.

திருப்பரங்குன்றத்தில் மொத்த வாக்காளர் எண்ணிக்கை 3 லட்சத்து 18 ஆயிரத்து 963 ஆகும். இதில் ஆண்களின் எண்ணிக்கை ஒரு லட்சத்து 56 ஆயிரத்து 715.

திருமங்கலத்தில் 2 லட்சத்து 74 ஆயிரத்து 675 பேர் இடம் பெற்று உள்ளனர். இதில் ஆண்களின் எண்ணிக்கை ஒரு லட்சத்து 33 ஆயிரத்து 306.

உசிலம்பட்டி தொகுதியில் 2 லட்சத்து 82 ஆயிரத்து 609 பேர் இடம்பெற்று உள்ளனர். இதில் ஆண் களின் எண்ணிக்கை ஒரு லட்சத்து 41 ஆயிரத்து 349.

வாக்காளர் பட்டியலில் புதிதாக பதிவு செய்வதற்கு, ஒரு தொகுதியில் இருந்து வேறு தொகுதிக்கு முகவரி மாற்றம் செய்வதற்கு படிவம்-6, பாஸ்போர்ட் வைத்துள்ள வெளிநாடு வாழ் இந்தியர்கள் பதிவு செய்வதற்கு படிவம்-6ஏ, ஏற்கனவே பதிவு செய்துள்ள பெயரை நீக்கம் செய்ய, அல்லது வாக்காளர் பட்டியலில் உள்ள பெயர் சேர்ப்பு குறித்து ஆட்சேபணை தெரிவிக்க படிவம்-7, வாக்காளர் பட்டியலில் உள்ள பதிவுகளை மாற்றம் அல்லது திருத்தம் செய்வதற்கு படிவம்-8, ஒரே சட்டமன்றத் தொகுதிக்குள் முகவரி மாற்றம் செய்வதற்கு படிவம்-8ஏ ஆகியவற்றில் விண்ணப்பம் செய்ய வேண்டும்.

அடுத்த ஆண்டு ஜனவரி 1-ந்தேதி 18 வயது பூர்த்தி அடைந்தவர்கள் இன்று முதல் வருகிற 30-ந் தேதி வரை அலுவலக வேலை நாட்களில் வாக்குச்சாவடி மையங்கள், வட்டாட்சியர் அலுவலகங்கள், மாநகராட்சி மண்டல அலுவலகங்களில் விண்ணப்பம் பெற்று, பூர்த்தி செய்து நேரடியாக அளிக்கலாம். அல்லது www.nvsp.in இணையதள முகவரி மூலமாக விண்ணப்பிக்கலாம். செல்போனில் வாக்காளர் உதவி எண் செயலி (Voters Helpline Mobile App) மூலமாகவும் விண்ணப்பிக்கலாம்.

வருகிற 13, 14, 27, 28-ந் தேதிகளில் அங்கு உள்ள வாக்குச்சாவடி மையங்களில் சிறப்பு முகாம்கள் நடக்க உள்ளது.

வாக்காளர் பட்டியலில் பெயர் சேர்க்கும் படிவத்துடன் வயது மற்றும் முகவரிக்கான ஆதாரங்களை இணைக்க வேண்டும். மேலும் விவரம் மற்றும் தகவலுக்கு 1950 என்ற தொலைபேசி எண்ணை தொடர்பு கொள்ளலாம்.

பொதுமக்களிடம் இருந்து பெறப்படும் விண்ணப்பப் படிவங்கள் மீது உரிய விசாரணைகள் மேற்கொண்டு இறுதி வாக்காளர் பட்டியல் அடுத்த ஆண்டு ஜனவரி 5-ந் தேதி அன்று இறுதி வாக்காளர் பட்டியல் வெளியிடப்படும் என்றார்.

நாகர்கோவில்:

குமரி மாவட்டத்தில் சட்டமன்றம் மற்றும் பாராளுமன்ற தேர்தல் முடிந்தபிறகு வாக்காளர் பட்டியலில் பெயர் சேர்த்தல் மற்றும் பெயர் நீக்குதல் பணிகள் மேற்கொள்ளப்பட்டது. அதன்படி குமரி மாவட்டத்தில் உள்ள 6 சட்டமன்ற தொகுதிகளிலும் ஆண் வாக்காளர்கள் 1,847 பேரும், பெண் வாக்காளர்கள் 2 ஆயிரத்து 392 பேரும், இதர வாக்காளர் ஒருவர் என 4 ஆயிரத்து 234 பேர் சேர்க்கப்பட்டனர்.

6 தொகுதிகளிலும் 2 ஆயிரத்து 576 ஆண் வாக்காளர்களும், 2 ஆயிரத்து 434 பெண் வாக்காளர்கள், இதர வாக்காளர்கள் 18 பேர் என 5 ஆயிரத்து 28 பேர் நீக்கப்பட்டுள்ளனர்.

இதைதொடர்ந்து வரைவு வாக்காளர் பட்டியலை நாகர்கோவில் கலெக்டர் அலுவலகத்தில் நடந்த நிகழ்ச்சியில் அனைத்து கட்சியினர் முன்னிலையில் கலெக்டர் அரவிந்த் இன்று வெளியிட்டார்.

அதன்படி குமரி மாவட்டத்தில் 15 லட்சத்து 70 ஆயிரத்து 857 வாக்காளர்கள் உள்ளனர். இதில் ஆண் வாக்காளர்கள் 7 லட்சத்து 83 ஆயிரத்து 923 பேரும், பெண் வாக்காளர்கள் 7 லட்சத்து 86 ஆயிரத்து 739 பேரும், இதர வாக்காளர்கள் 195 பேரும் அடங்குவர்.

கன்னியாகுமரி சட்டமன்ற தொகுதியில் அதிகபட்சமாக 2 லட்சத்து 90 ஆயிரத்து 959 வாக்காளர்கள் உள்ளனர். அங்கு ஆண் வாக்காளர்கள் 1 லட்சத்து 44 ஆயிரத்து 76 பேரும், பெண் வாக்காளர்கள் 1 லட்சத்து 46 ஆயிரத்து 771 பேரும், இதர வாக்காளர்கள் 112 பேரும் உள்ளனர்.

நாகர்கோவில் சட்டமன்ற தொகுதியில் 2 லட்சத்து 70 ஆயிரத்து 248 வாக்காளர்கள் உள்ளனர். அங்கு ஆண் வாக்காளர்கள் 1 லட்சத்து 33 ஆயிரத்து 372 பேரும், பெண் வாக்காளர்கள் 1 லட்சத்து 36 ஆயிரத்து 865 பேரும், இதர வாக்காளர்கள் 11 பேரும் உள்ளனர். குளச்சல் சட்டமன்ற தொகுதியில் 2 லட்சத்து 68 ஆயிரத்து 817 வாக்காளர்கள் உள்ளனர். அங்கு ஆண் வாக்காளர்கள் 1 லட்சத்து 36 ஆயிரத்து 527 பேரும், பெண் வாக்காளர்கள் 1 லட்சத்து 32 ஆயிரத்து 275 பேரும், இதர வாக்காளர்கள் 15 பேரும் உள்ளனர்.

பத்மநாபபுரம் சட்டமன்ற தொகுதியில் 2 லட்சத்து 39 ஆயிரத்து 425 வாக்காளர்கள் உள்ளனர். அங்கு ஆண் வாக்காளர்கள் 1 லட்சத்து 20 ஆயிரத்து 780 பேரும், பெண் வாக்காளர்கள் 1 லட்சத்து 18 ஆயிரத்து 617 பேரும், இதர வாக்காளர்கள் 28 பேரும் உள்ளனர்.

விளவங்கோடு சட்டமன்ற தொகுதியில் 2 லட்சத்து 47 ஆயிரத்து 870 வாக்காளர்கள் உள்ளனர். அங்கு ஆண் வாக்காளர்கள் 1 லட்சத்து 21 ஆயிரத்து 434 பேரும், பெண் வாக்காளர்கள் 1 லட்சத்து 26 ஆயிரத்து 426 பேரும், இதர வாக்காளர்கள் 10 பேரும் உள்ளனர். கிள்ளியூர் சட்டமன்ற தொகுதியில் 2 லட்சத்து 53 ஆயிரத்து 538 வாக்காளர்கள் உள்ளனர். அங்கு ஆண் வாக்காளர்கள் 1 லட்சத்து 27 ஆயிரத்து 734 பேரும், பெண் வாக்காளர்கள் 1 லட்சத்து 25 ஆயிரத்து 785 பேரும், இதர வாக்காளர்கள் 19 பேரும் உள்ளனர்.

வாக்காளர் பட்டியலில் பெயர் சேர்த்தல், நீக்குதல் தொடர்பான சிறப்பு முகாம்கள் 4 நாட்கள் நடக்கிறது. வருகிற 13, 14 மற்றும் 27, 28 ஆகிய 4 நாட்கள் நடைபெறும் சிறப்பு முகாமில் 18 வயதுக்கு மேற்பட்டவர்கள் தங்களது பெயர்களை சேர்த்து கொள்ளுமாறு கலெக்டர் அரவிந்த் வேண்டுகோள் விடுத்துள்ளார்.

பெரம்பலூர்:

இந்திய தேர்தல் ஆணையம் 1.1.2019 அன்று தகுதி நாளாக கொண்டு 18 வயது பூர்த்தியடைந்துள்ள நபர்களை வாக்காளர் பட்டியலில் சேர்ப்பதற்கும், வரைவு வாக்காளர் பட்டியலில் பெயர் திருத்தம், பெயர் நீக்கல், முகவரி திருத்தம் உள்ளிட்ட திருத்தங்கள் மேற்கொள்ளவும் கடந்த 1-ந்தேதி முதல் அடுத்த மாதம் (அக்டோபர்) 31-ந்தேதி வரை விண்ணப்பங்கள் பெற ஆணையிட்டுள்ளது.

அதன்படி வரைவு வாக்காளர் பட்டியலில் பெயர் திருத்தம், பெயர் நீக்கல், முகவரி திருத்தம் உள்ளிட்ட திருத்தங்கள் மேற்கொள்வதற்காக பொதுமக்களிடம், அது தொடர்பான விழிப்புணர்வை ஏற்படுத்தும் வகையில் கல்லூரி மாணவ, மாணவிகள் கலந்து கொண்ட விழிப்புணர்வு ஊர்வலம் பெரம்பலூரில் நடைபெற்றது. பெரம்பலூர் தாசில்தார் அலுவலகத்தில் இருந்து புறப்பட்ட ஊர்வலத்தை பெரம்பலூர் மாவட்ட கலெக்டர் சாந்தா கொடியசைத்து தொடங்கி வைத்தார்.

ஊர்வலத்தில் கலந்துகொண்ட கல்லூரி மாணவ- மாணவிகள் 1.1.2019-ம் நாளன்று நீங்கள் 18 வயது பூர்த்தியானவரா? இன்றே வாக்காளராக உங்கள் பெயரை பதிவு செய்வீர், எழுவீர், வாக்காளராக இன்றே பதிவு செய்வீர் என்பது உள்ளிட்ட வாசகங்கள் அடங்கிய பதாகைகளை ஏந்தி சென்றனர். ஊர்வலம் சங்குப்பேட்டை, பாலக்கரை வழியாக புதிய நகராட்சி அலுவலகத்தை வந்தடைந்தது. ஊர்வலத்தில் குரும்பலூர் பாரதிதாசன் பல்கலைக்கழக உறுப்புக் கல்லூரி, சீனிவாசன் கலை மற்றும் அறிவியல் இருபாலர் கல்லூரி, சாரதா மகளிர் கல்லூரிகளைச் சேர்ந்த 300-க்கும் மேற்பட்ட மாணவ-மாணவிகள் கலந்துகொண்டு, பொதுமக்களிடம் விழிப்புணர்வு ஏற்படுத்தும் வகையில் துண்டு பிரசுரங்களை வழங்கி சென்றனர்.

இதில் மாவட்ட வருவாய் அதிகாரி அழகிரிசாமி, வருவாய் கோட்டாட்சியர் விஸ்வநாதன், பெரம்பலூர் தாசில்தார் பாரதிவளவன், தேர்தல் பிரிவு தாசில்தார் பாலசுப்பிரமணியன் உள்ளிட்ட பலர் கலந்து கொண்டனர். 

ஊத்துக்கோட்டை:

தமிழ்நாட்டில் வாக்காளர் வரைவு பட்டியல் கடந்த 31-ந்தேதி வெளியிடப்பட்டது.

ஊத்துக்கோட்டை தாலுகாவில் கடந்த 6 மாதங் களுக்கு முன்பு 1 லட்சத்து 9 ஆயிரத்து 120 வாக்காளர்கள் இருந்தனர். 6 மாதங்களுக்கு முன்பு 18 வயது நிறைவடைந்தவர்கள் புதிதாக தங்கள் பெயர்களை வாக்காளர் பட்டியலில் சேர்க்க விண்ணப்பித்தனர்.

இதில் 4 ஆயிரத்து 228 பேரின் பெயர்கள் வாக்காளர் வரைவு பட்டியலில் பதிவு செய்யப்பட்டுள்ளது. இத்துடன் சேர்த்து ஊத்துக்கோட்டை தாலுக்காவில் மொத்தம் 1 லட்சத்து 13 ஆயிரத்து 348 வாக்காளர்கள் உள்ளனர். இதில் ஆண் வாக்காளர்கள் 54 ஆயிரத்து 951 பேர். பெண் வாக்காளர்கள் 58 ஆயிரத்து 389 பேர். 8 பேர் இதர பால் இனத்தவர்கள்.

வரைவு வாக்காளர் பட்டியலில் இடம் பெற்றுள்ள புதிய வாக்காளர்கள் ஊத்துக்கோட்டை தாலுகா அலுவலகத்தில் உள்ள வாக்காளர் பிரிவுக்கு சென்று தங்கள் பெயர்களை ஆர்வத்துடன் பார்த்து செல்கின்றனர்.

புதிய வரைவு வாக்காளர் பட்டியலில் பெயர் திருத்தம் செய்ய விரும்புவோர் மற்றும் முகவரி மாற்றம் கோருவோர் வருகிற 9, 23-ந்தேதிகளில் மற்றும் அக்டோபர் 14, 31-ந்தேதிகளில் அந்தந்த பகுதிகளில் உள்ள வாக்குசாவடிகளில் நடைபெற உள்ள வாக்காளர் சிறப்பு முகாம்களில் விண்ணப்பம் அளிக்கலாம்.

மேலும் 18 வயது நிறைவடைந்தவர்கள் புதிதாக வாக்காளர் பட்டியலில் பெயர் சேர்த்து கொள்ளலாம். வருகிற 8-ந்தேதி, 22-ந்தேதி மற்றும் அக்டோபர் 6-ந்தேதி, 13-ந் தேதிகளில் ஊராட்சிகளில் நடைபெற உள்ள சிறப்பு கிராம சபா கூட்டங்களில் வாக்காளர்கள் பெயர் திருத்தம், பெயர் நீக்கம், முகவரி மாற்றம் செய்து கொள்ளலாம்.

கரூர்:

கரூர் மாவட்ட கலெக்டர் அலுவலகத்தில் 2019 சிறப்பு சுருக்க முறை திருத்த வரைவு வாக்காளர் பட்டியலை அங்கீகரிக்கப்பட்ட அரசியல் கட்சி பிரதிநிதிகள் முன்னிலையில் மாவட்ட கலெக்டர் அன்பழகன் நேற்று வெளியிட்டார். பின்னர் இதுகுறித்து அவர் கூறியதாவது:-

இந்திய தேர்தல் ஆணைய உத்தரவின்படி, கரூர் மாவட்டத்திலுள்ள அரவக்குறிச்சி, கரூர், கிருஷ்ணராயபுரம் (தனி) மற்றும் குளித்தலை ஆகிய 4 சட்டமன்ற தொகுதிகளிலும் 2019-ம் ஆண்டிற்கான புகைப்படத்துடன் கூடிய வரைவு வாக்காளர் பட்டியல் இன்று (நேற்று) வெளியிடப்பட்டு கரூர் மற்றும் குளித்தலை வருவாய் கோட்டாட்சியர் அலுவலகங்கள், அனைத்து வட்டாட்சியர் அலுவலகங்கள், நகராட்சி அலுவலகங்கள் மற்றும் வாக்குச்சாவடி அமைவிடங்கள் ஆகியவற்றில் பொதுமக்களின் பார்வைக்காக அடுத்த மாதம் (அக்டோபர்) 31-ந் தேதி வரை வைக்கப்படவுள்ளன.

மேலும் வருகிற 8, 22-ந் தேதிகள் மற்றும் அக்டோபர் மாதம் 6, 13-ந் தேதிகளில் நடைபெறவுள்ள சிறப்பு கிராம சபை கூட்டங்களிலும் வாக்காளர் பட்டியல்கள் பொதுமக்களின் பார்வைக்கு வைக்கப்படும். வருகிற 9, 23, மற்றும் அக்டோபர் மாதம் 7, 14-ந் தேதிகளில் காலை 9.30 மணி முதல் மாலை 5.30 மணி வரை அனைத்து வாக்குச் சாவடி அமைவிடங்களிலும் சிறப்பு முகாம்கள் நடை பெறவுள்ளன.

மேலும் அரவக்குறிச்சி சட்டமன்ற தொகுதியில் 250 வாக்குச்சாவடி மையங்களும், 159 வாக்குச்சாவடி அமைவிடங்களும், கரூர் சட்டமன்ற தொகுதியில் 261 வாக்குச்சாவடி மையங்களும், 94 வாக்குச்சாவடி அமைவிடங்களும், கிருஷ்ணராயபுரம் சட்டமன்ற தொகுதியில் 253 வாக்குச்சாவடி மையங்களும், 195 வாக்குச்சாவடி அமைவிடங்களும், குளித்தலை சட்டமன்ற தொகுதியில் 267 வாக்குச்சாவடி மையங்களும், 160 வாக்குச்சாவடி அமைவிடங்களும் என மொத்தம் 1,031 வாக்குச்சாவடி மையங்களும், 608 வாக்குச்சாவடி அமைவிடங்களும் உள்ளன.

பொதுமக்கள் வாக்காளர் பட்டியலை பார்வையிட்டு அதில் அவர்களது பெயர், புகைப்படம் மற்றும் இதர பதிவுகள் சரியாக உள்ளதா? என்பதை உறுதி செய்து கொள்ளலாம். மேலும் அடுத்த ஆண்டு ஜனவரி 1-ந் தேதி அன்று 18 வயது நிறைவடைந்த, வாக்காளர்களாக பதிவு செய்யாத தகுதியுள்ள அனைவரும் வாக்காளர்களாக பதிவு செய்து கொள்ளலாம். நேற்று முதல் அடுத்த மாதம் அக்டோபர் 31-ந் தேதி வரை வாக்காளர் பட்டியலில் பெயர் சேர்க்க, நீக்க, திருத்தம் செய்ய மற்றும் இடமாற்றம் செய்ய அனைத்து வேலை நாட்களிலும் காலை 10 மணி முதல் மாலை 5 மணி வரை சம்பந்தப்பட்ட வாக்குச்சாவடி அமைவிட அலுவலர், உதவி வாக்காளர் பதிவு அலுவலர் மற்றும் வாக்காளர் பதிவு அலுவலர் ஆகியோரிடம் மனுக் களை அளிக்கலாம்.

மேலும் http://www.nvsp.in என்ற இணையதளம் மூலமாகவும் மனுக்களை அளிக்கலாம்.

இவ்வாறு அவர் கூறினார்.

இந்நிகழ்ச்சியில் மாவட்ட வருவாய் அதிகாரி சூர்யபிரகாஷ், மாவட்ட கலெக்டரின் நேர்முக உதவியாளர் (பொது) செல்வசுரபி, வருவாய் கோட்டாட்சியர்கள் சரவணமூர்த்தி (கரூர்), லியாகத் (குளித்தலை), தேர்தல் வட்டாட்சியர் விஜயகுமார், அனைத்து வட்டாட்சியர்கள் மற்றும் அங்கீகரிக்கப்பட்ட அனைத்து கட்சி பிரதிநிதிகள் உள்பட பலர் கலந்து கொண்டனர். 

திருவண்ணாமலை:

திருவண்ணாமலை மாவட்டத்திற்கான வரைவு வாக்காளர் பட்டியல் நேற்று வெளியிடப்பட்டது. இதில் 19 லட்சத்து 34 ஆயிரத்து 221 வாக்காளர்கள் உள்ளனர். பெயர் சேர்த்தல், நீக்கம் செய்து கொள்ள சிறப்பு முகாம்கள் நடத்த சிறப்பு ஏற்பாடுகள் செய்யப்பட்டுள்ளன.

இந்திய தேர்தல் ஆணையத்தின் உத்தரவின்படி, திருவண்ணாமலை மாவட்ட கலெக்டர் அலுவலக கூட்ட அரங்கில் நேற்று மாவட்டத்தில் உள்ள 8 சட்டமன்ற தொகுதிகளுக்கான வரைவு வாக்காளர் பட்டியல் அனைத்து அங்கீகரிக்கப்பட்ட அரசியல் கட்சி பிரமுகர்கள் முன்னிலையில் வெளியிடப்பட்டது.



மாவட்ட தேர்தல் அலுவலரும், கலெக்டருமான கே.எஸ்.கந்தசாமி வரைவு வாக்காளர் பட்டியலை வெளியிட்டார். அப்போது மாவட்ட வருவாய் அலுவலர் ரத்தினசாமி, உதவி கலெக்டர் (பயிற்சி) பிரதாப், மாவட்ட கலெக்டரின் நேர்முக உதவியாளர் ஜானகி, திருவண்ணாமலை உதவி கலெக்டர் தங்கவேல், அரசு அலுவலர்கள் மற்றும் அனைத்து அங்கீகரிக்கப்பட்ட அரசியல் கட்சி பிரமுகர்கள் இருந்தனர்.

பின்னர் கலெக்டர் கந்தசாமி நிருபர்களிடம் கூறியதாவது:-

திருவண்ணாமலை மாவட்டத்தில் வெளியிடப்பட்ட வரைவு வாக்காளர் பட்டியலின் அடிப்படையில் தற்போது ஆண்கள் 9 லட்சத்து 54 ஆயிரத்து 913 பேர், பெண்கள் 9 ஆயிரத்து 79 ஆயிரத்து 243 பேர் மற்றும் இதர பிரிவினர் 65 பேர் என மொத்தம் 19 லட்சத்து 34 ஆயிரத்து 221 வாக்காளர்கள் உள்ளனர்.

வருகிற 2019-ம் ஆண்டு ஜனவரி மாதம் 1-ந் தேதியை அடிப்படையாகக் கொண்டு, சிறப்பு சுருக்கமுறைத் திருத்தம் தற்போது முதல் தொடங்குகிறது. 18 வயது நிரம்பியவர்கள் அதாவது 2001-ம் ஆண்டு ஜனவரி மாதம் 1-ந் தேதி அன்று வரை பிறந்தவர்கள் புதிதாக வாக்காளர் பட்டியலில் பெயர் சேர்க்க விண்ணப்பிக்கலாம்.

வாக்காளர்கள் தங்களது பெயரை சேர்த்தல், திருத்தம், நீக்கம் மற்றும் இடமாற்றம் செய்ய வருகிற அக்டோபர் மாதம் 31-ந் தேதி வரை அனைத்து வருவாய் கோட்டாட்சியர் அலுவலகம், வாக்குச்சாவடி மையம், தாசில்தார் அலுவலகம் மற்றும் நகராட்சி அலுவலகங்களில் விண்ணப்பிக்கலாம்.

மேலும் இதற்காக சிறப்பு கிராம சபை கூட்டம் வருகிற 8-ந் தேதி, 22-ந் தேதி, அக்டோபர் மாதம் 6-ந் தேதி மற்றும் 13-ந் தேதி ஆகிய தேதிகளில் அனைத்து கிராமங்களிலும் நடைபெறும். அன்று அந்தந்த பாகத்தின் பட்டியல் பார்வைக்கு வைக்கப்படும். வாக்காளர்கள் தங்களது பெயர்களை பட்டியலில் சரிபார்த்து கொள்ளலாம்.

மேலும் மாவட்டத்தில் உள்ள அனைத்து வாக்குச்சாவடி மையங்களிலும் சிறப்பு முகாம்கள் வருகிற 9-ந் தேதி, 23-ந் தேதி, அக்டோபர் மாதம் 7-ந் தேதி, 14-ந் தேதி நடைபெறும். அன்று வாக்காளர் பட்டியலில் புதிதாக பெயர் சேர்க்க, திருத்தம் செய்ய மற்றும் ஆட்சேபனை தெரிவிக்க தேவையான படிவங்கள் பெற்று ஆதாரங்களுடன் விண்ணப்பிக்கலாம்.

வருகிற அக்டோபர் மாதம் 31-ந் தேதி வரை பெறப்படும் படிவங்கள் அனைத்தும் கள விசாரணை செய்யப்பட்டு வருகிற ஜனவரி 4-ந் தேதி அன்று இறுதி வாக்காளர் பட்டியல் வெளியிடப்படும். இந்த வரைவு வாக்காளர் பட்டியல் அனைத்து வருவாய் கோட்டாட்சியர் அலுவலகங்கள், வாக்குச்சாவடி மையங்கள், தாசில்தார் அலுவலகங்கள் மற்றும் நகராட்சி அலுவலகங்களில் வாக்காளர்கள் பார்வைக்கு வைக்கப்படும்.

இவ்வாறு அவர் கூறினார்.

இதையடுத்து கலெக்டர், திருவண்ணாமலை ரெயில் நிலையம் அருகே அமைந்துள்ள டான்காப் கிடங்கில் அமைக்கப்பட்டு உள்ள வைப்பு அறையில் பெங்களூரு பெல் நிறுவனத்தில் இருந்து இந்திய தேர்தல் ஆணையத்தின் மூலமாக அனுப்பி வைக்கப்பட்டுள்ள வாக்குபதிவின் போது வாக்காளர்கள் தங்கள் வாக்குபதிவினை சரிபார்க்கும் எந்திரங்கள் 3200 ( voter verifiable paper audittrial ) அனைத்தும் அங்கீகரிக்கப்பட்ட அரசியல் கட்சி பிரமுகர்கள் முன்னிலையில் வைக்கப்படுவதை தொடங்கி வைத்தார். இந்த வைப்பு அறைக்கு துப்பாக்கி ஏந்திய போலீசார் பாதுகாப்புடன் பணியாளர்கள் எந்திரங்களை தூக்கி சென்றனர். மேலும் தொடர்ந்து அந்த வைப்பு அறைக்கு போலீஸ் பாதுகாப்பு போடப்பட்டு உள்ளது. 

வேலூர்:

வேலூர் மாவட்டத்திற்கான வரைவு வாக்காளர் பட்டியல் நேற்று வெளியிடப்பட்டது. இதில் 30 லட்சத்து 23 ஆயிரத்து 979 வாக்காளர்கள் உள்ளனர். பெயர் சேர்த்தல், நீக்கம் செய்து கொள்ள சிறப்பு முகாம்கள் நடத்த சிறப்பு ஏற்பாடுகள் செய்யப்பட்டுள்ளது.

இந்திய தேர்தல் ஆணையம் அடுத்த ஆண்டு (2019) ஜனவரி 1-ந் தேதியை அடிப்படையாக கொண்டு தீவிர சிறப்பு சுருக்க திருத்தம், வாக்காளர் பட்டியல் தயாரிக்க உத்தரவிட்டுள்ளது. அதன்படி, வேலூர் மாவட்டத்தில் உள்ள 13 சட்டமன்ற தொகுதிகளுக்கான தொகுதி வாரியாக வரைவு வாக்காளர் பட்டியலை வேலூர் மாவட்ட கலெக்டர் ராமன், அங்கீகரிக்கப்பட்ட அரசியல் கட்சி பிரமுகர்கள் முன்னிலையில் நேற்று வெளியிட்டார். அப்போது அவர் பேசியதாவது:-

வேலூர் மாவட்டத்தில் 30 லட்சத்து 23 ஆயிரத்து 979 வாக்காளர்கள் உள்ளனர். மொத்த ஆண் வாக்காளர்கள் 14 லட்சத்து 86 ஆயிரத்து 758 பேரும், பெண் வாக்காளர்கள் 15 லட்சத்து 37 ஆயிரத்து 103 பேரும், 3-ம் பாலினத்தவர்கள் 118 பேரும் உள்ளனர். இதில் ஆண் வாக்காளர்களை காட்டிலும் பெண் வாக்காளர்களே அதிகமாக உள்ளனர்.

வரைவு வாக்காளர் பட்டியலை பொதுமக்கள் பார்வையிடுவதற்காக 1,681 வாக்குச்சாவடி மையங்கள் அமைக்கப்பட்டுள்ளன. இந்த வாக்காளர் பட்டியல் அடுத்த மாதம் (அக்டோபர்) 31-ந் தேதி வரை பார்வைக்கு வைக்கப்பட்டு இருக்கும். பொதுமக்கள் அனைவரும் தங்களது பெயர் வாக்காளர் பட்டியலில் இடம் பெற்றுள்ளதா? என்று சரிபார்க்கலாம்.

பெயர் சேர்க்க படிவம்-6, பெயர் நீக்கம் செய்ய படிவம்-7, திருத்தம் மேற்கொள்ள படிவம்-8, சட்டமன்ற தொகுதிக்குள் முகவரி மாற்றம் செய்ய படிவம்-8ஏ ஆகிய விண்ணப்பங்களை பெற்று திருத்தங்களை சரி செய்து கொள்ளலாம்.

இந்த விண்ணப்பங்களை பெறும் வாக்காளர்கள் சமீபத்தில் எடுத்த வண்ண புகைப்படத்தை மட்டுமே ஒட்ட வேண்டும். கருப்பு- வெள்ளை புகைப்படம் ஏற்று கொள்ளப்படாது எனவும் தேர்தல் ஆணையம் உத்தரவிட்டுள்ளது.

மேலும் தேர்தல் ஆணையத்தின் உத்தரவுப்படி வருகிற 9-ந் தேதி, 23-ந் தேதி மற்றும் அடுத்த மாதம் 7-ந் தேதி, 14-ந் தேதி ஆகிய நாட்களிலும் சிறப்பு முகாம்கள் நடத்தப்படுகிறது. இந்த சிறப்பு முகாம்களில் பொதுமக்கள் கலந்துகொண்டு வாக்காளர் பட்டியலில் திருத்தம் செய்து கொள்ளலாம்.

அதேபோல் வேலூர் மாவட்டத்தின் அனைத்து ஊராட்சிகளிலும் கிராம சபை கூட்டம் நடத்தி வாக்காளர் பட்டியலை வாசித்து காண்பிக்கவும் இந்திய தேர்தல் ஆணையம் உத்தரவிட்டுள்ளது.

அதன்படி, அனைத்து கிராமங்களிலும் வருகிற 8-ந் தேதி, 22-ந் தேதி மற்றும் அடுத்த மாதம் 6-ந் தேதி, 13-ந் தேதி ஆகிய நாளில் சுருக்க திருத்தம்-2019 வரைவு வாக்காளர் பட்டியலை பார்வைக்கு வைத்தல் என்ற பொருளுடன் கிராம சபை கூட்டம் நடத்த உரிய ஏற்பாடு செய்யப்பட்டுள்ளது. மேலும் www.nvsp.in என்ற இணையதளத்தின் மூலம் பெயர் சேர்த்தல், நீக்கல், திருத்தம் மற்றும் முகவரி மாற்றம் செய்து கொள்ளலாம்.

கடந்த ஜனவரி மாதம் வெளியிட்ட வாக்காளர் பட்டியலில் 30 லட்சத்து 51 ஆயிரத்து 171 பேர் இடம் பிடித்திருந்தனர். அதையடுத்து நடத்தப்பட்ட சிறப்பு முகாம்களில் 10 ஆயிரத்து 883 பேர் புதிதாக சேர்க்கப்பட்டனர். 38 ஆயிரத்து 75 பேரின் பெயர்கள் நீக்கம் செய்யப்பட்டது குறிப்பிடத்தக்கது.

இவ்வாறு அவர் பேசினார்.

இதில் தேர்தல் தாசில்தார் பாலாஜி மற்றும் அதிகாரிகள் பலர் கலந்து கொண்டனர். 

ஈரோடு:

ஈரோடு மாவட்டத்தில் கடந்த 10-1-2018 அன்று வாக்காளர் பட்டியல் வெளியிடப்பட்டது. அப்போது மொத்தம் 18 லட்சத்து 37ஆயிரத்து 652 வாக்காளர்கள் இருந்தனர்.

அந்த வாக்காளர் பட்டியலில் பெயர்களை சேர்க்காதவர்கள் தங்கள் பெயர்களை சேர்க்கவும், நீக்க விரும்புபவர்கள் நீக்கவும் அறிவுறுத்தப்பட்டிருந்தனர். இதற்காக சிறப்பு முகாம்கள் நடத்தப்பட்டன.

அதன்படி பலர் விண்ணப்பம் செய்திருந்தனர். அந்த விண்ணப்பங்கள் பரிசீலிக்கப்பட்டு புதிய வாக்காளர் பட்டியல் தயார் செய்யப்பட்டது. அந்த பட்டியல் இன்று வெளியிடப்பட்டது.

பட்டியலை மாவட்ட கலெக்டர் கதிரவன் வெளியிட்டார். நிகழ்ச்சியில் மாநகராட்சி கமி‌ஷனர் சீனி அஜ்மல்கான், கலெக்டரின் நேர்முக உதவியாளர் நர்மதா தேவி, பல்துறை அதிகாரிகள், அரசியல் கட்சியினர் கலந்து கொண்டனர்.

புதிய பட்டியலின்படி ஈரோடு கிழக்கு தொகுதியில் 1098 பேர் சேர்க்கப்பட்டு, 272 பேர் நீக்கப்பட்டனர். ஈரோடு மேற்கு தொகுதியில் 1754 பேர் சேர்க்கப்பட்டு, 425 பேர் நீக்கப்பட்டனர்.

மொடக்குறிச்சி தொகுதியில் 1005 பேர் சேர்க்கப்பட்டு, 446 பேர் நீக்கப்பட்டனர். பெருந்துறை தொகுதியில் 223 பேர் சேர்க்கப்பட்டு, 42 பேர் நீக்கப்பட்டனர்.

பவானி தொகுதியில் 780 பேர் சேர்க்கப்பட்டு, 243 பேர் நீக்கப்பட்டனர். அந்தியூர் தொகுதியில் 419 பேர் சேர்க்கப்பட்டு, 65 பேர் நீக்கப்பட்டனர்.

கோபி தொகுதியில் 875 பேர் சேர்க்கப்பட்டு, 787 பேர் நீக்கப்பட்டனர். பவானிசாகர் தொகுதியில் 961 பேர் சேர்க்கப்பட்டு, 97 பேர் நீக்கப்பட்டனர்.

ஆக மொத்தமாக மாவட்டம் முழுவதும் 7 ஆயிரத்து 115 பேர் வாக்காளர்களாக சேர்க்கப்பட்டனர். 2 ஆயிரத்து 377 வாக்காளர்கள் வாக்காளர் பட்டியலில் இருந்து நீக்கப்பட்டனர்.

புதிய வாக்காளர் பட்டியலில் ஈரோடு மாவட்டம் முழுவதும் உள்ள 8 தொகுதிகளிலும் மொத்தம் 18 லட்சத்து 42 ஆயிரத்து 390 வாக்காளர்கள் உள்ளனர்.

இதில் 9 லட்சத்து 4 ஆயிரத்து 432 ஆண்களும், 9 லட்சத்து 37 ஆயிரத்து 888 பெண்களும் அடங்குவர். ஆண்களைவிட பெண்களே அதிகமாக உள்ளனர். மற்றவர்கள் 70 பேர் உள்ளனர்.

கடந்த ஜனவரி மாதம் வெளியிடப்பட்ட இறுதி வாக்காளர் பட்டியலை விட இந்த புதிய பட்டியலில் புதிதாக 4738 வாக்காளர்கள் சேர்ந்துள்ளனர்.

இன்று வெளியிடப்பட்ட வரைவு வாக்காளர் பட்டியல் அடிப்படையில் ஈரோடு கிழக்கு தொகுதியில் 2 லட்சத்து 14 ஆயிரத்து 980 வாக்காளர்களும், ஈரோடு மேற்கு தொகுதியில் 2 லட்சத்து 65 ஆயிரத்து 103 வாக்காளர்களும் உள்ளனர்.

மொடக்குறிச்சி தொகுதியில் 2 லட்சத்து 24 ஆயிரத்து 960 வாக்காளர்களும், பெருந்துறை தொகுதியில் 2 லட்சத்து 12 ஆயிரத்து 15 வாக்காளர்களும் இடம் பெற்றுள்ளனர்.

பவானி தொகுதியில் 2 லட்சத்து 29 ஆயிரத்து 687 வாக்காளர்களும், அந்தியூர் தொகுதியில் 2 லட்சத்து 9 ஆயிரத்து 666 வாக்காளர்களும் உள்ளனர்.

கோபி தொகுதியில் 2 லட்சத்து 42 ஆயிரத்து 616 வாக்காளர்களும், பவானி சாகர் 2 லட்சத்து 43 ஆயிரத்து 363 வாக்காளர்களும் இடம்பெற்றுள்ளனர்.